Pathau khan ka mikva bangsa takik ka bruk pablei salih menuac

Tukvak tapa, duas pablei salih menuac daok rah tabiak rilo. Bruk pablei salih menuac rah tabiak di abih 63 tỉnh, ban, dalam nan hu rilo urang kumei, uraniah di dom labik bhum ceik, bhum urang bangsa takik,  dom ban praong njauk pablei salih tabiak negar lingiu. Kol pablei salih menuac hu rilo jalan, kapul, nyaom pambuak dom tỉnh, atau abih labik dalam negar tui jalan ngak biak kan mboh, kan thau.

Dalam tuk yau nan, bruk padang Jalan phone pacang caga pablei salih menuac hu maong lac sa dalam dom jalan ngak siam lagaih piah patagok bruk pambuak gauk pacang caga pablei salih menuac di Việt Nam.

Meng bruk daong gah jien padai haong ilamu di Jabat Pambuak bruk dunya Japon (JICA), Mintri Lao động – Thương binh saong Xã hội hu peih ngak danak dak “Padang jalan phone pandiak pacang caga pablei salih menuac di Việt Nam”. Danak dak hu peih tabiak ngak meng bilan 7/2012 tal bilan 3/2016 di 3 tỉnh, ban lac Hà Nội, An Giang saong Hà Giang piah patagok dom bruk ngak bahrau Tổng đài điện thoại pakat negar khik caga uraniah 111. Gam haong nan, peih praong jang bruk pacang caga pablei salih menuac piah rik daong tame dom kham merat di rajaei dalam pacang caga pablei salih menuac, saong daong ba drei tame veik haong puk palei ka dom urang gaok bala njauk pablei salih.

Kuhria tal abih bilan 6/2018, Jalan phone pandiak taduan hu jaik 13 rabau mbang ieu, Dalam nan hu labaih 9 rabau mbang ieu brei thau, 3.500 mbang ieu caong thau dom sarak, dom harak gar njauk ngak piah daong ka urang njauk bala di bruk pablei salih; ba tangin tame bruk jaik 300 mbang ka dom urang gaok bala.

Patui dom bruk ngak hu meng mbang ka 1, mbang ka 2 di danak dak (hu peih tabiak ngak meng bilan 11/2018 tal bilan 11/2021) meda pamaong tal bruk padang dom Jalan phone pandiak pakat negar piah rik daong tame patagok bruk chuyển tuyến dom dịch vụ di Việt Nam, yam tal pambuak bruk tapa jalan tapen negar haong taneh ia jaik taphia dalam pacang caga pablei salih menuac. Tui pathau khan di Bộ Công an tal bilan 6/2019 jeng daok hu 385 urang njauk bala brei duah jalan daong pa-klah.

Dom pasak bhum meda tui iek dom urang njauk bala tapa bruk patagok talei pambuak gauk di dom mintri, dom gah pambuak tal hadei di tuk chuyển tuyến. Meda ndom lac, bruk pacang caga pablei salih menuac dalam negar hu padang tagok.

Dom menuac ieu tal Tổng đài rilo meng lac rahra (57,8%), gauk gar, ayut sahabat di urang njauk bala pablei salih, urang gaok bala di bruk pablei salih menuac. Menuac ieu mai rilo meng lac lakei (61,3%) saong urang kumei lac 38,7%.

Dom mbang ieu tame jalan phone pandiak rilo di abih lac meng bhum ceik gah brak, hu tal 32,7% . Asal kadha dom mbang ieu tal Jalan phone pandiak rilo meng lac caong thau ka bruk ngak di jalan phone pandiak. Gam haong nan, lac dom mbang ieu brei thau ka bruk pablei salih menuac di Việt Nam haong dom bruk karei yau bruk panduan nao daok di labik karei, nao ngak bruk di negar lingiu. Tapa nan hu samar khan tal dom gah chức năng thau hu dom bruk saong duah jalan langyah, daong pa-klah ka dom urang gaok bala; khan brei thau dom bruk pambuak tal pacang caga kol pablei salih menuac, duah dom urang daok lahik, daong jien padai ka dom urang gaok bala di bruk pablei salih menuac, daong duah labik daok plaih, daong gah adat hukum, daong gah tâm lý ka urang gaok bala saong amaik ame gauk gar di dom urang nan.

Piah patui bruk brei thau, pathau khan ka kein laba di Jalan phone pandiak 111 tal bol bhap rahra, anak tal, Mintri Lao động, Thương binh saong Xã hội daok peih bruk brei thau praong ka Jalan phone pandiak 111, dalam nan sangka brei thau tal dom sang bac, ba tame tapuk bac da-a, ba tame dom nhà hàng, khách sạn du lịch; Dom labik ilamu, dom ấn phẩm di NXB Kim Đồng pambuak tal tapuk brei ka uranaih….Tapa nan piah khan brei thau rilo jang ka Tổng đài 111 ngan saong 2 bruk ngak lac khik caga uranmiah saong tacei jalan, daong ka urang gaok bala pablei salih menuac tal rilo bol bhap rahra./.

Urang lang: M. Phương – 13/12