Dahlau daih, mikva daok di bhum taneran kraong Cửu Long pala mekac thái piah iek atau mek baoh ngak laba mbang me-in. Min meng 3 thun jaik di ini, mekac thái hu pandar ngak dưa chua nan ye nyu jeng pandap pablei biak laik. Meng nan bo ralo mikva urang nông salih tapa pala mekac thái piah pabak ka darak pasar, ralo di abih nan lac di huyen Chợ Mới, tỉnh An Giang.

Siam lagaih di mekac thái nan lac hadei di tuk paik baoh, cakak klak dhar taha ye phun nyu tabiak caduk barau saong hu bingu gilac veik. Mekac dak taha baoh dak ralo, yaok thun paik hu jaik 15 mbang, yaok công (500 phun) meda paik hu 3 tấn baoh. Meyah pablei yaom meng 4.000 tal 5.000 đồng sa kg meda mek tame hu 15 triệu đồng.

Urak ini mikva daok di Chợ Mới langiu bruk pala njam patam, ngak hamu, hu oh takik urang salih tapa pala phun mekac thái piah pabak baoh ka ralo labik ngak dưa chua di huyện Chợ Mới. Ong Nguyễn Văn Thơ, po labik ngak “dưa mekac meda mesram yamen” Trường Giang daok di xã Tấn Mỹ brei thau, labik di ong yaok harei blei tame 2 tấn mekac thái. Piah hu ginup mekac nguyên liệu, ong brei pambuak bruk saong dom urang ngak bein saong hu blei mekac di mikva yaom meng 4.000 tal 5.000 đồng sa kg tui mùa vụ. Kayua yau nan ye bo urang pala mekac thái biak sanang hatai, oh huac bruk mekac ralo oh pablei hu.

Urak ini, dom labik pala mekac thái ralo abih di Chợ Mới nan lac cồn An Thạnh – Hòa Bình, xã Tấn Mỹ, xã Mỹ An… Mikva pala di taneh klak tasaok, bờ bao atau ngak pasiam vườn tạp piah pala, dom rituh m². Jien buh tame ka phun mekac oh ralo. Sa công taneh (500 phun) abih jaik 4 triệu đồng jien phun pajaih.

Tui ong Trần Văn Hiền, mekac thái yaom lac mbuan pala, min khin ka phun tamuh siam, baoh raalo, urang pala brei caik hatai khik ka taneh nyu thu, hu jalan tathuak ia, jui caik ka gha phun nyu bruk. Dahlau di tuk pala brei ngak ka taneh tasaoh, buh halok khak var ro, cu, lân. Langiu di nan, phun jeng caong hu rilo khak, abih di nyu nan lac hadei di ralo mbang paik baoh brei pabak khak đạm saong kali. Pajaih mekac bhian hu mò saong rầy patih. Kayua yau nan ye urang pala brei gam gam tui iek saong langyah chip piah hu rilo baoh praong, siam./.