Jabat An ninh mang saong pacang caga kol pagat pandar kong nghe glong yaok kuhria hu 24 jalan pachot pagat tapa mang bo dom urang nan pandar. Dom jalan nan hu parabha jeng 4 nyaom: Ja angan, palua cuah ayut cuai, duah bruk ngak, iew urang buh jien tame ngak mbang saong ngak klaik klaok mang. Dalam nan, 2 nyaom bruk pachot pagat mboh ralo lac ja angan saong palua cuah ayut cuai blaoh pagat anek saih.  

Bruk nan biak kan thau di kol nyu dak harei dak paglong hu pandar kong nghe birau, pachreih ngak urang cadu hatai kan sahaneng di saih bac, sinh vien. Jabat An ninh mang saong pacang caga kol pagat pandar kong nghe glong mboh lac, saih bac, sinh vien lac dom urang thau sahaneng, dom urang nan oh lac pambak tame bruk kurang sahaneng bo daok pambak tame hatai huac kandah atau bui, haduh hatai di urang.

Hadei tuk mek hu khaw tin di urang, dom urang nan pandar kong nghe glong pagat urang dalam baoh sang, ayut sahabat, iew phone pajadrah urang, ba urang tame bruk huac kandah atau uan tabuan, meng nan oh daok pacang caga jia tame saong mbuan jeng urang pagat. Birau ini, kol nyu daok chap mek manuac tapa online bo gaok tame dom uranaih, dalam nan hu sinh vien.

Đại úy Lê Ngọc Khánh, Jabat An ninh mang saong pacang caga kol pagat pandar kong nghe glong, Kong an TPHCM khan lac: Dom thun jaik ini dom urang pandar kong nghe Deepfake ja mbaok meta, ja sap ndem dalam tuk pagat. Urang pang phone mong mboh mbaok ayut sahabat, manuac dalam baoh sang drei, min mai oh njauk biak. Kuhria dalam 6 bilan thun 2025 tamuh tabiak bruk chap mek manuac tapa online saong urang ranaih umo pang dom mbang eiw phone, dua klauk mbang click chuot mac tinh meda chap mek online.

Jien mek veik kayua gaok pachot pagat biak takik, dom urang nan mboh lac, pacang  caga lac bruk praong piah ka urang urang dam dara, abih di nyu lac dom ayut sinh vien klak gaok bruk pachot pagat online. Dom urang kakei dahlau, yaok urang brei caik hatai “kadun veik hasit” piah sahaneng dahlau tuk brei thau khaw tin di drei atau tame jalan link halei karei. Meyah blait tangin, atau kurang sahaneng, brei cakak klaok laik phone oh pambuak klak kol nyu pagat hu, atau “cakak jien”  samar khan brei ka gilang pariak thau  saong jabat chuc nang thau piah daong.

Sa bruk tra mboh bhian min dom dam dara takik caik hatai nan lac oh hu jabat chuc nang halei ngak bruk atau iew brei khan khaw tin tapa phone.

Tui yaok kuhria di Mentri Kong an, hu 22.000 mbang pachot pagat online dalam thun 2024, tagok jaik 15 mbang dut haong 1.500 mbang thun 2023, kuhria khat labik tal 18.900 ti dong. Yaok 220 urang hu pandar samartphone, ye hu sa urang gaok pachot pagat. Njauk caik hatai, hu tal 70%  bhap bini, dalam nan hu sinh vien hu gaok urang iew phone atau payua tin nhắn pachot pagat yaok  bilan./.