Ong Ngô Trần Vũ, Yam ndok Kongti NTS NTS Security, ndom mayai lac smartphone lac bruk “pambak tame” rilo abih di kol pachot pagat. Kol nyu pandar dom jalan rayak phone krein randap yau ye taong phone, payua harak SMS, atau dom janih pandar yau ye Messenger, Zalo, Telegram piah ngak dom jalan ngak jak sarak. Urang pandar bhian oh caga saong mbuan laik tame bruk chot pagat kayua gaok tame jalan link ja lau atau tin nhan, rilo meng lac tuk urang pandar ilamo ngak kong AI ngak ja sap ndom, thaik binguk piah urang mbuan si palua urang jie tame.

Brei patacei khan bahrau ba tahiak di Lien minh Pacang cakak pachot pagat dalam dunya tacei tabiak lac chot pagat ilamo ky thuat lek taka so dalam thun ini ngak khat lahik praong 23,6 ty USD di Dong Nam Á. Jaik 2/3 urang praong dalam bhum njauk chot pagat yaok urang lahik kuhria rah tapa lac 660 USD. Singapore saong Malaysia khat lahik trak di abih, yaok urang njauk chot pagat tagok tal labaih 1.000 USD.

Pathau brei patacei khan jeng ndom mayai rilo tal bruk cakrok patagok di bruk chot pagat online, bruk sanak jak saong dom kan kandah hu pambuak tal srau kadau glo akaok di urang njauk chot pagat, rilo meng lac di Viet Nam saong Malaysia. Njauk caik hatai sangka, hu tal 18% urang daok gindang, oh khan haong jabat karja thau atau khan ka urang dalam sang.

Di Viet Nam, hadei mbang kan kandah hu pambuak tal janih kadha di Pasak Khau tin Brei Mesraiy jien (CIC) daok dalam Gilang pariak Karja Viet Nam, dom gilang pariak hu gam gam ba tabiak dom bruk kakei caga tal tuai damuai brei biak caik hatai caga anak dom mbang taong phone, tin nhan atau email ja lau angan jabat chuc nang yau ye Kong an, Vien kiem sat, Gilang pariak Karja Viet Nam atau dom gilang pariak.

Tui Gilang pariak TMCP Viet Nam Thinh Vuong, dom urang bhian pandar asal kadha piah gham, kateik geik atau tacei ba urang ngak dom bruk meda ngak kanjah jhak tal kaya. Biak di nyu, ini lac bruk piah blah mek drap ar dalam tai khoan gilang pariak di urang.

Dalam nan, bruk pachot pagat hu ngak rilo abih lac ngak ja ngak lau pathau khan di angan gilang pariak atau kat jien gaok kan kandah, pagam tui jalan link pandar urang tame piah “pasang iek “atau “pasiam”. Kol bleik jeng bhian ba ja ka bruk tuai damuai njauk tavak sraiy jhak atau dom paok jien mesraiy oh tantu, ngak ka urang srau kadau blaoh plue pabak khau tin di drei saong mek trun dom ung dung jhak. Langiu di nan, rilo urang ngak lau urang ngak bruk di gilang pariak piah pandar bayar abih dom tavak sraiy, peih tai khoan atau da-a “mesraiy jien samar, laba lap” min biak nao lac ba tal app mesraiy jien laba glaong oh njauk hukum.

Dalam nan hu mboh lac bruk pachot pagat karei lac ngak ja ngak lau urang jakar pasang duah, pandar urang payua jien tame tai khoan “jabat kong an” piah brei mboh drei tantu cambaih laih. Oh takik urang daok mek angan urang jakar atau urang ngak bruk di gilang pariak, mek makna lac pabak du lieu sinh trac hoc , VneID, khan ka jien je... piah payua jalan link hu mã độc. Langiu di nan, kol nyu daok jak blei dom “kadha CIC” ja lau, pagam haong mã độc piah blah mek bruk pandar phone tuk urang mek trun. Njauk caik hatai sangka, kol bleih di angak riyak langik urak ini daok pandar ilamo jammariak ngak kong meng AI saong Deepfake piah ngak tabiak jeng binguk thaik thaot, video ja dreih yau mbaok meta urang biak, ngak ka urang kan si thau halei njauk biak atau lau ja, piah mbuan si pachot pagat dalam dom mbang taong video pachot pagat./.