Jabat Polit Pasang iek karja ka siam mkre di rahra, Kong an Ban raya Ho Chi Minh bahrau hu harak gar payua So Ilamo saong Pahat padhih Ban raya Ho Chi Minh, Pasak Harak Ban raya Ho Chi Minh ka bruk jhul khang bruk pathau khan khik kajap du lieu rahra di dalam ban raya, brei kein lagaih ka rahra.

Tui di nan, Kong an Ban raya Ho Chi Minh brei mboh cambaih laih du lieu rahra tuk halei jeng “njauk, ginup, hacih, cambaih laih” lac bruk hu makna maong yau “talang araong” dalam jalan salih lek taka so di dalam negar saong di Ban raya.

Tukvak meng blaoh tapa, Ban raya tuk halei jeng sangka, pato tacei tani tanat meng pakat tinh tal labik jeng hu khik tani tanat bhian ka bruk ngak hacih du lieu yaok harei. Cambaih laih lac, asal kadha dalam nan hu bruk pataom du lieu gok “nao yaok jalan, khan yaok baoh sang” piah pataom mek baoh kadha du lieu tapak, khik kajap bruk njauk meng halau agha; pabak du lieu brei ngak gam gam piah brei mboh ka dom bruk salih dalam raidiuk; pasang iek saong ngak tantu cambaih laih khau tin piah tah klak bruk chung, khik kajap dom khau tin njauk haong raidiuk.

Kong an labik pambuak haong karja palei, jabat hukum langyah dom kan kandah ka harak gar saong pabak khau tin bahrau; pandar ilamo ngak kong, pabak khau tin pabak kat can cuoc, peih dinh danh ndien tu.

Min, piah bruk ini mek hu siam lagaih brei njauk hu daong di rahra dalam Ban raya, pamaong tal jalan salih lek taka so pakat negar. Cambaih laih lac, rahra brei pasang iek khau tin di drei dalam ung dung VneID.

Bruk duah mboh ngak chung ka khau tin, rahra, duah bruk daong meng bruk tapak duah tal Kong an xa, phuong, dac khu labik daok atau ndom tapa jalan talei pandiak di Kong an Ban raya Ho Chi Minh tapa lek taka phone 0693187111.

Langiu di nan, rahra daok meda hu daong meng bruk ndom tapak di angaok ung dung VneID. Dom jalan ngak dalam nan hu:

Jalan ka1: Tame banah “Mek trun” di kieng hanuh mbaok phone.

Jalan ka2: Ruah “Ndom ka kan kandah, tavak tavaiy”

Jalan ka3: Tame banah “Brei panuac ndom”, vak asak kadha ngak chung tame saong likau pasiam.

Jalan ka4: Mek trun harak gar ngak cambaih laih saong payua panuac ndom.