Kol dahlak hu gaok urang likei dam umo 27 thun angan Chàm Mách Aly, daok di palei Thạnh Thọ, xã Thạnh Bình, huyện Tân Biên, tỉnh Tây Ninh tuk saai daok jar var kuhria caga brei kapul caoh mbanh di palei hu mbaok tame giải caoh mbanh uan thun barau anek sak pabe thun 2015. Lac sa urang đoàn gương mẫu, ralo thun ini mai saai abih hatai jai dalam bruk đoàn di puk palei, lac urang “ba pui” phong trào ka dam dara bangsa Chăm di labik ini. Palei Thạnh Thọ hu jaik 30 dam dara bangsa Chăm, ralo meng nao ngak mbang pah. Bruk thei thei ngak, harei ini labik ini harei page labik daih, kayua yau nan ye piah pataom hu dam dara sinh hoạt đoàn lac bruk biak kan kandah.

Min anak bruk kan kandah nan, Chàm Mách Aly, phaok kapul caok mbanh dam dara Chăm di chi đoàn palei Thạnh Thọ, sahneng duah hu jalan piah pachreih dam dara bangsa Chăm hu mbaok tame phong trào. Tui saai, piah pataom hu dam dara brei peih ngak dom bruk bo urang takre, bo brtuk takre di labik ini lac me-in thể thao. Saai bhian brei ka dom adei saai nao pakacah caoh mbanh, daong palagaih ka dam dara hu mbaok tame dom giải thể thao kayua xã đoàn peih tabiak, hu mbaok tame giải caoh mbanh dom bangsa takik pakat tỉnh… Meng jalan ngak ini, meng thun 2010 tal urak ini, dam dara puk palei mai sinh hoạt đoàn ralo jang, dom phong trào mbuan peih tabiak jang. Meng nan, bruk jak ba dam dara bangsa Chăm hu mbaok tame bruk ngak xã hội di puk palei yau: kuac, rok, pasiam jalan mbak palei pala, daong bhap bini ngak sang, ngak taneh pala drak jeng mbuan lagaih jang, ba mai kein laba mboh di anak meta. Saai brei thau:

sap Chăm:

Dalam dom harei ini, urang đoàn, dam dara daok di palei Tân Trung A, xã Tân Hưng, huyện Tân Châu, tỉnh Tây Ninh daok chreih chrai caga rok tết. Lac Bí thư chi đoàn palei Chăm Tân Trung A, xã Tân Hưng, saai Chàm Quanh Sột hu urang anit ranam kayua slut mbut, tapak pape saong kham merat yam tapa kan kandah. Saai bhian saneng lac ngak yau habar piah phong trào đoàn ngak hu kein lagaih, pachreih hu dam dara tame, abih di nyu nan lac dalam dara bangsa Chăm. Dalam thun bloh, saai hu pok panuac tagok pakat ủy, mban khik iek palei daong ngak ka phong trào dam dara patagok. Saai kham merat jak ba dam dara urang đoàn bangsa Chăm dalam palei bac megru, yam tagok jeng urang hu kein laba ka xã hội. Gam saong mban chấp hành Đoàn xã Tân Hưng, saai hu peih dom mbang taom gaok ndom meyai nao mai saong dom chi đoàn ayut piah bac megru ilamu, jalan pataom dam dara.

Tapa dom mbang taom gaok, sinh hoạt daoh tamia, me-in thể thao hu pachreih ralo urang đoàn, dam dara hu mbaok tame. Caga ka dam dara dalam palei uan rok Tết anek sak pabe, saai saong dom urang đoàn dalam chi đoàn tagok kế hoạch ngak bruk ngan saong dom asal lagaih yau daong dom baoh sang kan kathaot, pala phun hijao, ngak hacih jalan palei, me-in daoh tamia, thể thao… Saai Chàm Quanh Sột brei thau:

           sap Chăm

 Meng sami samar tari tarieng di dom urang jakar Đoàn di puk palei yau saai Chàm Mách Aly, saai Chàm Quanh Sột ndom angaok nan, kol dahlak jia lac mikva urang Chăm jeng yau dom dam dara Chăm di tỉnh Tây Ninh hu rok Tết biak bui sambai, hanem phon./.