Hadei di tuk mintri pato megru brei peih mbang pakacah THPT pakat negar meng thun 2015, ralo sang bac đại học di ban raya HCM hu peih ngak đề án palih ruah karei. Tui nan, ngan saong mbang pakacah “2 haong gauk” akaok meti ini, hu biak ralo tiêu chí barau hu dom sang bac ba tame pandar dalam tuk xét tuyển. Saong bruk bo menuac sia sangka nan lac tukvak biak takik yau urak ini, dom anek saih hu sẵn sàng tâm lý saong pren yava piah palagaih saong bruk salih barau atau oh? Mỹ Dung, urang vak di ralo sap ndom VN daok di ban raya HCM hu kadha vak brei thau ka bruk nan:

Biar harei 15/10, đại học quốc gia ban raya HCM hu brei thau jalan palih ruah anek saih meng thun 2015. Yau nan, kuhria meng mbang palih ruah ini, taphia bruk iek tui kết quả di mbang pakacah THPT pakat negar, đại học quốc gia ban raya HCM  hu ba tabiak ralo tiêu chí xét tuyển barau piah palih ruah anek saih. Cambaih laih nan lac, khin nộp hồ sơ tame dom sang bac di  đại học quốc gia ban raya HCM, anek saih brei hu kết quả bac daa trung bình dom thun THPT meng 6,5 tagok. Đại học ini tok di xét tuyển anek saih pakacah di cụm kayua dom sang bac đại học peih tabiak, oh palih ruah anek saih pakacah di dom cụm puk palei. Yaom lac menuac sia daok ralo suh sah, min tui tiến sĩ Nguyễn Đức Nghĩa, phaok giám đốc đại học quốc gia ban raya HCM, bruk peih mbang pakacah THPT pakat negar nan lac bruk njauk ngak, kayua lac:

“Ka sa, dom adei tok di pakacah sa mbang duy nhất. Ka dua nan lac môn pakacah. Urak ini, tui panuac khan đề án palih ruah anek saih di dom sang bac đại học, cao đẳng ye jaik abih dom sang bac jeng xét tuyển anek saih iek tui 3 môn pakacah, dom adei meda tut angan tame pakacah taong abih 8 môn bo mintri pato megru peih tabiak. Saong yau nan, ngan saong dom adei pakacah ralo môn ye hu rilo jalan jang piah pilih ruah tame dom sang bac, dom ngành”.

Mbang pakacah palih ruah anek saih thun 2015, đại học quốc gia ban raya HCM hu pabak dom môn xét tuyển barau saong klak bruk nhân đôi hệ số di dom ngành, sang bac. Dalam nan, sang bac đại học kinh tế - Luật hu klak bruk nhân đôi hệ số di taong abih dom ngành. Ndom ka môn xét tuyển, meng thun 2015, sang bac đại học khoa học xã hội saong nhân văn ban raya HCM hu pabak 3 môn xét tuyển nan lac Văn – Sử - Anh. Tiến sĩ Phạm Tấn Hạ, akaok phòng pato megru sang bac đại học khoa học xã hội saong nhân văn ban raya HCM lac:

“Anek saih phổ thông biak huac môn sử, min đại học khoa học XH saong nhân văn biak cambaih laih haong bruk ini. Jalan ngak di sang bac nan lac pachreih dom adei bac sử. Palih môn sử lac hu mak na kayua taong abih dom ngành di sang bac, dom ngành gah khoa học, xã hội saong nhân văn jeng hu pambuak tal lịch sử. Dom môn ini jeng daong ka dom adei hu sa định hướng tuk pakacah tốt nghiệp”.

Bruk salih barau jeng hu mboh dalam đề án palih ruah anek saih thun 2015 di sang bac đại học luật ban raya HCM. Meyah hu mintri pato megru brei tapa ye meng thun bac 2015, bruk xét tuyển di sang bac ini hu iek tui 3 tiêu chí hu parabha tui tỷ lệ cambaih laih. Tui nan, tok hu 60% điểm số iek tui kết quả mbang pakacah THPT pakat negar, daok 20% nyu pagam pambak tame điểm trung bình 3 thun THPT di anek saih saong 20% iek tui điểm ngak bài thi  kayua sang bac peih tabiak.

Dalam tuk ralo sang bac đại học dok kuhria caga ka đề án palih ruah anek saih ye ralo adei anek saih khối 12 jeng oh ka abih katuak drei saong mbang pakacah THPT pakat negar. Nan oh ka ndom tal tâm lý so bì di dom anek saih puac pakat. Dom adei ndom lac, bruk mintri tacei tabiak 3 môn pakacah bắt buộc dalam mbang pakacah THPT pakat negar nan lac Toán – Văn – Anh nan nyu ba mbuan lagaih ka dom anek saih palih ruak pakacah khối D. Đồng Thị Thu Trang, anek saih sang bac THPT Trưng Vương lac:

“Lac ban A, kol adei bac rilo gah toán, lý, hóa nan ye tuk njauk palih ruah sa môn lac lý atau hóa piah pakacah tốt nghiệp ye bruk nan nyu ngak ka dom adei mboh suh sah. Tui adei mboh, meyah bruk salih barau ini hu brei thau aval jang piah kol adei kuhria saong hu tukvak rami ramik bruk bac daa ye siam jang”.

Oh lac dom anek saih bo mban giám hiệu ralo sang bac THPT di ban raya HCM jeng mboh duh hatai kayua oh ka hu bruk tacei pato cambaih laih meng pakat angaok. Ong Phan Hồ Hải, phaok hiệu trưởng sang bac THPT Trưng Vương brei thau:

“Urak ini kol drei daok mehit lac mintri daok hu jalan ngak yau nan, min biak di nyu, bruk tacei pato cambaih laih di mintri saong di sở ngan saong dom sang bac THPT ka bruk salih barau ini jeng oh ka hu. Nan ye urak ini sang bac daok gaok biak rilo kan kandah. Urak ini drei gam ngak gam cang oh ka thau cambaih bruk ngak di drei njauk jalan atau oh”.

Bruk dom adei anek saih khối 12 saong urang dang akaok ralo sang bac THPT duh hatai nan lac biak njauk kayua pak dalam thun camereip peih mbang pakacah THPT pakat negar hu biak ralo tiêu chí xét tuyển barau, Kayua yau nan ye, salih jalan bac, jalan ôn tập oh ka ginup, dom adei anek saih khối 12 brei duah thau cambaih piah palih ruah ngành bac, sang bac lagaih di abih ngan saong hatai caong saong pren bac di drei./.