Kadha “urang ngak hamu caong thau” harei ini kol dahlak likau khan ilamu pala kam di mikva urang nông daok di bhum taneran kraong Cửu Long, daa mikva saong taong abih gauk tui pang:

Urang nông: Pathau kỹ sư, kam lagaih saong taneh bhum halei saong pala di tuk halei lagaih?

Kỹ sư: Dom janih taneh meda pala kam hu nan lac: taneh phù sa tapen kraong, taneh bồi tụ, taneh glai barau khai phá, taneh thung lũng, dom janih taneh ini hu hàm lượng mùn glaong, mbuan tahhuak ia. Dahlau di tuk pala sa bilan, taneh brei ngak hacih hareik, li-ua siam, atau rabha jeng lô. Mật độ pala ngan saong dom phun ghép angak gol ghép drak asar nan lac meng 300 tal 500 phun sa ha, phun ini atah phun daih 4m saong talei ini atah talei daih 5m. Dalam bilan pandiak thu brei pacang gol kam quýt meng pon, hareik thu, hala hijao sa tal kapal meng 5 tal 10cm piah khik ẩm saong pacang hareik tamuh. Pala pablak dom janih ratak ala phun kam meng 2 tal 3 thun camereip tuk phun oh ka khép tán piah pandar taneh, pacang hareik tamuh saong pabak hưu cơ, vi khuẩn cố định đạm ngak khak drak ka phun.

Urang nông: Pathau kỹ sư, buh khak saong pruh ia yau habar piah hu siam lagaih?

Kỹ sư: Kam brei buh ralo khak hijao, pasamu dom nguyên tố dinh dưỡng, ginup vi lượng phun meng praong khang kajap, pacang hu halak saong jit ruak angaok phun, brei năng suất glaong.

Piah khik ẩm ka taneh brei li-ua dalam tuk ngak taneh, pacang taneh meng pon, hareik saong khak hijao. Tuk pacang pon, khak hijao jhui pacang sre gol. Meyah hu rilo ia, ye tathuak ia tame dom jalan kaoh di 2 gah bìa tán phun, hadei di sa harei ye tathuak thu. Meyah oh caga hu ia, brei duah dom halau ia daok jaik atau mạch ia ngầm, buh jien ngak dom nding raok ia, atau bingun ia.

Urang nông: pathau kỹ sư bruk iek glang yau habar piah thu hoạch hu rilo?

Kỹ sư: Bruk cakak dhar, tạo tán jeng brei ngak gam gam yaok thun hadei di yaok mbang paik baoh. Brei cakak klak dom dhar thu saong dom dhar njauk halak palai kaik piah ngak ka tán phun thông thoáng palahik halak palai kaik.

Bingu kam bhian tabiak biak ralo, min nyu ndam baoh takik, hu meng 2 tal 8% tui bruk iek glang saong tui janih pajaih. Kayua yau nan ye di tuk tabiak caduk, bingu, catai urang bhian paik klak meneing dom bingu oh siam, dom catai tabiak hadei saong di dom labik oh lagaih ka bruk ndam baoh saong praong tagok di baoh. Bruk ini meda ngak hu meng pruh dom janih điều hòa sinh trường.

Kam brei paik chip tuk angaok kanduh baoh kam mboh sambo tasak salih tapa sambo kanyik. Jhui caik baoh tasak lavik angaok phun kayua meda ba tal xốp baoh. Brei paik baoh di dom harei langik pandiak. Baoh hadei di tuk paik hu ba tame sang ton piah phân loại, uak hacih baoh cam, xử lý hóa chất atau mbao ba-ar dahlau di tuk pajeng ba nao tal labik khik iek saong pablei./.

Likau ndua dhar phon kỹ sư./.