Tui luật sư Trần Đức Sơn, Yam ndok Cty TNHH Luật Sipco, bruk brah ST25 njauk klaik mek angan, ba nao tut angan bảo hộ dahlau di Mỹ lac bruk caik ka dom doanh nghiệp Việt Nam mong iek veik, abih di nyu lac doanh nghiệp daok caong khin peih prong darak pasar di negar langiu, abih di nyu lac darak pasar Mỹ. Anak meta mboh lac, bruk tut angan bảo hộ angan je di gah Mỹ karei jang Việt Nam. Dalam tuk di Việt Nam, jalan ngak lac thei ngak harak likau akaok mereip ye hu brei dahlau bảo hộ angan je, daok pak Mỹ, thei pandar dahlau ye hu ngak brei dahlau. Meyah jabat tut angan di Mỹ ba tabiak bruk lac angan je nan hu sa jabat karei tut angan dahlau, ye manuac urang, kapul nyaom meda ngak harak khiếu nại saong langyah ka bruk drei meng lac jabat pandar dahlau di abih angan je nan. Yau nan min, ini lac bruk ngak biak kan kandah saong abih rilo jien ndo. Luật sư Trần Đức Sơn daok brei thau lac: “Dalam bruk ini njauk brei mboh cambaih drei lac menuac pandar blaoh, lac menuac saneng tabiak angan nan, atau lac menuac ngak tabiak janih pandap nan, brei mboh gam pak Việt Nam. Min jalan ngak piah hu brei angan  lac biak cuang kandah meyah hu urang ngak harak dahlau di nan di Mỹ blaoh, ye bruk brei mboh saong pabak dom harak gar ka bruk pandar tame Việt Nam saong caik ka jabat gah diah mong iek nan lac biak cuang kandah saong abih biak rilo jien ndo kayua njauk ngak tapa sa jabat lambaok”.

Ong Nguyễn Quốc Toản, Akaok Cục Chế biến saong cak rok patagok darak pasar kaya nong Mentri ngak nong saong patagok palei pala brei thau, dom doanh nghiệp njauk ngak randap haong bruk samar drah tut angan brei angan je dalam tuk mbeik drei yam tame ngak mbang kinh tế dunya tuk dom janih pandap panda kaya nong dak harei dak yam tame prong dalam. Ong Nguyễn Quốc Toản ndom lac, brah ST25 hu Akaok Cục pala drak, Mentri ngak nong saong patagok palei pala brei bảo hộ ka pajaih dalam taneh aia. Daok angaok dunya, meyah doanh nghiệp atau urang halei caong khin pablei tame drak pasar negar halei, meda tut angan gah bản quyền saong sở hữu trí tuệ di darak pasar taneh aia nan.

Tuk nan bruk pandar dom angan je pandap panda, dalam nan hu angan je pandap panda kaya nong meda hu pandar tui adat gah sở hữu trí tuệ di dom taneh aia nan. Meyah hu bruk meriak gauk gah adat hukum ye doanh nghiệp njauk klaik mek brei hu menuac lambaok gah adat hukum atau Văn phòng luật sư di dom taneh aia nan piah khik caga dom kein laba saong bruk ngak di doanh nghiệp drei. Daok gah Mentri Ngak nong saong patagok palei pala, urang pal akaok mentri hu jao bruk ka dom jabat pambuak pagam tal piah ngak bruk tapak haong jabat dang tabiak ngak bruk nan, lac Cục sở hữu trí tuệ, Mentri Ilamu saong công nghệ: “Di angaok dunya meyah khaol drei caong khin pambak tame hatai caong khin di dom doanh nghiệp jeng yau dom urang pambuak pagam tal khin pablei tabiak negar langiu ye khaol drei meda tut angan gah bản quyền saong sở hữu trí tuệ di darak pasar nan”.

Ong Nguyễn Văn Bảy, Phaok akaok Cục Sở hữu trí tuệ ndom lac, ST25 lac angan iew di sa janih pandap yau nan ye thei pablei salih brah jeng brei pandar njauk angan ieu nan./.

Urang lang: Jasi  25/5/2021