Tuai mai rivang bhum palei di mik va Cham di An Giang 

Brei thau ka bruk  daok lahik nao sap ndom, panuac puac, akhar vak, haroh cih saong rilo janih ilamu di bangsa drei, Nghệ sỹ ưu tú Hoàng Kim Tuế, dahlau daih pan akaok kapul daoh tamia tỉnh Cao Bằng brei thau, urak ini pak di ban sit Cao Bằng, palei di dom ragu daoh then, capi tính dui pachreih hatai menuac, ye tal rai anek kamuan, rilo adei jeng oh daok khik hu sap ndom biai di bangsa drei:

"Tal rai anek di dahlak ye sap bangsa daok lahik nao, oh daok menyai hu, tok thau pang min, tapa nan mboh lac biak duh hatai ka sap ndom biai di amaik ame”

Bruk daok lahik nao sap ndom biai di bangsa lac bruk yau gauk di dom bangsa takik daok di Việt Nam. Nyu jeng lac bruk hu dom urang dalam nyaom roya pakat negar dom bangsa takik Việt Nam mbang ka II thun 2020 caong khin ndom tagok piah ba gauk duah tabiak dom jalan siam lagaih piah pacang cakak.

Sap ndom biai lahik nao ye ilamu meda lahik tui. Ilamu bo lahik ye bangsa nan jeng lahik nao asal di drei. Kayua yau nan ye, khik ramik sap ndom biai jeng lac khik ramik ilamu bangsa.

Tui urang lambaok angan Lường Thị Hiền, bangsa Thái, akaok mBan dân vận Huyện ủy Vân Hồ, tỉnh Sơn La ye kadha praong di abih piah khik veik sap ndom biai di bangsa drei lac dam dara, urang daok ranaih brei ndom biai sap di bangsa drei gam gam. Tapa nan nyu daong ka urang ranaih umo mboh anit ranam, mboh hadah mbaok meta haong sap ndom biai di ong muk caik veik.

“Caong khin lac patui bruk sangka ngak habar piah khik ramik hu dom ilamu hadah krah di dom bangsa. Piah ngak habar dom anek hu mboh saong hu thau lac, bangsa drei hu dom ilamu gheih yau nan, ye urak ini dom anek kamuan meda bac gam ilamu di bangsa drei”.

Tui urang lambaok angan Lăng Văn Hà, bangsa Dao, akaok UBND xã Ba Vì, huyện Ba Vì, ban Hà Nội, ngan saong bhap bini bangsa takik daok di Ba Vì, bruk taom gaok lai tame gauk ilamu di dom bangsa lac biak cambaih. Piah khik ramik sap ndom panuac puac di bangsa drei, ong Lăng Văn Hà sahneng lac:

“Dahlau di abih brei khik ramik hu bruk karei di drei, ngan saong bhap bini bangsa  Dao di kol dahlak, abih di nyu lac di ban Hà Nội, dom uraniah urak ini daok sit ye kol dahlak caong ba pato pakai sap ndom panuac puac meng rahra, meng bhap bini” .

Tui urang lambaok angan Rơ Com Sa Duyên, bangsa Jrai, Phó GĐ sở Lao động – Thương binh saong xã hội tỉnh Gia Lai, bruk caik brei lahik sap bangsa drei di dom uraniah,dahlau di abih lac kayua amaik ame. Ngan saong dom sang urang bangsa takik daok langiu puk palei, amaik ame lac menuac ba jalan ka rai hadei daok khik hu sap ndom panuac puac di bangsa drei halei oh. Kayua yau nan ye, lingiu di bruk nao bac da-a, ngak bruk di gah lingiu, tuk mai tal sang, dom amaik ame njauk ndom biai haong gauk meng sap di bangsa drei.

“Khik ramik ilamu ye dahlau di abih kol drei njauk ba sap di yaok bangsa, bhum palei tame pato dua - dua sap piah kol drei khik ramik sap ndom biai saong khik ramik bruk biak karei  ka sap ndom biai di yaok bangsa”.

Hukum negar saong dom dom adat hukum ka pato megru, ilamu, bhum ceik saong bangsa jeng ndom lac dom bangsa hu quyền pandar sap ndom, panuac puac, akhar vak, haroh cih, khik ramik saong patagok dom adat cambat, tanarakun, ilamu meng kan siam mekre di drei. Saong daok hu tacei lac sap ndom biai haong akhar vak, haroh cih di dom bangsa takik daok di Việt Nam gam lac drap ar hu yaom glaong di bangsa nan, gam lac drap ar ilamu di taneh ia. Piah ka dom drap ar hu yaom glaong nan daok miat, brei hu bruk kham merat ba tangin tame di yaok urang kol drei./.

Urang lang: Mousaphuong -12/12