Kadha “urang ngak hamu caong thau” harei ini, kol dahlak likau tacei brei mikva urang ngak nong thau ilamu pala quyt mek hu rilo kein laba. Da-a mikva saong taong abih gauk tui pang. 

Taneh pala saong tukvak pala:

Dom janih taneh pala hu quýt nan lac: taneh phù sa tapen kraong, taneh bồi tụ, taneh glai bahrau peih, taneh thung lũng, dom janih taneh ini siam ka phun quýt, mbuan tathuak ia. Dahlau si pala 1 bilan, taneh brei ngak hacih hareik, li-ua siam. Yaok sa hecta pala meng 300 tal 500 phun, yaok phun atah di gauk meng 4 tal 5 mét, saong yaok talei jeng atah di gauk meng 4 tal 5 mét. Bilan pandiak bhang, brei me-om got quýt meng pong, hareik thu, hala hijao 1 tal kapan meng 5 tal 10cm piah khik pasah saong pacang hareik tamuh. Pala pablak dom janih phun ratak ala phun quýt dalam 2 tal 3 thun camereip piah tận dụng taneh, pacang hareik tamuh saong pabak chất hữu cơ ngak khak ka phun.

Bruk buh khak saong pruh ia:

Quýt brei buh rilo khak hijao, khik ka nyu samu gauk dom nguyên tố dinh dưỡng, ginup vi lượng phun meng tamuh siam, pacang halak saong jit ruak angaok phun, brei rilo baoh. Piah khik pasah ka taneh, brei li-ua dalam, me-om meng pong, hareik saong khak hijao. Tuk me-om hareik, khak hijao jhui me-om sir got. Meyah caga hu ia, njauk tathuak ia tabiak dom jalan kaoh daok tapen 2 gah phun kayau, hadei di sa harei ye tathuak ka nyu thu abih. Tuk oh caga hu ia, njauk duah dom halau ia daok jaik saong brei ngak dom nding raok ia atau bingun padang ia.

Jalan iek glang piah phun tabiak rilo baoh

Bruk cakak dhar, tạo tán brei ngak gam gam yaok thun hadei di yaok mbang paik baoh. Njauk kaoh klaak dom dhar thu saong dom labik njauk halak mbang piah ngak ka dhar kayau hu laneng, lahơi, pacang halak palai pajoa.

Bingu quýt bhian tabiak rilo min baoh ndam takik, hu meng 2 tal 8% tui bruk iek glang saong tui pajaih. Kayua yau nan ye di tuk tabiak caduk, bingu, baoh meda, urang bhian cakak klaak dom bingu oh siam, dom baoh meda tabiak hadei jang saong dom labik oh lagaih ka baoh ndam. Bruk ini meda ngak hu meng bruk pruh dom janih điều hòa sinh trưởng./.