Mintri Kong an daok ginum mek hatai di dom mintri, gah dhan brei paganap Sarak brei ka adat mboh tra brei thau ka bruk palakhah di dalam dom harak gal blei pablei  taneh, radaih lamo tui dom janih hacih lek taka blaoh.

Harak daok padang ngak tui bruk di Rajaei jao di Sarak 205/NQ-CP, piah pakurang bruk ralo harak gal karja, paralo bruk pandar du lieu lek taka so, pakurang harak gal brei ka rahra ba tabiak iek.

Dom majit mayao brei patapak njauk tui Sarak ini hu: Mayao mayit gah blei salih, jao brei, alin hadiah, padang papah, wasiat taneh jeng ye drap ar gam tui taneh, po dom baoh radaih nao mai.

Bruk ini hu lac brei ka bhap bini tuk mai ngak harak oh cang brei mboh tra harak pambuak hợp đồng, oh cang ngak iek harak palakhah atau dom janih harak gal karei di rup eng.

Patui di nan, dom harak ndien tu hu ba tame, brei thau njauk tui harak di kadung nagar daok hu yaom pandar. Rahra bhap bini oh daok cang brei iek harak hu blaoh di dalam kadung harak du lieu lek taka so nagar.

Urang jakar dang ngak bruk njauk ieik tui di dalam kadung harak nagar. Harak Harak pambuak bruk meng online jeng tut tangin meng lek taka so atau ngan tai khoan tanut 2, hu yaom hukum yau harak pambuak bruk hu mbaoh tangin. Min, urang rahra bhap bini jeng hu brei khin tui hatai ngak mboh tra, mayah khin caong.

Jeng tui harak daok ngak, mayah janih harak palakhah ka oh ba tame jeng ye adat hukum pan drap ar kaya ngui, jabat taduon harak jeng brei mek brei pabuh paganap nyu. Pato bhap bini ngak njauk tui harak, padaok angan atau ngak njauk tui VNeID tanut 2 tui adat piah pandar panak patut masa jang di dom mbang ngak harak hadei.

Pagam tui bruk khik ramik harak gal dan khik siam tui hukum nagar, harak daok ngak brei adat harak pambuak bruk dan saong harak mayao mayit online ndien tu dalam majam khao tin pan mayao mayit di jabat nagar.

Dom harak pambuak hợp đồng mayao mayit hu brei mboh tangin meng ndien tu jeng ye brei thau angan Tai khoan padaok angan điện tử tanut 2 hu yaom adat hukum dreih ye hợp đồng hu mboh tra.

Jabat karja taduon mek harak njauk dak khik ganap dak kiang, khau tin brei iek glang, piah taong yaom atau ramik bruk mayah mada tamuh bruk tabiak atau brei lang yah bruk chung njauk (meyah hu)./.