Mbang toa ngak iek taong hukum kayua Toa an bhap bani tinh Ca Mau dang peih, Sơ Tu phap tinh saong Mbo tu lenh Bhum Polis tasik 4 pambuak bruk haong harak Mbao Kong ly peih ngak, tui jalan ngak di Chi thi 32-CT/TW di Mban Bi thu saong bilan tabung glaong pacang cakak taong mek IUU (15.10 - 15.11.2025) kayua Thu tuong Raja-ei ba tabiak.

Bruk hu padang ngak gilac mai meng dusa hu biak. Nan lac meng akaok thun 2023, Lê Minh Huy (daok di xa Sang Đốc, tỉnh Cà Mau) blei sa sruh gilai oh hu ba-ar sarak, ta-eng drei pagam mek sa papan bien so ja saong peih ngak brei ka urang pal akaok gilai gam haong klau urang karei nao taong mek ikan suan adat hukum di bhum tasik Thái Lan. Mbang nao taong atah labaih sa bilan ye njauk urang jarka Thai Lan mek kareik.

Di makamah taong hukum mbang toa, urang njauk duac anagn Huy taduan mek taong abih bruk ngak suan di drei saog likau brei patrun yaom taong hukum hinh phat. Kapul nyaom mbang toa taong phat 5 thun guk saong taong phat pabak payar jien 10 trieu ndong ka dusa "Peih ngak ka urang karei nao tabiak negar langiu suan adat hukum".

Tui HĐXX, bruk ngak di ong Huy oh lac tok suan adat hukum gah nao tabiak negar langiu blaoh daok pambak tal angan je Negar dalam bruk pacang caga IUU, ngak khat lahik tal kein laba di gah taong mek kaya ikan dalam aia tasik.

Hadei di mbang toa makamah taong bhat, van ginum biai ka adat hukum hu peih ngak piah ka urang taong ikan ba tabiak panuac sua tangi, gimum biai haong urang lambaok ka dom jabat chuc nang. Amuk Trần Hồng Ửng, Akaok UBND xã Khánh Lâm brei thau, xa urak ini hu 707 sruh gilai taong mek ikan, dalam nan hu jaik 200 chruh gilai atah labaih 15 m.

Amuk Ưng ndom mayai lac: "Mbang toa ngak iek ini daong ka mikva mbuan thau jang ka adat hukum, paglaong akaok saneng ka adat hukum. Ini lac jalan ngak pathau khan biak siam, daong ka bhap bani oh lac tok thau jang ka adat hukum bo daok diuk rai gam haong adat hukum".

Ndai ta Phạm Viết Huân, Akaok duk Adat hukum, Mbo Tu lenh Bhum Canh sat tasik 4, brei panuac lac: "Bruk taong hukum dom bruk ngak suan IUU brei mboh hatai kham merat di Ndang, Karja dalam bruk peih ngak adat hukum, piah brei ka bhap bani mboh, bhap bani thau piah oh ngak suan, yam tal bruk peih talaih 'the ameh' EC".

Tamat mbang toa ngak iek makamah taong hukum, mban peih bruk hu pok brei 20 pok pandap ka dom urang taong mek ikan naih gheih. Dom pok pandap sit min nyu hu makna biak prong, yau panuac kakei ka tal taok bhap bani tuk tabiak tasik – nan lac "taong mek ikan njauk adat hukum, khik ramik thaik binguk urang taong ikan  Viet Nam di tasik".

Di mbang nyaom ka 20 Mban tacei Pakat negar ka bruk pacang cakak taong mek ikan suan adat hukum, oh khan brei thau saong oh njauk tui adat hukum (IUU) rah tabiak di akaok bilan 11, Thu tuong Phạm Minh Chính khang panuac lac, mbang methuh haong bruk pacang caga taong mek ikan suan adat hukum oh lac tok caong khin ka bruk khik iek kinh te bo daok lac “Mbaok meta, angan je di taneh aia angaok dunya”,  kayua yau nan ye, “oh lac oh ngak saong njauk ngak ka nyu salah blaoh brei ka awal jang”.

Thu tuong caong khin dom mentri dom gah, dom puk palei njauk patui veik bruk ngak di drei ka nyu khang jang, biai yah ka tani tanat jang, siam gheih jang, tui jalan ngak “6 cambaih laih” nan lac: cambaih laih manuac urang, cambaih laih bruk ngak, cambaih laih tukvak, cambaih laih rup dang, cambaih laih ndap nda kaya ngak tabiak saong cambaih laih tham quyen urang pan akaok.

Dom gah jabat karja njauk patagok bruk taong phat dom bruk ngak oh njauk haong adat hukum piah ba kakei bhap bani. Ta-eng dom druh gilai ikan oh ginup harak gar piah nao taong mek, dom puk palei nyauk pataom veik, parabha saong xu ly abih njauk tui adat hukum; pasang iek catang nyaom gilai, pacang caga bruk ngak suan rik daong tame bruk oh daok bruk taong mek IUU saong samar drah peih talaih the ameh EC dalam thun 2025./.