Tui Kuk An ninh mang saong pacang caga kol bleik pandar ilamo jamraik ngak kong pakat glaong (Mentri Kong an), pamaong tal pahadar 80 thun Harei negar 2/9, Ndang, Karja saong dom jabat, kapul…hu kuhria peih ngak rilo danak dak praong di negar.

Kayua tame bruk yau nan dom kol bleik chot pagat hu peih tabiak rilo tai khoan mang xa hoi ngak ja dom jabat, labik peih ngak danak dak yau ye: “yai kacah nduac salam uan 80 thun harei bangsa Negar”, “pablei pariak hu in thaik pahadar harei bangsa Negar”, “yai kacah nduac hanh trinh hijao”… piah plue rahra tut angan hu mbaok tame, tapa nan blah mek drap ar jien padai.

Jalan chot pagat di kol bleik yau ye nyu peih tabiak dom tai khoan mang xa hoi, ngak ja ngak lau dom jabat, kapul hu angan je (hu dom tai khoan hu inem hijao) ba tagok dom khau tin yaih khan dom danak dak pamaong tal Salam uan Pahadar 80 thun Cach mang bilan 8 saong Harei bangsa negar Cong hoa Xa hoi Chu nghia Viet Nam.

Tuk rahra pambuak tal, kol nyu pandar rahra pabak khau tin di drei tapa panuac kakei atau pabak tame harak hu dahlau kayua kol nyu caga dahlau.

 Hadei di nan dom kol bleik cap mek pandar rahra bayar jien takai atau bayar taong abih jien, brei nyim dahlau jien hu mbaok tame danak dak… saong dom bruk harei piah plue pachot urang rahra bayar jien.

Tuk rahra bayar jien, dom kol bleik pathau khan lac bayar jien chung oh njauk atau oh njauk asal kadha, bruk pabak jien, jien njauk kareik…saong rilo makna karei. Hadei nan tacei ba rahra bayar veik jien, brei hu bayar veik hadei.

Dalam dom bruk, kol bleik plue pachot urang rahra ba drei tame dom danak dak online, ngak bruk atau me-in kadha me-in online, brei pabak dom paok jien meng sit tal tuk urang thau ka bruk chot pagat atau oh daok jien piah pabak tame.

Kayua Meng bruk nan, Kuk An ninh mang saong pacang caga kol bleik pandar ilamo jamraik ngak kong pakat glaong (Mentri Kong an) pachreih rahra brei caik hatai caga dahlau tuk tut angan hu mbaok tame danak dak, danak dak online. Duah thau khau tin ka kapul, urang menuac dahlau tuk tut angan hu mbaok tame.

Rahra brei pasang iek “Bruk tantu cambaih laih di blah web” ngan haong dom tai khoan Facebook, dom blah web ja (hu blah hu inem hijao) bhian hu bahrau peih tabiak atau salih angan, labik di urang khik pasang mai meng rilo labik karei gauk dalam negar.

Pathau khan, brei thau ka urang dalam sang, ayut cuai sahabat ka bruk chot pagat karei bahrau. Gam haong di nan khan saong jabat polih kong an labik jaik abih tuk njauk chot pagat blah mek drap ar jien padai di angaok mang./.