Yau kol dahlak hu khan brei thau bloh, dom thun jaik di ini urang ngak bein di bhum taneran kraong Cửu Long hu ruah duah ngak tabiak ralo janih biak mekre mengbaoh kayau piah pablei Tết. Eng Tết anek sak pabe thun ini, urang ngak bein labik ini hu pabak ka radak pasar baoh kruoc bung hu nbeik thaik biak mekre hu ieu lac kruoc bung Lễ Cát Tường atau kruoc bung plak tangin phật. Kadha vak di Tấn Phong – urang vak di rayo sap ndom VN daok di bhum taneran kraong Cửu Long brei thau ka bruk ini. Daa mikva saong taong abih gauk tui pang:

Kruoc bung Lễ Cát Tường atau daok ieu lac kruoc bung plak tangin phật nan lac sản phẩm di công ty cổ phần đầu tư pablei salih saong xuất nhập khẩu Nguyên Gia di HN pandar công nghệ, kỹ thuật tạo hình 3D thiết kế mẫu mã, hình dáng bloh đặt hàng piah ka dom urang ngak bein pala kruoc bung năm roi di bhum taneran kraong Cửu Long ngak tabiak tui khuôn mẫu, hadei di nan công ty blei veik taong abih sản phẩm. Kayua hu mbeik thaik baoh kruoc bung hồ lô, kruoc bung hu akhar nỗi Phước - Lộc - Thọ  biak siam dalam dom thun dahlau nan ye bruk ngak kruoc bung hu hình plak tangin lac oh kan ngan saong mikva labik ini. Ong Trần Văn Sơn - Phó giám đốc pasak pachreih nông tỉnh Vĩnh Long  brei thau:

 “Bruk ini hu khuôn đúc mbiah. Hadei di tuk baoh kruoc bung nde baoh ly ye caik khuôn tame piah tui iek tukvak nyu praong. Meng 4 tal 5 bilan ye paik baoh hu”.

Tui ong Võ Trung Thành - Chủ nhiệm klup kapul mbeik thaik baoh kayau palei Phú Trí A, xã Phú Tân, huyện Châu Thành, tỉnh Hậu Giang – lambaok công ty Nguyễn Gia di bhum taneran kraong Cửu Long ye thun ini bruk mbeik thaik kruoc bung Lễ Cát Tường hu ngak iek di tỉnh Hậu Giang, Vĩnh Long, Trà Vinh saong Sóc Trăng. Urak ini hu dom labik daok paik baoh. Tapa nan mboh lac bruk caik khuôn tame mbeik thaik jeng dua plak tangin angaok baoh kruoc bung Năm roi mek hu siam lagaih jang mbeik thaik kruoc bung hồ lô, hu tal 95% baoh mbeik hu thaik plak tangin. Tui kuhria mboh dahlau, tết ini hu ba tabiak darak pasar jaik 4.000 baoh kruoc bung Lễ Cát Tường.   

 “Công ty blei veik taong abih sản phẩm saong công ty hu padang taong abih đại lý di 63 tỉnh ban dalam taneh ia pablei hasa yaom. Kuhria tal tukvak ini công ty hu ba tabiak sa yaom ka dom đại lý nan lac 600 ribau đồng sa baoh”.

Jeng tui ong Thành, hadei di tuk ngak iek hu jak jeng kruoc bung Lễ Cát Tường dalam tuk Tết thun ini saong bruk tut angan độc quyền sáng chế kiểu dáng hu peih ngak thành công ye anak tal taneh pala kruoc bung Năm roi hu ba tame mbeik thaik kruoc bung Lễ Cát Tường hu ralo jang piah pabak ka darak pasar luac thun oh lac pataom tame dalam tuk Tết./.