Dalam jaman blaoh smartphone pagam haong rilo meyao meyit, meng payua jien, blei kaya tal taduan ma OTP, tok hu sa sit oh caga meda ngak ka urang pandar lahik abih jien dalam gilang pariak. Rilo bruk chot pagat tapa harak daok rah tabiak dalam dunya saong Viet Nam jeng oh ndih di langiu bruk ini.

Dahlau diah, dom mbang kol chot kol bleih pagat bhian ngak meng bruk payua harak taong bhat bruk peih nduac radaih di jalan mbak, pathau khan njauk thuong atau kakei caga di gilang pariak. Min urak ini, bruk ini jak ralo jang: Harak meda mai meng urang dalam sang atau ayut cuai sahabat di drei, ngan haong asal kadha “samar chip” yau juai peih sa video halei angaok Facebook atau Zalo kayua nyu tame smartphone di drei.

Bahrau pang meda yau sa panuac kakei caga biak tian, min biak nao lac bruk payua harak hareik, ngak ka urang taduan var glai saong patui veik payua asal kadha suan. Tui dom urang gah an ninh mang, dom chuoi majam yau ini daok kandaong jaik pluh thun saong daok hu ngak veik khang jang, rilo meng lac di bhum Asia.

Sa bruk salih bahra di kol bleik daok ngak ka jabat karja brei caik hatai caga, nan lac kol duas mang plue urang klah rabha mbaok smartphone. Tuk kol duas bleih peih jamraik ini, kol bleik meda maong iek grauk janih kadha, meng tame gilang pariak, tame mat khau angan ta-eng di drei tal angan ngak tantu OTP.

Meta – kong ti amaik di Facebook brei thau hu pabak tính năng kakei urang pandar tuk klah rabha mbaok smartphone ngan haong urang oh krein. Min tapi, bruk ini tok siam lagaih meyah urang pandar njauk caik hatai caga. Meyah thei taong phone video mai, lac “urang daong ky thuat” atau “lambaok ka gilang pariak”, oh klah rabha mbaok smartphone saong padam mbang taong phone tuk nan.

Rilo harak ngak mek angan jabat karja, gaok mai dom balai mek jien atau jitvu vien thong piah chot pagat urang pandar click tame dom jalan link hu asal kadha chot pagat.

Dom urang ilamo brei thau, rilo lac dom bruk ini pandar majam cong cu prai pambak dom harak chot pagat hu ngak meng nagar Trung Quoc, brei ka kol chot pagat payua yaok trieu harak yaok harei meng rilo SIM saong angan miền karei gauk, ngak ka bruk duah mek inem kan daman jang.

Dalam tukvak bahrau blaoh hu rah tabiak asal kadha harak chot pagat pandar urang tame sa jalan link piah pabak labik taduan kaya oh mek jien. Meyah tame, urang pandar meda njauk klaik mek khau tin di drei, ba tal bruk lahik jien saong drap ar di drei.

Dom urang ilamo gah an ninh mang pakakei ka urang pandar smartphone brei thau ngak 5 bruk yau ini:

- Oh tame yaok jalan link halei dalam harak oh krein, yaom lac tuk nyu dreih yau khau tin meng gilang pariak atau jabat karja nagar.

- Oh klah rabha mbaok smartphone, oh payua ma OTP ka thei, yaom lac urang nan khan lac urang ngak bruk daong.

- Yah klak dom harak hu asal kadha “pambak kakei caga” atau dom video “jhak”.

- Ngak cambaih khau tin tapa kenh pasak, yau ung dung gilang pariak, website pasak atau halau tong dai hu khan brei thau.

- Tame pandar phan mem saong bhian piah bal gilaong hueng ngak kandauk./.