Urak ni di rilo tỉnh, ban dalam negar mboh hu rilo jit ruak, meyah di dom tỉnh ban prong yau HN, ban raya HCM hu ruak sởi rilo ye di NT meng akaok bilan 4 tal ni hu jiak 100 urang njauk ruak tangin takai cambuai, dalam nan rilo uranaih njom ruak độ 2b song độ 3, lac cấp độ biak kan kandah. Taphia di nan, di tỉnh Quảng Ngãi hu dom urang njauk ruak kapal kalik palak tangin palak takai. Min kan kandah di abih nan lac ruak sởi. Di sang iek ruak nhi TƯ, meng akaok thun tal ni hu 111 uranaih ruak sởi metai, meblah 93,2% dalam negar. Njauk lac, lingiu bruk paglaong tỷ lệ klauk jru ye bruk parabha tuyến iek ruak song pasang iek bruk njom anek ruak di dom cơ sở y tế njauk bac megru meng sang iek ruak nhi TƯ. Urang vak Văn Hải hu kadha vak ndom tal bruk ni.

          Akaok bilan 4, mboh dom uranaih ruak sởi metai di sang iek ruak uranaih TƯ, rilo urang mboh lac, di sang iek ruak tuyến cuối bo hu rilo uranaih metai ye jit sởi thun ni hu hagait nan biak karei. Min, tuk mintri y tế tabiak panuac brei thau, labaih 90% dom uraniah njauk ruak sởi metai di sang iek ruak Nhi TƯ song kuhria meng harei 17 tal harei 22/4 hu jiak 90 uranaih njauk ruak sởi kayua njom mbak di sang iek ruak ni ye cambaih laih bruk biak karei nan di labik phân tuyến iek ruak song pasang iek njom anek ruak di sang iek ruak. Bruk njom ruak sởi di sang iek ruak tuyến cuối dak ngak ka ruak trak jang song mbuan metai jang. Ong Lê Thanh Hải, Akaok sang iek ruak nhi TƯ jeng mboh lac ni lac bruk kan kandah hu thau dahlau. 

Tuk njauk ruak hô hấp song ruak sởi ye kadha praong di abih nan lac brei dok karei, takik di abih nan lac oh brei ndih sa papan haong gauk, hu yau nan bruk iek glang meng hu siam jang, iek ruak meng hu siam jang, brei ndih haong gauk yau ni nyu ngak ka ruak trak jang.

Di var ngak bruk song urang dang akaok mintri y tế bahrau ini, rilo sang iek ruak di ban ine HN brei thau, tok ba dom uranaih ruak trak tagok tuyến Trung ương song số lượng oh rilo, yau sang iek ruak đa khoa Đống Đa, meng akaok thun tal ni tok ba 4 uranaih ruak sởi biến chứng trak. Kayua yau nan ye, bruk quá tải di sang iek ruak nhi TƯ rilo meng lac kayua bhap bini eng drei iek ruak vượt tuyến. Min, jeng quá tải uranaih ruak sởi di khoa nhi min dalam khoa nhi di dom sang iek ruak  Bạch Mai, ruak Nhiệt đới Trung ương song rilo sang iek ruak tuyến cuối di ban raya HCM oh ka rah tabiak bruk njom ruak sởi. Bác sĩ Trương Hữu Khanh, Akaok khoa Truyền nhiễm, sang iek ruak Nhi đồng 1 ban Hồ Chí Minh brei thau, meng livik mai, sang iek ruak ni hu padang tanut chuẩn brei tame sang iek ruak piah klah bruk quá tải. Dok bác sỹ  Nguyễn Tiến Dũng, Trưởng khoa Nhi, sang iek ruak Bạch Mai ndom lac, bruk prong di abih nan lac brei phân loại urang ruak, brei daok karei dom urang medil lac njauk ruak sởi meng di balik iek ruak.  Khaol hulin tacei oh lac y, bác sĩ brei rao tangin meng sabon, bo gauk gar di uranaih ruak jeng brei ngak bruk ni. Ka 2 nan lac pacang ruak brei lanieng lanoi, abih di nyu nan lac dom uranaih ruak trak mbuan njom mbak rilo bo dom uranaih ruak ni brei suak yava meng jamriak, nan ye tuk njuk mek labar ka uranaih ruak brei ngak meng pandap njuk mek labar sre, chit jien.. Meyah hu uranaih halei tame cấp cứu kayua ruak karei bo brei ndih tapen uranaih dok cấp cứu kayua ruak sởi ye brei cấp cứu samar piah ba tapa balik karei, meyah uranaih nan mbuan si njom ruak sởi, khaol hulin klauk jru pacang ka dom uranaih nan.

Thau lac sruh jit ruak di sang iek ruak nhi TƯ, Akaok mintri y tế Nguyễn Thị Kim Tiến brei thau hu tacei pato sang iek ruak ni oh taduan dom uranaih ruak hajual piah giảm tải song padang labik dok karei piah iek ruak ka uranaih ruak sởi. Meng nan bruk njom ruak song metai kayua ruak sởi  trun biak rilo. Meyah harei 18/4 hu 39 urang njom ruak sởi ye tal harei 22/4 dok 6 urang song 2 harei tapa oh hu urang halei metai. Mintri y tế hu harak tacei phân tuyến tui tanut sang iek ruak song chuyên khoa. Dom tuyến angaok oh taduan urang ruak hanjual bo tok taduan dom urang ruak trak. Min hu sa bruk kan kandah nan lac urang ruak ba gauk tagok sang iek ruak Nhi TƯ, tuk urang ruak tuh mai rilo, ye mbuan rah tabiak bruk metai lihik kayua njom mbak song menuac iek glang di sang iek ruak oh pabak hu bruk ngak.

Sởi nan lac sa janih ruak lành tính, oh ka hu jru đặc trị song rilo meng abih eng, lingiu di dom uranaih oh daok pren pacang caga ruak atau dalam rup daok hu ruak trak karei. Viện Vệ sinh dịch tễ Trung ương jeng hu panuac lac, oh ka hu bruk biến chứng atau tagok độc lực di  virus sởi di negar drei song jeng oh ka hu urang halei ba tabiak bằng chứng ka bruk sang iek ruak nhi TƯ taduan rilo uranaih piah patagok jien mek tame halei oh? Tok thau lac, 111 uranaih ruak sởi metai di sang iek ruak nhi TƯ nan lac sa kadha biak pandik harao ka bruk parabha labik iek ruak song pasang iek bruk njom anek ruak di sang iek ruak. Dok ngan song bhap bini, kadha bac megru hu nan lac, nao iek ruak vượt tuyến oh lac tuk halei jeng hu siam./.