Rilo puk palei hu bruk ngak ka urang dok pak labik 

Bruk pajeng ba kaya nong daok gaok rilo kan kandah kayua huac njaom mbak jit meng dom labik pabak pandap. Jaoh jaleih bruk pabak dom kaya nong, kaya glai, kaya ikan daok ngak kan kandah tal bruk ngak, hu tuk, nyu ngak brei biak kan kandah ka dom doanh nghiệp ngak pandap, pablei tabiak negar langiu.

Ong Lê Văn Sử, Phaok akaok UB bhap bani tỉnh Cà Mau brei thau: “Cà Mau hu peih bruk brei ka  jaik 40 doanh nghiệp ngak kaya nong ngan haong jaik 10.000 urang ngak. Abih tih urang ngak di Cà Mau lac 40.000 urang, ngak bruk dalam dom khu ngak kong. Meng nan, meda mboh lac gah ngak pandap daok laik trun”. Tỉnh Cà Mau jeng taduan hu bruk daong di dom tỉnh, Kapul ngak bruk 970 di Mentri ngak nong saong patagok palei pala, tỉnh pablei hu dom kaya nong. Yau nan min, dom kaya nong pablei hu, lac biak takik dut haong dom kaya nong hu urang nong ngak tabiak.

Dom kan kandah dalam bruk pajeng ba, ngak tabiak jeng ngak kan kandah tal bruk pablei tabiak di pandap panda, trun yaom jien buh tame ngak. Pagap yau hadang Cà Mau trun meng 8.000-23.000 đồng/kg. Dom size hadang takai mbong jeng trun biak khang. Urang ngak tok mek veik hu jien phun, atau khat. Hu dom panuac brei thau lac bruk ngak hadang njauk jaoh jaleih nan lac biak. Kaya ikan taong cap daok gaok kan kandah meng baoh taneh tuk jantak that, jantak thu dom janih trun 30% yaom, ikan trun meng 20-29%.

Tui ong Nguyễn Hoàng Anh – akaok HĐQT gam lac Tong Yam ndok Cty Đầu tư Thủy sản Nam Miền Trung, gah ngak nong oh hu jalan ngak prong abih gah ye meda gaok biak rilo cuang kandah kayua bruk pablei pandap meda jaoh jaleih kayua lahik labik pambak, kurang pandap piah ngak, meng nan ba tal padeih ngak atau ngak kurang chất lượng.  

Akaok mentri Ngak nong saong patagok palei pala Lê Minh Hoan ndom lac, piah daong ka mikva urang nong duah jalan pablei kaya nong, ye bruk ngak kaya nong njauk tathuak truh tabiak jalan saneng mùa vụ. Anak bruk kateik greik halei di anak meta, urang nong njauk pambauk haong gah ngak nong piah ba tabiak dom jalan ngak atah dua meng 5 - 10 thun.

Akaok mentri Lê Minh Hoan brei thau: “Gah ngak nong saong rilo gah karei hu jhul khang bruk pambuak gauk meng bhum taneh ini saong bhum taneh diah, pambuak gauk meng labik ini saong labik diah. Yau nan min, pambuak bruk yau nan, ranh giới địa lý jeng daok kateik tagok hatai saneng cak rok patagok, kayua urang pablei salih Cần Thơ nao blei padai di Đồng Tháp meda saneng lac GDP meda hu kuhria ka tỉnh halei. Urak ini khaol drei jeng daok saneng tui jalan neh tabiak dom tỉnh. Piah lagaih haong rilo bruk yau jit ruak, langik tasik tuk ini tuk diah, gah ngak nong njauk salih bahrau, ba tabiak dom jalan ngak atah dhua piah cak rok patagok ka taong abih 13 tỉnh bhum taneren kraong Cửu Long".

Akaok mentri Lê Minh Hoan daok brei thau lac, jit ruak ngak ka bhap bani gaok kan kandah, min jeng lac tukvak piah ka bhap bani saneng tal bruk oh meda ngak sit saot, ban thei thei ngak tra. Bhap bani njauk salih bahrau hatai saneng,  salih meng eng drei ngak tui hatai tapa eng drei hu mbaok tame hợp tác xã, ngan haong hatai saneng gam ngak, gam parabha kein laba./

Urang lang: Jasi -20/9