Bruk pachot pagat mai meng sa harak atau mbang taong phone meng lek taka phone ngak ja urang ngak bruk dalam buu ta atau labik pajeng ba. Kol bleik pathau khan ka tuai lac hu sa kaya jaik si hu pajeng ba mai, pandar urang brei bayar sa yaom jien biak lap, bhian hu tok labaih 5.000 - 10.000 dong (jien tabiak gilang, jien pajeng ba…).

Kayua paok jien sit saong njauk haong bruk randap blei kaya online di rilo urang, urang bhian oh caik hatai caga hagait saong ngak tui tacei ba piah bayar jien. Hadei tuk urang bayar jien blaoh, kol bleik patui ndom haong urang meng tai khoan ngak ja Buu dien Viet Nam, pathau khan lac urang payua suan tame tai khoan karei. Hadei nan, kol bleik gham urang lac meyah oh cakak meyao meyit samar tui tacei ba, tai khoan di urang njauk ta-eng lahik meng 4 – 5 trieu dong yaok bilan meng jien urang dalam kapul atau jien bao hiem.

Tuk ini, hatai mboh mbung srau kadau, huac lahik rilo jien yaok bilan ngak ka urang oh caga. Kol bleik samar pandar urang ngak tui dom jalan kandah kandaiy yau tame jalan link ja, pabak khau tin ta-eng drei saong tai khoan gilang pariak, atau gaok mai bayar veik dom paok jien praong jang (jien ngak tantu cambaih laih, jien cakak meyit meyao…) piah “cakak klaoh” meyao meyit ta-eng. Rilo urang kayua oh kajap hatai, khin samar patruh bruk huac kanda lahik yaok pluh trieu dong bo ngak tui saong njauk blah mek taong abih paok jien dalam tai khoan angan kadung jien di drei.

Ini lac bruk pachot pagat oh bahrau min hu salih ha sit dalam nan taong tame hatai di urang blei ndap nda tui jalan online. Bruk pachot pagat dak harei dak mboh chak tuk dom kol bleik hu khau tin di urang blei kaya. Kayua nan piah ta-eng pacang khik drei mikva brei caik hatai caga, abih di nyu nan lac caik hatai ka dom bruk yau ye:

Patruh oh pambuak meyao meyit tuk hu lek taka drei oh thau oh krein bein: Sang gilang harak atau kongti pajeng ba oh tuk halei pandar tuai damuai bayar jien tabiak gilang sit tapa lek taka me-nuac urang, blaoh gham ta-eng lahik jien. Dom meyao meyit jeng hu ngak tapa majam saong hu pathau khan cambaih laih.

Oh taih tame jalan link oh krein bein: Oh brei pabak khau tin di rup drei, ma OTP, mat khau atau ma CVV/CVC di kat gilang pariak tapa yaok jalan link halei hu payua meng lek taka phone atau angan kadung jien tai khoan mang xa hoi drei oh krein.

Caik hatai caga haong khau tin “cakak jien”: Dom meyao meyit ta-eng lahik jien jeng brei hu mbaoh tangin meng po di tai khoan saong oh njauk kich hoat meng sa mbang bayar jien suan 5.000 dong. Brei khang hatai, ndom meyai tapak haong Tong dai sangka tuai damuai di gilang pariak atau labik pajeng ba piah ngak cambaih laih khau tin.

Khang hatai ngak ye oh thau ka drei blaoh brei ieu kong an: Tuk njauk kol bleik gham lahik jien praong, brei padam mbang taong phone nan saong samar khan haong jabat kong an jaik abih atau taong phone tal jalan talei pandiak ka an ninh mang di Mentri Kong an piah khan saong hu tacei ba.

Kadha pachot pagat “bayar jien oh njauk” atau “njauk plue meng buu ta ja” lac bruk brei mboh ka kol bleik kol duas oh padeih salih karei. Rahra brei caik hatai caga ilamo piah oh laik tame bruk nyu pachot pagat mboh oh hu hagait praong min gilac ngak khat lahik trak ka drap ar jien padai./.