Pathau mikva saong taong abih gauk! Urak ini, ralo limo dak harei dak hu rilo menuac blei mbang, nan ye bruk iek glang palimek tapol limo ralo di urang nông brei hu paglaong ilamu, piah ba mai kein laba dalam bruk raong glang. Dalam kadha “urang ngak hamu caong thau” harei ini, hu kadha vak tacei pato ilamu palimek limo, daa mikva saong taong abih gauk tui pang:

Dom pajaih limo raong palimek lagaih haong lingik tasik di taneh ia drei.

 Limo ba tame raong palimek nan lac dom limo binai, limo tano, thuần atau lai, oh pandar tame bruk menek, li-ua, dui. Piah raong palimek mek rilo hu kein laba glaong brei palih ruah dom drei oh taha lô, oh njauk ruak, drum hu pandiak.

Pandap mbang ka limo praong, siam.

Pandap mbang ka limo raong palimek nan lac: pandap mbang thô xanh, phụ phẩm, pandap mbang hu tapung, pandap mbang pabak khoáng saong vitamin... Iek tui pandap mbang hu mbiah piah palih ruah dom nguyên liệu chính yau ini:

Pandap mbang thô xanh: dom janih hareik, pandap mbang mesam, phụ phẩm ngak nông, phụ phẩm ngak công (bã bia, bã alak, rỉ mật, bã ratak, bã dứa, kanduh baoh kayau) meblah meng 55-60% dom pandap mbang. 

Pandap mbang hu tapung: Dom janih asar ngũ cốc, ratak, haleik (haleik brah, haleik bei), dom janih khô dầu, pandap mbang hỗn hợp.... meblah 40 tal 45% dom pandap mbang. Tuk camereip brei limo mbang ralo pandap mbang thô xanh, pasram ka limo mbang takik pandap mbang hu tapung piah limo ngak krein randap saong khẩu phần năng lượng glaong dalam tukvak meng 5 tal 10 harei.

Tukvak palimek limo.

Tuk vak palimek meng 60 tal 90 harei (tui kuhria nyu tagok kílô meng 800 tal 1200g sa drei sa harei), atau meng 24 tal 36 kg sa drei sa bilan tui janih limo, khik hu bruk raong palimek limo lac abih takik pandap mbang, tagok kílô biak glaong saong hu kein laba kinh tế glaong di abih. Meyah takik jang 2 bilan ye limo oh ka tagok kílô hu abih, daok dui atah labaih 3 bilan ye raong njauk khat lahik kayua limo mbang ralo pandap mbang tapung saong tuk ini limo takik tagok kílô hu, nan ye kein laba oh glaong./.