Kol dahlak taom gaok ong Karimlos tuk ong mai veik sang hadei di melam nao khik caga. Mbaok sanam jhuk, meta dahut dalam kayua kurang ndih min oh ngak lahik nao sap klao bui sambai. Ong brei thau: kapul dân phòng phường 17 hu 58 urang min, rilo thun ini mai, adei saai tuk halei jeng hu mbaok nao khik caga puk aplei meng 23 tuk tal 5 tuk mesup. Ong Karim los khan lac:

Sap cham

Phường 17 hu labaih 5.000 baoh sang, jaik 23.000 menuac, dalam nan hu 146 baoh sang urang chăm hu labaih 900 menuac. Dalam phường hu 160 jabat, doanh nghiệp, 50 sang brei pah trọ, 7 sang bac, sa darak praong Phú Nhuận. Nan lac dom jalan mbuan lagaih piah ka phường 17 patagok kinh tế - xã hội, min jeng lac labik trọng điểm ka an ninh trật tự di quận Phú Nhuận. Yaok thun, dalam phường bhian rah tabiak bruk co klaik pandap, njuk jru phin ma túy, anek naih likei dam pandar to, thong taong gauk…. Anak bruk yau nan, piah khik kajap an ninh trật tự dalam phường, dalam angan lac akaok mban khik caga dân phố phường, ong Karimlos sahneng duah dom jalan ngak lagaih piah khik caga an ninh chính trị saong trật tự an toàn XH. Ong tacei pato kapul khik caga dân phố phường pambuak bruk saong cảnh sát khu vực, nao jak ba, kakei bhap bini peih ngak njauk tui dom adat di karja gah an ninh trật tự, tut angan khik iek nhân hộ khẩu, pachreih ba bhap bini paglaong hatai sangka saong kham merat pambuak bruk saong công an, khik caga dân phố kham merat pacang cakak tội phạm.

Lac akaok mban, bruk ralo min bilan halei ong Karimlos jeng hu mbaok nao khik iek saong adei saai meng 10 tal 15 mbang. Ngan saong adei saai khik caga dân phố, ong yau sa urang cei, urang wa, urang saai bhian sangka tacei pato, pachreih ba urang ngak siam bruk di drei. Tui jalan ngak lac, “taong abih  kayua mikva khu phố”, yaom lac jar var bruk hit min ong Karim los jeng hu caik tukvak nao rivang mikva dalam palei, klah rabha dom kan kandah, tavak tavaiy dalaam rai diuk. Meng angan je saong trách nhiệm di drei, dom thun tapa, ong hu mbaok tame langyah ba brei siam labaih 50 mbang kandah gauk dalam bhap bini, kayua yau nan ye, bhap bini dalam khu phốbiak anit ranam ong, iek praong ong, meng nan daong ka ong biak ralo dalam bruk ngak. Bruk hagait pambuak tal an ninh trật tự jeng hu bhap bini khan brei thau chip piah ong hu jalan pambuak bruk saong công an phường xử lý chip. Ndom ka ong Karimlos, ong Mach Dares Samael, akaaok mban Đại diện Islam ban raya HCM lac:

Sap Chăm:

Ndom ka dom rik daong di ong Karimlos, ong Huỳnh Bá Thọ, phaok công an phường 17, quận Phú Nhuận brei thau:

 “Saai Karimlos hu mbaok tame bruk ngak ini gam gam. Saai abih hatai ka bruk ngak. Di tổ dân phố saai rik daong biak ralo ka mikva, ka karja”

Meng dom rik daong biak ralo dalam bruk ngak, ong Karimlos ralo mbang hu công an quận, UB bhap bini ban raya HCM pok meyaom dalam bruk taong abih bhap bini khik caga taneh ia palei negar./.