Kalup hu peih rilo danak dak bruk ngak an sinh xã hội hu makna praong, rik tdaong sangka siam ka urang kumei, uranaih

Meng 10 bruk ngak, jalan ngak naih ghieh, hadah krah saong 4 jalan ngak siam lagaih dalam bruk ngak, abih di nyu pandar công nghệ thong tin dalam bruk ngak di Kalup mek hu kein laba glaong, Kalup urang kumei quận Bình Thạnh lac sa kapul di dalam ban raya pandar phần mềm “khik ramik harak gar” piah cập nhật, chuyển tải saong langyah harak gar payua mai di 23 labik dalam kapul, patak pataom brei kadung jien karja hu jaik 40 triệu đồng sa thun.

Dalam 5 thun tapa, Kalup urang kumei quận hu thiết kế labaih 25.000 bộ ấn phẩm infographic, dom blah ba-ar pathau khan ba tagok labaih 23 fanpage facebook…ngan haong labaih 25.000 mbang urang tui iek, labaih 15.000 mbang like, pambuak bruk; peih 6 mbang pasang iek ngan haong labaih 14.000 mbang urang jakar, urang dalam kapul, urang kumei di pak ni hu mbaok tame brei panuac tapa phần mềm pasang iek online.

Dalam bruk jak ba, daong ka urang kumei padang mbang angui, cak rok patagok kinh tế saong khik caga alam langik tasik, dom saai tuk halei jeng caik hatai brei jhul khang tapa bruk patagok pambuak gauk daong padang mbang ngui hu rilo sahneng duah, jalan ngak naih yau ye Peih danak dak “Cafe padang mbang ngui”, harei pataom pablei salih, pambuak dom doanh nghiệp yaih khan pandap panda, mbang darak Tết hijao...; Pambuak bruk haong dom kapul pambuak tal peih labaih 4.500 tal bac sơ cấp pato bruk ngak ka labaih 1.100 urang kumei kan kathaot, adei saai hu raidiuk biak kan kandah; peih bruk taom gaok ndom biai nao mai di doanh nghiệp haong dom pakat ủy đảng saong karja, danak dak harei pataom pambuak gauk yaih khan pandap panda; pambuak doanh nghiệp haong gilang pariak, tantu cambaih laih harak gar, adat bahrau di kanja; jalan tani tanat yaom kaom di darak pasa… peih ngak siam bruk jak ba “urang Việt Nam dahlau di abih brei pandar pandap Việt Nam.

Abih di nyu nan lac dalam mbang tamuh khang jit ruak Covid-19 di ban raya Hồ Chí Minh, urang jakar, urang dalam Kapul urang kumei quận Bình Thạnh hu peih danak dak  “nao darak daong ka urang kan kathaot” saong pablei pandap tani tanat yaom kaom ka labaih 6.000 mbang urang jakar, urang dalam kapul, urang kumei ngan haong yaom jien blei pandap labaih 1 tỷ đồng saong paok jien daong yaom labaih 300 triệu đồng (trun 30% - 50% ka urang kathaot). Gam saong nan, Kalup hu ieu pataom labaih 8,6 tỷ đồng piah peih rilo danak dak bruk ngak an sinh xã hội hu makna praong, rik tdaong sangka siam ka urang kumei, uranaih, jeng sa bruk praong biak karei di Kapul.

Bruk padang kapul saong cak rok patagok urang kumei jakar, patagok urang dalam kapul, tuk halei jeng hu Kalup urang kumei Quận sangka patagok. Langiu di dom bruk ngak yaok harei di Kapul, dom saai kumei hu peih harei pataom saong mbang pacacah “Urang jakar kalup  naih joi” ngan haong jaik 8.000 saai kumei mek hu angan “Urang jakar kapul naih joi pakat cơ sở” saong 1.054 saai mek hu angan “urang jakar kapul naih joi pakat quận” ; khik hu siam mekre bruk ngak di 13 janih ieu pataom urang dalam kapul, urang kumei… ngan haong 7.869 urang. Meng dom rik daong nan, kapul hu 3 mbang hu taduan Huân chương lao động Hạng Nhất, Nhì, Ba; harak mayaom di Kapul urang kumei Việt Nam meng thun 2011 tal 2017;  02 mbang mek hu giai thuong Nguyễn Thị Định ka bruk thiết kế “Phần mềm khik ramik harak gar” thun 2013, bruk “nao darak daong ka urang kathaot” thun 2017, jeng sa kapul naih ghieh hu angan je hu pok brei giai thuong Urang kumei Việt Nam thun 2021 ./.

Urang lang: Thu Thao – 20/10