Thuy Linh: Salam mikva saong taong abih gauk, dahlak angan Thúy Linh

Saphigia:Daok dahalak lac saphigiah. Kol dahlak biak bui sambai hu taoom gaok veik mikva saong taong abih gauk

Thúy Linh:

Dalam danak dak papar sap Chăm harei ini, kol dahlak daa mikva saong taong abih gauk pang danak dak daoh takrơ ngan saong kadha: “Daoh dam dara dom bangsa takik VN”.

Saphi giah: Pathau mikva saong taong abih gauk!

Dalam gilang ilamu dom bangsa VN, daoh dam dara tuk halei jeng ndung bak ralo ilamu hadah krah. Yaok bangsa jeng hu dom ragu daoh dam dara karei di gauk, tapa nan nyu daong ka urang brei thau hatung hatai di drei ngan saong urang bo drei ba abih hatai jai anit ranam. Danak dak harei ini, kol dahlak likau khan tal mikva saong taong abih gauk dom ragu daoh dam dara di dom bangsa takik VN.

Thúy Linh: Dahlau si pang dom ragu daoh bhap bini bingi pang di dom bangsa takik yau urang vak Saphigiah barau khan, kol dahlak daa mikva saong taong abih gauk pang khau tin brei thau dom bruk ngak ilamu praong dalam taneh ia.

Khau tin ilamu 9/8/2015

1/ Blah The Richest barau dak angan Lào Cai di VN lac sa dalam 10 labik mekre abih di dunya njauk nao tal. The Richest lac blah web  pataom dom bruk gheih, mekre. Dalam kadha yaih khan ka Lào Cai, The Richest brei thau: “Lào Cai daok di bhum ceik gah brak VN, lac labik hu dom blang hamu bậc thang biak mekre. Kayua taneh riya, bhap bini labik ini hu ngak tabiak hamu bậc thang piah ngak padai angaok mbon ceik. Hamu bậc thang oh lac ngak jeng labik mekre bo daok pabak padai brah ka bhap bini.

2/ Tỉnh Bình Định barau peih harei pataom ilamu – thể thao dom bangsa takik bhum ceik mbang ka XIII – 2015. Hu mbaok tame harei pataom, hu jaik 500 nghệ nhân, diễn viên, vận động viên di 6 kapul ilamu – thể thao dom puk aplei dalam tỉnh. Danak dak harei pataom ndung bak ilamu meng kan tapa dom bruk ngak yau: lễ hội bhap bini, me-in dom kadha bhap bini, pakacah dak dalikan Bac megru saong ngak tui jalan hadah krah siam mekre di HCM, urang siam bhum ceik, thể thao.

3/ Dự án pasiam veik bimaong E7 di labik inem krung Chăm Mỹ Sơn, tỉnh Quảng Nam barau ngak salah bloh hadei di 4 thun ngak. Dự án hu ralo makna saong yaom glaong thực nghiệm piah pabak ttame bruk pasiam veik bimaong Chăm, kayua dom chuyên gia khik ramik VN peih ngak. Ini jeng lac bimaong Chăm akaok meti di Mỹ Sơn pandar phun jien danak dak bruk ngak pakat negar ka quy hoạch khik ramik saong patagok yaom glaong inem krung ilamu dunya Mỹ Sơn (tukvak 2008 – 2020). Hadei di tuk dom hạng mục bimaong hu gia cố bloh saong yaok iek pandap khai quật, ban khik iek inem krung saong DL Mỹ Sơn hu taduan mek, khik ramik saong jaik ba tame parang iek, yaih khan piah pachreih tuai damuai mai maong iek.

4/ Dom thun tapa, tỉnh Gia Lai hu khik kajap saong peih praong bruk pato sap J’rai saong Bana dalam dom sang bac tiểu học hu anek saih bangsa takik piah khik ramik sap ndom saong akhar vak di dua bangsa dalam tỉnh. Thun bac 2014 – 2015, dalam tỉnh hu 89 sang bac tiểu học peih pato sap bangsa ngan saong 349 tal bac saong jaik 8.000 anek saih bangsa tui bac, dalam nan hu labaih 6.800 anek saih urang J’rai saong 1.155 anek saih urang Bana. Piah khik ginup gru pato sap bangsa dalam dom sang bac tiểu học, yaok thun tỉnh hu pato pasram, paglaong ilamu ka dom gru pato lac urang bangsa J’rai saong Bana piah pato pakai.

5/ Pahadar 70 thun cách mạng bilan 8 saong harei Negar 2/9 taneh ia cộng hòa XHCN VN, harei 20/8, di sang daoh praong, ban raya HCM hu rah tabiak harei pataom đồng ca – hợp xướng ngan saong kadha “dom kadha daoh pok tagok đảng”. harei pataom hu mbaok di pasak ilamu dom quận 1, 3, Tân Phú, Tân Bình, Gò Vấp, Thủ Đức saong sang bac ilamu nghệ thuật ban sit cần thơ.

6/ UB bhap bini ban sit Long Khánh, tỉnh ĐN barau peih var chấm palih ruah rup thaot siam ka ban sit Long Khánh. Meng 98 blah di 25 tác giả mai meng dom tỉnh dalam bhum Đông Na Bộ, ban peih bruk palih ruah hu 18 rup thoat siam ka ban sit Long Khánh. Dom blah rup thoat ini hu parang iek di harei 24/8 tuk peih mbaokharei pataom rup thoat bhum Đông Nam bộ mbang ka 23 thun 2015./.

Saphi giah: mikva saong taong abih gauk barau pang khau tin brei thau dom bruk ngak ilamu praong dalam taneh ia. Hadei di ini, daa mikva saong taong abih gauk pang kadha daoh bhap bini Chăm “caik tian” tui sap daoh lai li-an mbuan njom tame dalam hatai menuac di NSUT Đàng Năng Đức.

Thúy Linh: Pathau mikva saong taong abih gauk

Likei kamei chăm oh lac duah thau gauk tapa tuk ngak hamu, ngak puh, tapa dom mbang taom gaok bo daok lac di yaok labik, yaok tuk. Urang caong khin taom gaok hu urang likei, urang kamei bo drei maong akaok meng lavik mai. Urang gam daoh dam dara, gam klaik meta maong duah urang anit ranam. Tuk oh ka duah mboh urang likei drei anit, ye urang kamei meda mbuah kan mbuan ngak megei hatai urang drei caik hatai anit ranam:

Nan lac panuac dalam kadha daoh “thei mai”, sa ragu daoh dam dara chăm kayua nghệ nhân Hứa Thị Tư daok di palei Phú Nhuận, xã Phước Thuận, huyện Ninh Phước, tỉnh Ninh Thuận daoh. Meng ragu daohlai li-an, kadha daoh “thei mai” nyu ndom tagok bruk cang, maong urang likei dam anit ranam di urang kamei dara chăm. Daa mikva saong taong abih gauk tui pang:

Saphigiah: Kol drei barau pang bloh kadha daoh “thei mai”, sa ragu daoh bahp bini chăm kayua nghệ nhân Hứa Thị Tư daoh. Patui danak dak nan lac kadha daoh “tỏ tình”, sa ragu daoh bhap bini Bana kayua nghệ nhân Pôk K’rua daok di tỉnh Gia Lai daoh. Kadha daoh hu asal lac:

Saai ranam adei tal taha

Caong ka dua urang drei ngak ngak hong gauk sa puh

Daok hong gauk dalam sa baoh sang ton, huak hong gauk sa pok lisei

Ndih hong gauk sa blah ciu, caong ka dua urang drei daok hong gauk mbiak tal metai.

Thúy Linh: Pathau mikva saong taong abih gauk

Dom urang kamei bangsa Thái bhian alin ka urang anit ranam blah khan Piêu kayua drei ngak, meng menyim tal pưt dom bingu la angaok blah khan. Tapa nan, dom urang kamei Thái jeng caong ka urang likei drei anit ranam mboh hu bruk gheih tangin di drei. Ngan saong urang likei, khan Piêu oh lac pandap alin meng bruk meyut meyau bo daok lac panuac kakei lac anit ranam gauk abih hatai jai saong khik ramik bruk meyut meyau nan.

Saphigiah: Mikva saong taong abih gauk barau pang kadha daoh “alin khan piêu ka urang anit ranam”, sa ragu daoh bhap bini Thái kayua nghệ nhân Lường Thị Bình daok di xã Chiềng Khoi, huyện yên Châu, tỉnh Sơn La daoh, urang yuk khèn bè lac nghệ nhân Lường Hồng Xưa.

Pathau mikva…. Dam dara likei kamei urang bangsa takik bhian brei thau hatung hatian di drei tui dom jalan biak ý nhị, dom likei dam urang mông, urang thái bhian nyim sap khèn, dom kamei dara Tày ye nyim baoh còn piah payua hatung hatai di drei.  saong dom bangsa jeng hu dom ragu daoh bhap bini brei thau hatung hatai anit ranam gauk. Hadei di ini lac kadha daoh “Amiên” makna lac Urang anit ranam, ragu daoh bhap bini Pacô, tui sap daoh di nghệ sĩ ADơng Tươi, daa mikva saong taong abih gauk tui pang.

Thúy Linh: Mikva saong taong abih gauk barau pang dom kadha daoh dam dara di dom bangsa takik kayua urang vak Ái Nghiêm pilih ruah. danak dak papar sap chăm ngan saong kadha : “daoh dam dara dom bangsa takik VN” di rayo sap ndom VN tal ini lakau padeih.

Saphigiah: Likau taom gaok veik mikva saong taong abih gauk dalam danak dak hadei. Salam kajap karo salamat./.