Ngan haong yaok urang Việt Nam, jayak daneiy angan di chiến dịch Hồ Chí Minh thun 1975 hu tame dalam dak rai sajarah di bangsa. Daok ngan haong dom urang lin dahlau deih mbuan metai lihik dalam mesruh metak, dom harei bilan dakrai sajarah nan oh meda van hu, tuk halei jeng lac niềm tự hào pachreih ba urang buh pren yava di drei brei ka palei negar. Pamaong tal pahadar 40 thun jayak 30/4/1975, Lường Hạnh, urang vak di Rayo sap ndom VN daok di Tây Bắc hu taom gaok haong dom urang dahlau diah ngak bol lin hu mbaok dalam mesruh metak di mblang mesruh gah meraong, urak ini daok diuk rai pak bal Sơn La.

Thun 1968, tuk bruk mesruh metak pacang cakak kaol Mỹ daong taneh aia daok yam tame tukvak kan kandah, rambah rambup, sa-ai Lù Văn Vinh daok di palei Mé, Phường Chiêng Cơi, bal Sơn La klaak bruk bac da-a tagok jalan nao nghĩa vụ quân sự. Hadei di 3 bilan pathram, sa-ai hu ba tapa negar ayut Lào hu mbaok tame bruk mesruh metak di cánh đồng Chum - Xiêng Khoảng. Thun 1974 sa-ai mai veik palei negar nao tame gah Meraong mesruh metak, lac chính trị viên đại đội 3 bộ binh, Tiểu đoàn 1, E 174, F B16. Bilan 3 thun 1974 lac kapul chủ công di trung đoàn, hu ba nao daong taong tatua Thọ Thạch jalan 14 atah di Buôn Ma Thuột labaih 10 mbaik jalan piah khik caga ka tatua Thọ Thạch oh njauk palai tayah, nan lac bruk ngak prong di abih bo kapul ngak hu siam. Harei 13/3 đại đội mai Buôn Ma Thuột pagui taong kaol khamang. Tal akaok bilan 4 nao tame Bei Gon hu mbaok dalam mbang taong Ấp chợ Củ Chi tui jalan lac “Pan ka-ing kaol khamang bo taong”. Urang dahlau diah ngak bol lin angan Lù Văn Vinh hadar veik dom thun bilan rambah rambup min hadah mbaok meta gam haong ayut sahabat tuk hu mbaok dalam mbang taong kaol khamang: Đại đội hu Trung đoàn brei nao taong khamang, min tuk nan  jaleing bộ binh drei oh takac hu jalan áp phan. Langiu di nan trực thăng saong phản lực kaol khamang nyu mboh drei. Luac harei pháo chùm kol khamnag tuk halei jeng taong tame labik drei. Tuk nan thak bom tame tarakon biak plak, thu harao oh mbang hu. 3 harei melam phản lực kol khamang parah mbom, trực thăng ye par vin taom dhar. Min khaol drei khik hu bruk di pakat angaok jao brei, abih di nyu nan lac cứ điểm trung đoàn pháo di kaol khamang, dom drap ar, pháo radaih, hậu cần jeng khik hu, hadei di nan jao ka sư đoàn, ngak siam bruk di drei.”

Ong Lù Văn Vinh tuk nan lac lin bộ binh, daok urang dahlau diah ngak bol lin angan Trần Minh Huấn daok di tổ 8, phường Chiềng Lề, bal Sơn La lac lin pháo binh. Thun 1968, yau dom dom dam dara ranam taneh aia, ong halar hatian likau tame ngak lin. Hadei di tuk nao mesruh di cánh đồng Chum – Xiêng Khoảng (Bắc Lào), tal bilan 12 /1974 tuk nan ong lac akoak chính trị viên C12 – D3 – E 174 – F316, ong haong sư đoàn nao jaik sa bilan tame Tây Nguyên taong tame kho Mai Hắc Đế. Hadei di 2 harei mesruh khang, đơn vị ong hu peih paha taong abih bal Buôn Ma Thuột saong caga hu mbaok tame chiến dịch Hồ Chí Minh. Ong Trần Minh Huấn hadar veik: Mbang taong khang di abih nan lac khu căn cứ Đồng Dù, Trảng Bàng di Tây Ninh. Tuk nan jaik 100 radaih tăng di kol lin nguỵ bao vây khaol dahlak, dalam tuk nan đơn vị khaol dahlak tok hu 3 mbaik phao cối 82ly, 3 mbaik phao 12 ly 7 saong  3 mbaik phao DKZ taong veik kaol nyu. Khaol dahlak mesruh luac sa harei melam, hadei di nan khaol dahlak cuh khuah hu 3 sruh radaih tăng di kaol nyu, 3 radaih M 113 di kaol nguỵ. Bloh kaol nyu klaak nduac, khaol dahlak nao tame peih paha Sài Gòn haong đại quân di khaol drei dalam harei 30/4/1975.

Bruk mesruh metak pacang cakak kaol Mỹ hu jayak, dua urang lính nan tabiak gah Barak. Thun 1979 ong Lù Văn Vinh hu mbaok dalam bruk mesruh metak khik caga biên giới gah Barak, tal thun  1988 ong hu Karja brei padeih chế độ ngan haong quân hàm thiếu tá, hadei di nan ong hu mbaok dalam bruk ngak di puk palei, ngak rilo bruk praong karei di gauk, dalam nan hu 2 nhiệm kỳ ngak chủ tịch gam lac bí thư đảng bộ xã Chiềng Cơi, bal sit Sơn La. Daok ong Trần Minh Huấn hadei di 18 thun ngak bruk dalam bol lin, ong salih tapa ngak di Uỷ ban thanh tra tỉnh Sơn La. Hadei di tuk padeih tui chế độ, ong peih văn phòng luật sư, daong tacei pato adat hukum ka mikva dalam bhum palei.

Langiu di dua ong Trần Minh Huấn saong Lù Văn Vinh, di bal sit Sơn La daok hu labaih 130 urang dahlau diah ngak bol lin hu mbaok mesruh metak di gah meraong. Yaom lac daok pak halei, ngak bruk hagait, dom urang nan tuk halei jeng khik kajap hatai saneng, jalan ngak di urang lin cách mạng. Ong Lưu Minh Hải, Akaok kapul urang dahlau diah ngak bol lin bal sit Sơn La taong yaom: Urang dahlau diah ngak bol lin bal sit Sơn La, abih di nyu lac dom urang hu mbaok mesruh taong Pháp saong dom urang tame ngak lin dahlau di harei 30/4 mai veik haong rai diuk bhian harei yaom lac umo prong pren takik min dom urang nan lac dom kareih camin hadah dalam dom phong trào patruh eik patrun kathaot, dak padang rai diuk ilamo, pachreih bac saong dom bruk ngak bo pakat uỷ saong kapul nyaom peih tabiak. Dom urang nan lac dom kareih camin hadah hu dom pakat uỷ, karja dom pakat taong yaom lac sa dalam dom lực lượng chính trị njauk caik hatai jia di Đảng, karja, hu bhap bani anit ranam)