Dom thun tapa, karja song MT dom pakat di tỉnh Quảng Bình hu patom  rilo pren tame iek glang ka ka boh sang kan kathaot. Pachreih tui bruk jak ba “Kadung jien ka urang kan kathaot”, tỉnh Quảng Bình rik patom hu labaih 150 tỷ đồng, padang bahrau song ngak pasiam veik yaok ribau boh sang jum pataom brei ka urang kan kathaot, dong ka rilo boh sang tani tanat labik dok, patruh kathaot khang kajap. Urang vak Lê Tuyết dok di gah kreih negar hu kadha vak khan ka bruk ni.

Paduan mai dok dalam sang bahrau, siam mekre, amuk Lê  Thị Thành, daok di palei Vạn La, xã Lương Ninh, huyện Quảng Ninh, tỉnh Quảng Bình yau ndih lipei. Pasang likei palang lihik, amuk sa drei rong 2 anek nao mbang bac, amuk oh khin sahaneng tal boh sang khang kajap. Bahrau ni, amuk Thành hu UBMT huyện Quảng Ninh dong 30 triệu đồng, bloh mesraiy di mik va dalam palei labaih 50 triệu đồng piah padang ngak boh sang kajap mekre. Amuk Thành khan lac, langiu di boh sang bahrau, muk dok hu alin brei limo pajai, dong phun jien patagok bruk ngak mbang.

Sang kan kandah, pasang likei palang lihik, dahlau deih sang taik tahak. Urak ni hu MT tỉnh Quảng Bình dong ngak veik sang. Hu sang oh daok huac hajan hangin. Urak ini kham merat ngak mbang. Tết ni hu sang bahrau dok ye amaik anek biak bui sambai.      

Tapa labaih 13 thun peih bruk jak ba “Harei ka urang kan kathaot”, meng bruk dong di dom urang ngak pahla,dom  DN, tỉnh Quảng Bình hu padang bahrau labaih 10 ribau boh sang jum pataom brei ka urang kan kathaot, tui yaom jien abih tih labaih 150 tỷ đồng. Yaok pluh ribau boh sang kan kathaot hu dong patagok bruk ngak mbang. Yaok boh sang kan hu taduan meng 6 tal 8 triệu đồng piah blei limo menek, blei thẻ BHYT. Ong Phạm Đức Thương, phó akaok  Uỷ ban Mặt trận negar Việt Nam tỉnh Quảng Bình ndom lac, bruk dong ka urang kan kathaot hu peih prong, dong ka urang kan patruh eik khang kajap.

Dom sang kan kathaot biak bui sambai tuk urang taduan hu boh sang, hu dong palagaih bruk ngak mbang…Kayua yau nan ye urang jeng kham merat yam tagok patruh kan kathaot. Urak ni hu bruk dong brei rilo jang song dom boh sang kan kathaot caong hu sang daok jeng takik nao. Dom puk palei jeng hu patom phun jien brei ka dom boh sang ngak sang khang kajap, gam pacang ribuk gam caga ia ndik ia sua. Dalam thun 2015 ni, Đảng karja song MT tỉnh kham merat pataom pren yava di rilo gah piah patrun 3,5% boh sang kan kathaot song ngak ka nyu salah bloh danak dak sang dok ka urang kan kathaot. 

Bruk jak ba “Harei ka urang kan kathaot” oh lac dong pandap panda ka urang kan kathaot, bo dok ngak brei medeih tagok bruk anit ranam gauk dalam bhap bini, talei jum pataom gauk di mik va dalam puk palei, dalam but pajaih. Urak ni, tỉnh Quảng Bình daok hu labaih 9% boh sang kan kathaot. Tỉnh dok jak ba dom kapul nyaom, menuac urang rik pren tame daong ka boh sang kan kathaot. Ong Nguyễn Hữu Hoài, Akaok UB bhap bini tỉnh Quảng Bình brei thau:

(Ndom ka boh sang kan kathaot, thun ni trun hu 5,5 %, trun rilo di abih kuhria meng dahlau mai. Kuhria rah tapa yaok thun, boh sang kan kathaot di tỉnh Quảng Bình trun meng 2,5 đến 3,5%. Kol dahlak biak kham merat  piah puac thun 2015, boh sang kan kathaot di Quảng Bình samu tanut bình quân dalam taneh ia. Langiu di nan,, hu bruk dong di dom kapul nyaom menuac urang, padang ngak sang dok ka urang kan kathaot, dong bruk ngak mbang ka boh sang kan kathaot, dong patrun boh sang kan kathaot.

Yaok boh sang kan kathaot daok kham merat yam tagok, gam hu bruk dong pren meng dom pakat karja song dom urang ngak pahla, nan ye urang kan kathaot di tỉnh Quảng Bình daok yam takai tabiak truh kan kathaot khang kajap./.