Harei 10/9, Pasak Daong samar chip labik majam mang Viet Nam (VNCERT) pathau khan ka bruk lahik du lieu menuac urang di Pasak Khau tin jien mesraiy pakat negar (CIC). Hadei di tuk taduan khau tin, Kuk An ninh mang saong pacang caga kol duas pandar ilamo ngak kong pakat glaong (Mentri Kong an) hu pato tacei VNCERT dang bruk pambuak haong dom labik ngak bruk pandar dom gah ngak mbang pablei salih pabak jitvu salamat khau tin mang, CIC, labik jabat di Gilang pariak pakat Karja brei mboh khau tin ka bruk kan kandah, peih dom jalan bruk ngak, ilamo ky thuat pacang caga bruk kan kandah, paglaong dom jalan langyah khik kajap an ninh mang, pataom mek du lieu, baoh kadha piah langyah tui adat di hukum nagar.

Bruk lahik khau tin menuac urang caik gilac bruk kan kandah, kayua ini lac baoh kadha meda njauk don urang pambuak tame piah ngak dom bruk pachot pagat dak harei dak sanak jak. Tui langyah di kapul jabat ngak bruk, tukvak anak tal, rahra meda gaok dom bruk pachot pagat yau ini:

Ngak ja ngak bleik gilang pariak, CIC, jabat karja: Taong phone, payua harak hu ginup angan, lek taka CCCD, lek taka gilang pariak piah pathau khan ka bruk “tavak sraiy”, “ngak cambaih laih khau tin”, plue urang pabak padauk eng mat khau, OTP;

Jitvu paklaoh sraiy ja, paglaong yaom kat hạn mức thẻ: Taong tame sinh vien, urang ngak kong caong khin mesraiy jien drah samar;

Ngak ja urang dalam sang, urang dang akaok: Pambuak tame khau tin menuac urang cambaih laih piah pandar payua jien samar;

Gham mek angan hukum nagar: Ngak ja polih Kong an, Vien kiem sat, Toa an, pandar payua jien tame “gilang pariak salamat”;

Spam SMS, Zalo, Email gam tui jlan link jhak tachauk: Dẫn dụ người dùng bấm vào để đánh cắp thêm dữ liệu.

Tui Kong an Ban raya Ho Chi Minh, dom urang meda njauk maong tal tapa dom bruk pachot pagat ini dalam nan hu: Sinh vien, urang ngak kong, vien chuc, urang praong thun umo.

Piah caga, Kong an Ban raya Ho Chi Minh pachreih rahra brei paglaong bruk caga saong ngak dom bruk janih kadha di hadei ini:

Patruh oh pabak angan ta-eng mat khau OTP tapa phone, harak, email;

Oh tame jalan link drei oh thau oh krein; tame pandar ung dung, website di gilang pariak hu ye;

Ngak tantu khau tin tapa hotline atau nao tapak tal gilang pariak, jabat chuc nang;

Oh payua jien “ngak cambaih laih” tame lek taka drei oh tantu;

Anek saih, urang ngak kong brei caga haong yaih khan “paklaoh sraiy CIC”, “mesraiy samar jien Lana 0%”;

Dalam sang njauk brei bhian kakei, tacei ba urang praong thun umo thau ka dom mbang taong phone, harak pachot pagat.

Jabat Canh sat polih hinh su, ndom mayai lac: “Yaok urang brei paglaong bruk caga, pabak khau tin kakei meng kapul kong an polih, gilang pariak saong harak hu angan je piah pacang caga khik drap ar kaya ngui saong caga brei salamat ka menuac urang drei”./.