Tapuk meng lavik mai jeng sa janih hu yaom glong ba mai ka anek menuac oh thau hadom ilamu. Min rilo menuac mboh lac bruk puac tapuk  urak ni dok takik nao kayua bruk hu mbaok di dom janih pathau khan bahrau. Ilamu puac tapuk tui nan jeng dok lihik nao. Min anak meta mboh lac, panuac ndom nan  oh ka njauk abih saong nyu tabiak meng hatai sahneng di yaok urang. Piah brei mboh ka bruk ni, daa mik va song tong abih gauk gam song Hương Lý song Minh Luân, urang vak di rayo sap ndom VN dok di ban raya HCM duah thau ka bruk bhian randap puac tapuk di dam dara dok di ban raya, piah hu meta mong siam jang ka ilamu puac tapuk. Tapa nan khaol drei meda ndom lac puac tapuk tuk halei jeng lac bruk brei hu di abih menuac sia.

          Dom thun jiak di ni, bruk bhian randap puac tapuk in di menuac sia, abih di nyu nan lac dam dara, dok gaok cuang kandah kayua bruk patagok di dom phương tiện kỹ thuật số, gam song bruk tabiak rai di dom blah mạng xã hội. Rilo dam dara mebuk having saong dom ứng dụng bahrau di angaok dom thiết bị bahrau, ngak ka tukvak puac tapuk daok takik, gaok tuk var klaak bruk puac tapuk.

 - Ayhut ranaih umo 1: Tapuk baar oh lagaih, kayua drei oh njauk lac tuk halei nao halei jeng  ba tapuk tui hu. Tukvak drei jeng oh hu, drei nao ngak bruk biak jar var.  

- Ayhut ranaih umo 2: Tukvak jeng oh lagaih, bruk ngak oh hu tuk piah puac tapuk baar. Drei jeng oh takre puac tapuk meng sit mai ye, oh takre puac tapuk baar. Pan harak baar tagok oh takre puac.

          Khaol drei jeng mboh labik dang di dom janih pathau khan bahrau dalam bruk patagok ilamu puac. Tuk menuac sia dak harei dak jar var, tranh thủ tukvak piah  cập nhật thông tin samar ye tapuk điện tử jeng bruk palih ruah dang akaok kayua nyu mbuan lagaih. Ong Đồng Phước Vinh,  Akaok Công ty tapuk điện tử Trẻ ndom lac:  Tapuk điện tử pabak ka jalan puac bahrau gam gam song tapuk baar. Tapuk điện tử ba mai rilo kein lagaih jang. Pagap yau dalam sa thiết bị  ebook meda hu yaok rituh baoh tapuk drei takre. Kadha prong jang nan lac tapuk drei blei bloh hu khik miat angaok tài khoản di drei, kayua yau nan ye, drei oh daok khik iek yaok baoh tapuk đơn lẻ.

Kayua yau nan ye, bruk puac tapuk điện tử dak harei dak tagok. Pabak ka bruk ni, hu rilo labik ndom puac song website klah rabha e-book hu ginup sap di dunya saong rilo thể loại.

Meng tapuk klak tal tapuk bahrau, tapuk chuyên ngành tal tapuk giải trí . Meyah tame mong iek, urang puac tapuk mboh lac dom janih tapuk di dom blah web ni  nyu rilo jang dom janih tapuk di dom labik pablei tapuk yau urak ni. Dom gilang tapuk di dom blah web ni, urang meda tải mai piah puac di angaok máy tính, phone tangin, máy tính bảng…biak mbuan, lagaih. Bruk njauk menyai nan lac bruk puac atau tải tapuk  meng dom blah web ni oh abih jien yau nan ye pachreih hu urang puac dak harei dak rilo. Kayau yau nan ye, meyah iek tui số lượng tapuk xuất bản song pablei hu bo ndom lac urang Việt trun hatai sangka tal bruk puac tapuk nan lac oh njauk, oh ginup. Ong Nguyễn Mạnh Hùng, Akaok Hội đồng quản trị gam  pan akaok  Công ty tapuk Thái Hà ndom lac: Menuac sia dok preo lac ilamu puac tapuk di dam dara daok takik lô,  min hulin oh sahaneng yau nan, hulin mboh dom ayut ranaih umo jeng daok puac tapuk, kayua menuac sia sahneng suan ka bruk puac tapuk. Menuac urang sahneng lac puac tapuk nan lac brei puac tapuk baar, tapuk in, urak ni dam dara ba tui mac smartphon dom ayut puac, nan jeng lac puac, lac  bac, jhui sahaneng puac, bac nan puac harak baar. Ilamu puac bac di khaol drei daok nao tagok, oh lac nao trun.

Min, meyah puac tapuk tui jalan bahrau bo oh hu jalan puac, oh thau palih ruah tapuk ye meda puac hu rilo tapuk min nyu kurang ilamu gah dalam. Lingiu di nan, khaol drei sahaneng lac hu thau abih min biak di nyu drei bahrau thau mbaok gah angaok di ilamu, bo ka oh thau hu asal kadha praong daok di gah dalam. Biak di nyu, bruk ni ngak kan kandah oh sit tal dom ilamu cih vak song diễn đạt ý di dom anek saih, SV urak ni. Kayua yau nan ye, rilo menuac jeng dok palih ruah ka drei ilamu puac bac harak baar.

Ayhut puac bac 1:Tapuk điện tử yaom lac biak mbuan lagaih, min tapuk in dok hu yaom gah khik ramik.

Ayhut puac bac 2: Bruk khik ramik sabaoh tapuk hu ba mai bui sambai oh meda  hagait salih hu.

Tapa dom kadha di angaok nan brei mboh lac, tukvak tapa urang puac tapuk oh mbaiy mbaok song tapuk bo njauk lac takik caik hatai sangka tal ilamu puac tapuk. Kayua yau nan ye, bruk jak ba, pathau khan, yaih khan tapuk siphau hu yaom glaong gah ilamu, kein lagaih ka akaok sahaneng song ilamu njauk brei hu iek prong. Taphia di bruk hu mbaok di dom janih truyền thông, dom gilang tapuk, tu tapuk công cộng jeng brei hu mbaok meng dom jalan ngak bahrau, chreih chrai song siam lagaih jang. Prong  jang nan lac jalan ngak meng sang bac, meng boh sang piah pamedeih tagok bruk takre puac tapuk di dom  dam dara. Anai Nguyễn Thị Thục, gru pato di sang bac Đại học Sư phạm ban raya Hồ Chí Minh mboh lac:  Ilamu puac tapuk  urak ni biak prong yau nan ye brei hu bruk pachreih baye  menuac urang meng takre khin puac tapuk. Bruk pachreih ba  nan  mai meng sang bac, dom cei gru, anai gru nan lac dom cei grui, nai gru pato văn. Ka dua nanmeng  boh sang hu ilamu puac bac nan ye anek taco mblah tui, amaik ame puac bac, amaik ame nan lac kreik camin hadah krah ka anek taco ngak tui.

Tuk yaok urang khaol drei thau hu ginup labik dang di tapuk saong thau duah ka drei sa ilamu, takre khin puac bac kein lagaih ye tantu lac ilamu puac bac dak harei dak patagok khang kajap./.

                                                                             Biên dịch: HaNiPha