Page ini (11/11), di Jabat ngak bruk di Rajaei, Thu tuong Pham Minh Chinh, Akok Mban tacei ba jalan pakat Negar ka sang daok saong darak pasar taneh riya dang akaok Mbang nyaom ka 3 di Mban tacei ba. Thu tuong caong khin dom sarak ngak brei cambaic laic, sumu gauk hu blei sang daok ka rahra. Mbiah tal ini, dalam negar hu jaik 700 danak dak sang daok ka rahra hu padang ngak labaih 637.000 baoh sang, sumu labaih 60% dut saong bruk khin ngak 1 trieu baoh sang. Rilo bhum palei sangka, caik taneh piah ngak sang daok ka rahra di dom labik hu lagaih, jaik dom pasak do thi, khu kong nghiep, pabak hu hatang ky thuat, ha tang xa hoi yau: Dong Nai, THCM, Tay Ninh, Hà Tĩnh, Ban Huế.

UB bhap bini tinh Vinh Kong birau khan, bruk glut jaleih ar binek ia kaoh pulao Thanh Long, jalan tapa palei Phước Lý Nhì, xã Quới Thiện, glut jaleih atah 225 m saong 2 labik karei mbuan glut jaleih veik. Ini lac labik glut jaleih njauk brei ngak kajap, pasiam sumu, khik brei salamat ka manuac urang saong drap ar di rahra. UBND tinh Vĩnh Long caong khin dom gah brei peih ngak dom jalan pacang samar piah caga hu lagaih, pasiam saong takik khat lahik kayua glut jaleih.

Balai Bien phong Kiểng Phước, tỉnh Đồng Tháp ngak bruk di 2 xa taphia tathik negar lac xã Gia Thuận saong Tân Đông, urak ini khik iek 707 gilai taong cap kaya ikan. Dalam nan hu 116 gilai ikan mbuan ngak suan hukum IUU. Balai pasang iek di angaok tathik saong di dom pabah kraong, ribaong, labik tapen tathik, sumu duah mboh, pacang cakak, langyah piah dom kapal gilai oh hu taka so, oh tut angan, oh pasang iek, gilai ikan oh ginup piah tabiak tathik taong cap kaya ikan, gilai ikan ngak suan hukum taong cap ikan IUU.  

Kuhria caga Tet Tay, Tet Nguyen dan thun nasak Athaih Wao - Bính Ngọ thun 2026 saong  dom harei roya puac thun, kuhria mboh dahlau darak pasar meda chreih chrai, bruk khin blei kaya ndap nda tagok glong. Yau nan, Mban tacei ba 389 Ban Can Tho caong khin dom gah, dom bhum palei brei pasang iek, pataom tame dom janih kaya duh ka Tet yau ye: kaya mbang, kaya ngak pandap  mbang, ahar keo, alak mbia, pakao hala, xang menyek, kaya nong, khak drak, jru pacang caga phun pala, kaya ngak mekre, kaya pandar.

Kong ty Co phan Viet Nam Ky nghe suc san (Vissan) caga kaya tamo that hadiuk saong ngak tabiak pandap ka Tet Nguyen dan kuhria tui jien 530 ti dong. Dalam nan, hu 850 tan rilo pabui that, 3.400 tan kaya pandap, tagok 8% dut saong tukvak ini thun dahlau. Langiu di nan, Vissan hu kuhria caga 1.000 tan rilo pabui la-ar papaok trak meng 0,5 tal 2kg sa paok piah pablei khik yaom tani tanat.

Trung Quoc lac taneh ia hu sarak ngak tri tue nhan tao AI praong abih di dunya, meblah 60% kuhria abih tih sarak ngak tabiak di dunya. Khaw tin nan hu ba tabiak dalam Harak pathau khan Patagok Internet birau khan brei thau. Trung Quoc hu 974  trieu urang blei kay ndap nda online, meblah 88% kuhria abih tih urang hu pandar Internet. Sarak nan daok brei thau lac jien pablei rai angaok online tagok 7,2%, ba taneh ia ini jeng darak pasar pablei salih dien tu praong abih di dunya dalam 12 thun jiak gauk. 

Dalam tuk urang blei pandar di Mỹ dak harei dak huac kandah ka bruk tagok yaom pandap mbang, dom po pablei salih praong dalam gah pablei kaya mbang yau Walmart, Target saong Aldi daok tame bruk yaih khan var mbang Adat Bayar dhar phol piah pachreih tuai damuai. Thun ini, Walmart yaih khan paok kaya mbang Adat Bayar dhar phol yaom 40 USD ka 10 urang, trun biak ralo dut haong 56 USD ka 8 urang di thun dahlau. Dom kaya mbang nan hu 9 janih di drei piah abih takik jien.

Ribuk ia sua trak di Thai Lan daok rah tabiak di ralo labik, ngak kan kandah tal labaih 470.000 bhap bini saong ba tal 13 urang metai. Thai Lan daok pambuak kajap haong karja bhum palei piah peih ngak dom bruk daong ka urang gaok bala, kan kandah saong trun takik bala meng langik tathik. Dalam dom harei tapa, yaok rituh ribau kadung cuah saong rilo mac njuk pruh ia prein khang hu pajeng mai saong pagam di dom labik mbuan ia dauk./.