Njam xà lách lac angan ieu di sa janih njam mbang metah, kol drei meda mek pakô, canaih, thung xốp…piah pala njam ini di sang. Kadha “urang ngak hamu caong thau” harei ini, hu kadha vak tacei jalan pala  xà lách di sang, da-a mikva saong taong abih gauk tui pang.

Jalan trun asar pajaih piah ka  xà lách tamuh siam

Caga taneh pala: Srau xơ dừa haong haluk tui tỷ lệ 1 xơ dừa - 1 haluk, buh haluk tame khay pala, brei haluk biar jang mbaok khay meng 5 tal 7cm piah tuk pruh ia, haluk oh sraiy tabiak gah lingiu.

Pruh ia: pandar bình atau vòi pruh sit sit tagok mbaok haluk piah caga trun pajaih. Caik khay njam xà lách trun pajaih bloh dalam halui, mek ba-ar căng veik piah khik pasah, pruh ia harei 2 mbang meng bình xịt hu vòi phun sương mbiah tal tuk asar pacah meta, (meng 3 tal 4 harei hadei di tuk trun pajaih).

 Jalan iek glang saong buh khak

Tuk asar tabiak hu 2 gu hala meng ba khay pala tabiak labik hu pandiak. Drei meda kaoh njam mbang ha-mbang ha-sit, atau buac tabiak pala di khay karei piah ka phun nyu praong samar jang. Brei pruh ia gam gam meng bình hu tia ia sit,( phun sương), saong ba khay njam tame labik hu tabung căng tuk lingik hajan piah plaih ngak ka njam nyu tabram atau bruk metai.

Buh khak: Meda buh pabak khak vô cơ hu hàm lượng đạm glaong daong ka phun njam xà lách samar praong, tabiak rilo hala. Hadei di tuk pala meng 4 tal 6 harei, buh khak lai 10g urê haong 2 lít ia bloh pruh samu tagaok angaok njam, mesup harei hadei dahlau di tuk lingik pandiak, rao veik hala meng ia hacih.

Njam xà lách hadei di tuk pala meng 45 tal 50 harei ye mbang hu. Meyah buac tabiak pala ye tukvak mbang hu meng 25 tal 30 harei hadei di tuk pala veik. Tadhau ayuh mikva saong taong abih gauk pala hu njam siam di sang saong hu rilo bui sambai tuk mboh di anak meta dom janih njam mekre meng tangin drei pala./.