Dahlau diah, bruk nao ndua ia piah  pandar di baoh sang urang Cam lac bruk di urang kumei. Urang kumei medeih meng sup subuh nao tal kraong ribaong ndua ia mai sang. Harei ini, hu Karja buh jien tame ngak jalan ba ia hacih mai tal sang ye urang kumei Cam oh daok nao ndua ia di kraong ribaong tra, min tal bilan Katê, Ramưwan, Suk Yeng di urang Cam atau Roya Yuan, dom palei Cam peih bruk pakacah ndua ia piah brei mboh veik bruk glaih glar, naih gheih di urang kumei Cam, khik ramik veik ilamu meng kan, sa-ai Nguyễn Thị Kim Oanh daok di palei Phước Nhơn 3, xã Xuân Hải, huyện Ninh Hải, tỉnh Ninh Thuận lac: Ong muk khol dahlak meng kan ndua ia meng buk…

Po, kayua habar urang Cam ngak hu bruk nan saong ngak biak gheih? Muk Lượng Thị Dẫn daok di palei Phước Nhơn 1, xã Xuân Hải, huyện Ninh Hải, tỉnh Ninh Thuận lac urang bhian mek hu giải glaong abih dalam dom mbang pakacah ndua ia, muk brei thau: Ndua ia lac kadha main kan ngak, adei sa-ai kumei brei ghieh ndua saong brei pasram meng ndua hu rilo ia mai. Kadha mein ndua ia pakacah tui kapol, min thei ndua hu rilo ia abih lac urang janeh.

Pathau mikva! Dahlau diah, hadei di yaok harei ngak hamu ngak puh, biar harei mai dom urang kumei dara Cam bhian tabiak tapen kraong mek ia, daok dom likei dam tui takai yam di dom anai dara mai puac that. Dom thaot binguk nan hu NSƯT Amư Nhân paneh tabiak kadha daoh “Bến nước tình yêu – Tapen ia meyut meyau”.

Urang lang: Aí Nghiêm -28/02/2021