Pathau mikva saong taong abih gauk!

Urak ini mikva urang nông raong limo ralo, min oh thau ngak var ro yau habar ka nyu lagaih piah taphon limo praong siam, brei kein laba kinh tế glaong. Dalam danak dak harei, daa mikva urang nông pang tacei pato bruk ngak var ro raong limo tapa kadha urang ngak hamu caong thau.

Labik ngak: brei pilih ruah labik glaong, lahei, atah di samng danaok meng 10 tal 20m.

Gah padang var ro: Tui gah Nam atau gah saletan, brei khik hu lahei dalam bilan pandiak saong khik hu ấm áp dalam bilan li-an.

          Kiểu var ro: raong takik meng 5 tal 10 drei mikva brei padang var ro sa mái.

 Nền var ro: meda ngak meng kiak patau, xi măng atau đúc ralo candaih xi măng bloh pagam veik (dom candiah xi măng ini brei kajap). Nền var ro hu độ dốc meng glaong trun biar, hu jalan tathuak ia me-ik piah lagaih ka bruk rao, puh var ro.

Máng mbang, máng menyum: lòng máng trơn láng lagaih ka bruk puh ramik gah dalam. Mbat máng brei glaong jang mbaok nền 2 tấc. Máng menyum meda caik di gah langiu piah limo nao mai mbang menyum, meda mek sa binah di máng mbang piah ngak máng menyum.

Jalan nao mai: brei ngak pabah mbang praong meng 1mét meteh tal 2m, piah limo mbuan tame tabiak.

Jalan tathuak khak saong ia me-ik: bhian di nyu jalan tathuak praong 2 phân meteh, dalam oh tapa 10 phân (meyah dalam ralo limo mbuan glut tame ngak joh takai).

Mikva urang nông brei caik hatai: Ia rao khak saong ia me-ik brei tathuak tabiak lubang caik atah labik var ro piah xử lý saong pandar. Patakik ngak ô nhiễm môi trường brei pandar kadung ủ Biogas, mek gas ngak janih cuh cuh pandar ka baoh sang./.