Peih ngak Chỉ thị 23 di Rajaei ka bruk patagok pandar, srau pameluk, parabha xăng sinh học, tal tukvak ini bal raya Hồ Chí Minh hu 262 cửa hàng xăng hu gai xăng E5, meblah labaih meteh dom cửa hàng xăng, menyek di bal raya. Yau nan min, hadei di sa thun peih bruk pandar xăng E5, janih xăng ini urang blei pandar biak biar, bahrau hu labaih 4% dalam taong abih xăng pablei tabiak. Kayua habar yau nan, dom gah chức năng di bal raya meda hu dom jalan ngak yau habar  piah pacheih bhap bani pandar xăng E5. 

Sa-ai Nguyễn Văn Vũ, sang daok pak jalan Đỗ Xuân Hợp, Quận 9, yaok harei nao tal Quận 3 ngak bruk. Sa-ai jeng hu pang pathau khan ka kein laba di bruk pandar xăng E5 nan lac daong khik caga môi trường, min sa-ai jeng daok tuh xăng A92, A95 tui bhian randap. Sa-ai Vũ brei thau: “Dahlak tuh xăng A92 kayua lac tuh xăng E5 nyu oh  laghaih ka drei kayua lac hu dom labik tuh xăng oh hu trụ xăng E5, njauk halei oh drei nduac nao duah xăng E5 piah tuh. Urang pandar xăng A92 meng lavik mai jeng bhian randap, nyu biak an toàn, daok xăng E5 daok bahrau nan ye bhap bini daok huac”)      

Lingiu dom bruk oh lagaih  yau nan, urak ini, dom labik tuh xăng bhian tok hu sa 1 trụ xăng E5, daok dom trụ xăng karei nan lac A92, A95, nan ye urang khin tuh xăng E5 njauk cang biak suai. Dalam tuk urang tuh xăng bhian khin samar drah piah nao ngak. Taphia di nan, yaom xăng E5 tok biar jang xăng khoáng meng kan  400-500 đồng sa lít nan ye oh ka pachreih urang pandar. Taphia di nan, bruk pathau khan  ka kein laba di bruk pandar xăng E5 jeng oh ka prong, dalam. Kayua yau nan ye, urak ini yaok bilan bal raya Hồ Chí Minh pandar 130 ribau mét khối xăng, min xăng sinh học E5 bahrau meblah labaih 4%. Bruk njauk biai nan lac, dom cửa hàng xăng menyek jeng huac bruk khin salih tapa pablei xăng E5 kayua yau nan njauk buh jien tabiak blei bồn, ngak trụ xăng dalam tuk urak ini urang blei biak takik saong yaom chiết khấu biar. Ong Nguyễn Văn Hiệp, Akaok Doanh nghiệp tư nhân Tân Thịnh Vượng, daok di quận 12 khan lac: “Doanh nghiệp mặt bằng sit, meng dahlau mai tok hu sa bồn xăng min, urak ini hu  xăng E5 njauk ngak  sa bồn tra nan ye njauk peih prong mặt bằng, jalan ống, pasang iek, taong yaom veik bruk pacang caga khuah, njauk buh jien tabiak ngak sa trụ bơm bahrau, abih rilo jien padai”.

         Oh lac dom cửa hàng pablei xăng gaok kan kandah bo dom doanh nghiệp praong jeng gaok oh takik kan kandah dalam tukvak salih tapa pablei  xăng E5. Kayua buh jien tabiak ngak dom trạm pha chế, srau pameluk xăng E5 abih ralo jien padai, dalam tuk nan kein laba di xăng E5 oh hu ralo, dom tuk yaom xăng, menjek dunya trun biar  ye dom đơn vị ini khat meng 200 tal 300 đồng sa lít. Ong Dương Văn Phi, akaok Xí nghiệp pablei lẻ xăng menyek, Tổng Công ty xăng dầu khu vực 2  hu panuac caong lac: “Karja drei njauk hu dom sarak piah ka doanh nghiệp peih ngak siam bruk pandar xăng E5. Abih di nyu nan lac daong brei jien padai piah salih meng xăng ron 92 tap xăng E5 piah khin caga môi trường. Dalam tuk sakih ye hu chi phí phát sinh, karja daong yau halei piah ka doanh nghiệp sahanang hatai peih ngak.”

Piah jhuk khang bruk pablei xăng E5, Ủy ban bhap bani bal raya Hồ Chí Minh bahrau pandar dom jabat pandar kadung jien karja hu “xe công” njauk pandar xăng E5 meng hu Sở Tài chính pabak brei jien padai. Ta-eng Sở Công thương bal raya, meng akaok bilan 4 thun ini, hu panuac ieu taoang abih urang jakar pandar xăng E5. Taphia di nan, Sở  ini jeng pandar taong abih dom labaik tuh xăng tal harei 24/12 njauk tuan băng rôn hu asal kadha yau ini: "kayua alam môi  trường xanh, njauk pandar xăng E5”, “Pandar xăng sinh học nan lac daong khik caga alam môi trường”. Piah ba mbuan laghaih ka bhap bani blei xăng E5, Sở jeng pandar lac, tal harei 31/12/2015, taong abih dom labik pablei xăng menyek di bal raya njauk hu  1 trụ  xăng  E5. Bahrau ini, lambaok 12 doanh nghiệp pablei xăng menyek hu mbaoh tangin sanya haong Sở Công thương ka bruk pabak ginup xăng E5. Taphia di nan, Sở jeng patagok bruk pasang iek chất lượng xăng, menyek, pandar dom cửa hàng xăng, menyek likau harak brei adat pablei salih bahrau brei sanya lac hu trụ xăng E5. Amuk Lê Ngọc Đào, Phaok akaok Sở Công thương bal raya Hồ Chí Minh lac: “Piah peih ngak meng harei 31/12 khaol dahlak jhul pakhang bruk pathau khan jak ba bhap bani pandar xăng E5. Khaol dahlak hu panuac ieu dom jabat đầu mối mboh tangin sanya pabak ginup E5. Dom đơn vị đầu mối paglaong yaom chiết khấu ka dom cửa hàng xăng, menyek ầu, yau SaiGonPetro glaong jang labaih 200 đồng dut haong dom jabat karei piah pachreih dom cửa hàng salih tapa pablei xăng E5.”

Salih bruk bhian randap di urang pandar oh lac samar drah hu. Dom gah chức năng di bal raya Hồ Chí Minh njauk patagok bruk pathau khan ka bhap bani thau, sahanang hatai pandar xăng E5 lac siam ka radaih, daong khik caga môi trường ka harei ini saong harei hadei./.