Dalam danak dak papar sap harei ini kol dahlak likau khan tal mikva urang nông bruk raong ikan kuak hamu tui jalan công nghiệp ba mai kein laba glaong ka mikva daok di bhum taneran kraong Cửu Long.

Urang nông: Pathau kỹ sư, urak ini hu ralo jalan raong ikan brei kein laba glaong, yau nan bruk raong ikan kuak tui jalan công nghiệp ba mai kein laba yau habar?

 Kỹ sư: Urak ini, ikan kuak hamu raong tui jalan công nghiệp hu ralo baoh sang daok raong. Kayua ikan kuak raong bhian ba mai rilo kein laba saong takik hu jit ruak. Meyah urang raong thau cambaih ka anek pajaih, thau ilamu raong saong hu darak pasar blei rilo. Ikan kuak lac janih ikan mbuan raong, samar praong, raong meng 4 tal 5 bilan ye 10 tal 15 drei teik hu 1kg saong năng suất meng 3 tal 5 tấn/1.000m2. Ralo ikan kuak hamu biak bingi, hu urang takre saong pablei hu yaom glaong di darak pasar.

Urang nông: pathau kỹ sư ilamu raong saong jalan brei ikan mbang yau habar meng hu siam lagaih?

Kỹ sư: Brei raong meng anek pajaih nhân tạo saong abih di nyu nan lac brei pasang iek hu pajaih, siam di abih nan lac raong hu pajaih piah caga hu bruk raong. Tuk raong hu meng 40 tal 45 harei ye halăng veik piah ikan praong nde gauk saong tapa nan palih hu tapon ikan hu rilo ikan binai nan ye raong ikan samar praong saong mek hu năng suất glaong.

- Brei ikan mbang pandap mbang công nghiệp dạng asal hu hàm lượng đạm glaong labaih 30% di 2 bilan camereip saong hadei di nan pambuak saong pandap mbang tự chế meng phụ phẩm hu asal meng động vật, min brei tui tỉ lệ nhất định (oh tapa 50% dalam abih tih pandap mbang) saong brei ikan mbang pabak gam gam kayua meyah oh brei ikan mbang ginup số lượng saong chất lượng, ikan suai praong oh hu kein laba.

- Dalam yaok 1.000 m2 danao raong, urang raong brei caga phun jien meng 100 tal 120 triệu đồng. 

Likau ndua dhar phon kỹ sư./.