Urak ni hu rilo ranaih njuk pakao điện tử

Urang pablei brei thau sa pa-op kẹo sâm Hamer (32 asar) hu yaom meng 1 triệu 800 ribau tal 2 triệu 400 ribau đồng, mayah pablei lẻ ye 90.000 đồng/sa asar saong urang pablei gam gam yaih khan lac “kẹo ni ong mbang muk bui sambai, kayua nyu khang prein yava brei ka ong dalam bruk mbang ndih haong diuk ngak brei diuk njauk hatai, saong khik hu siam mekre, salamat”. Yaom lac hu panuac kakei, min jeng hu oh takik manuac buh tabiak yaom jien biak praong piah blei janih kẹo ni. Gam haong panuac kakei lac hu ma túy dalam kẹo Hamer, Cục siam mekre salamat pandap mbang daok hu panuac ieu jabat chức năng tame bruk, kapul nyaom manuac urang dang angan dom website, ứng dụng pablei salih điện tử brei hu dom jalan langyah ngan saong janih pandap, urang pablei di mangaok dom website saong ứng dụng pablei salih điện tử. Min, tapa pasang iek tal bier harei 18-11, di mangaok dom blah mạng xã hội, janih kẹo Hamer jeng daok hu pablei biak rilo.

Akaok bilan 10-2020, jabat pasang iek Công an quận 5, TPHCM hu duah mboh, peih praong duah thau jalan pablei janih ma túy dalam paok “ia pa-ok” saong cap khik Nguyễn Tiến Đạt (sinh viên, palei daok di An Giang). Tapa pasang iek, “ia pa-ok”  lac janih ngak brei nghiện Bromazepam hu tauk binguk baoh pa-ok haong akhar “Crispy Fruit Mango”, gah dalam hu janih tapung sambo kanjik.

Di TPHCM, oh kan piah duah blei ma túy di mangaok mạng, abih di nyu nan lac “hariek Mỹ” yaom meng 250.000 đồng/sa paok, mayah blei paok praong 100g yaom 800.000 đồng. Tuk vak jaik di ni, rilo urang njuk pakao hala salih tapa njuk pakao điện tử kayua saneng lac kapao điện tử oh jhak hagait tal prein yava. Min biak di nyu, dalam dom janih pakao điện tử hu janih ngak brei njiel, janih jhak ka prein yava. Saong daok hu dom janih manyek hu yaih khan lac hu hasit tinh dầu cần sa, piah ngak brei ka urang njuk mboh bingi, mboh bui sambai dalam hatai.

Saai T.V.H (24 thun, daok di quận Thủ Đức, TPHCM) khan lac: “dahlak njuk pakao điện tử tui panuac yaih khan di sahabat, kayua saneng lac meda klaak hu pakao hala, min biak di nyu oh njauk yau nan, tal urak ni hulin daok njiel, daok takre janih pakao ni. Rilo tuk mboh yau having akaok trak bo oh thau lac kayua hagait”.

Dom thun jaik di ni, di darak pasa hu rilo janih ma túy, janih ngak brei njiel rai bahrau. Piah plaih bruk duah mboh di jabat chức năng, dom janih jhak ka prein yava ini hu ngak jeng dom janih kẹo, ia pa-ok, menyek,, pakao njuk …

Hariek Mỹ, lac janih ma túy biak jhak ka prein yava hu ba tame angan dom pandap pakauk pablei salih, oh brei pandar, min dom janih ni jeng daok hu pablei di mangaok mạng xã hội.

Dom urang pablei salih daok taduan jao pandap samar drah, ba tal tangin urang main dalam tukvak samar di abih. Yau ye “ia pa-ok” lac janih bahrau di ma túy bo jabat công an bahrau duah mboh. 

Tui PGS-TS Nguyễn Thanh Phong, akaok Cục siam mekre salamat pandap mbang brei thau lac dom janih ma túy daok salih tapa ngak jeng kẹo, ia yamen …biak jhak ka prein yava, abih di nyu nan lac haong anek saih, sinh viên.

Dalam tuk dom chuyên gia y tế brei thau, dom janih ma túy tổng hợp dak harei dak khang, ngak brei urang njuk mboh having akaok, oh daok thau hagait, ba tal bruk “ngáo đá”. Min, bruk pasang iek dom janih ma túy urak ni daok gaok biak rilo kan kandah.

Tui jabat công an, tệ nạn ma túy dom thun tapa daok rahtabiak khang, rilo bruk pablei salih ma túy praong njauk cap khik, urang pandar dak harei dak sit umur. Dom urang pablei salih ma túy jeng dak harei dak ngak kan si thau hu, pablei salih tapa mạng xã hội, ứng dụng nhắn tin, nan ye công an kan piah duah mboh. 

Hu rilo makna ba tal bruk ranaih pandar ma túy saong dom janih ngak brei njiel, dalam nan, makna praong abih lac bruk kurang sangka, kurang ba jalan meng amaik ame. Kayua yau nan ye, lingiu di bruk pathau khan, brei thau ka dom kanjah jhak di bruk pandar ma túy saong dom janih ngak brei njiel rai bahrau, dom jabat chức năng, sang bac, amaik ame saong rahra njauk hu bruk pambuak gauk khang kajap dalam pato pakai dam dara urang daok ranaih, gam tui di nan jeng patagok bruk pasang iek, langyah catang dom bruk pablei salih dom janih ngak brei njiel./.

Urang lang: Thu Thảo – 27/11