Danak, harak bruk pabak Harak brei pandar taneh kayua harak klak lahik hu brei ngak tui hukum di Paka 39 Sarak ka 101/2024/NĐ-CP harei 29/7/2024 di Rajaei brei adat ka bruk pasang iek ka taneh riya, bruk pandar drap ar pagam haong taneh saong He thong khau tin taneh riya:

1. Urang pandar taneh, po pandar drap ar pagam haong taneh buh Harak gar tut angan taneh riya, drap ar pagam haong taneh tui Mau lek taka 11/ĐK ba tabiak pagam tui Sarak ini tal jabat taduan harak gar lac Jabat tut angan taneh riya.

2. Jabat tut angan taneh riya ngak dom bruk yau ini:

a) Pasang glang iek khau tin ka Harak brei pandar hu pabal blaoh urang pandar taneh, po pandar drap ar pagam haong taneh khan brei thau lac njauk lahik dalam harak gar taneh riya, co so du lieu taneh riya;

b) Bruk thau ka taneh riya, drap ar pagam saong taneh hu pabak Harak brei pandar hu salih bruk pandar taneh, bruk pandar drap ar pagam haong taneh atau daok padang dalam dom dom kapul brei mesraiy, kapul ngak bruk karei atau urang menuac tui adat di hukum ye pathau khan, bayar veik harak gar ka urang pandar taneh, po pandar drap ar pagam haong taneh;

c) Bruk oh daok dalam adat di labik b dalam khoan ini ye Jabat tut angan taneh riya ba khau tin tal UB Bhap bini pakat xa labik hu taneh piah hu ngak asal kadha hu brei adat di Khoan 3 Paka ini ngan haong baoh sang, urang menuac; ngak bruk ba tagok khau tin 03 mbang di labik khau tin bol bhap rahra di bhum palei dalam tukvak 15 harei ka bruk lahik Harak brei pandar hu pabak ngan haong kapul, urang hu darah Viet Nam daok di negar langiu, jien buh tabiak ba tagok khau tin kayua urang pandar taneh, po pandar drap ar pagam haong taneh njauk bayar jien;

d) Ngak tui bruk brei klak Harak brei pandar hu pabak; ba tagok, pasiam harak gar taneh riya hadei di tuk hu ngak dom asal kadha hu brei adat dalam khoan 3 Paka ini; brei bahrau Harak brei pandar taneh, bruk pandar drap ar pagam haong taneh ka urang hu brei bahrau.

3. Uy mban bhap bini pakat xa hu ngak dom bruk yau ini:

a) Mbait taok harak brei tantu cambaih laih ka bruk lahik Harak brei pandar hu pabak di jabat UB Bhap bini pakat xa saong labik rahra hu taneh dalam tukvak 15 harei; gam saong nan taduan panuac ndom di rahra dalam tukvak niem yet tantu cambaih laih ka bruk lahik Harak brei pandar hu brei bahrau;

b) Dalam tukvak oh tapa 05 harei kuhria meng harei abih tukvak brei mbait taok harak, UB Bhap bini pakat xa hu ngak harak salah niem yet saong payua tal Jabat tut angan taneh riya.

4. Bruk Blah harak ba-ar pabak di Harak brei pandar hu pabak tui adat di hukum taneh riya dahlau harei Sarak ini hu brei pandar njauk lahik ye urang pandar taneh, po pandar drap ar pagam haong taneh buh Harak tut angan taneh riya, drap ar pagam haong taneh tui harak ngak mbaok Mau lek taka 11/ĐK ba tabiak pagam Sarak ini saong asal Harak brei pandar taneh hu pabak. Jabat tut angan taneh riya pasang iek khau tin di Blah pabak dalam harak gar taneh riya, co so du lieu taneh riya; ngak bruk pabak veik harak brei pandar taneh riya, bruk pandar drap ar pagam haong taneh haong dom khau tin pabak di Harak brei pandar hu pabak saong khau tin di angaok Blah harak ba-ar pabak bahrau”./.