1/ Thủ tướng rajaei barau mbaoh tangin tame đề án pabak dịch vụ papar sap papar binguk tapa mạng Internet brei ka urang VN daok di negar lingiu tukvak 2015 – 2020 saong yaom jien piah ngak abih tih jaik 412 tỷ đồng. Bruk ngak di đề án brei khik ka dom labik praong hu pabak dịch vụ papar sap, papar binguk tapa mạng internet ngan saong chất lượng lagaih, saong brei peih praong labik pabak kênh danak dak papar sap, papar binguk chất lượng glaong tal ralo janih thiết bị đầu cuối karei di gauk; khik habar ka yaok harei hu labaih 1 triệu mbang urang truy cập dịch vụ saong hệ thống meda pabak hu ka 200.000 urang pandar dịch vụ sa mbang haong gauk.

2./Pachreih tui Danak dak “ Pluh thun ngak bruk kayua salamat jalan mbak tukvak 2011 – 2020 tui Sarak di  Hội đồng liên hiệp quốc, Ủy ban An toàn Giao thông Quốc gia padang ngak dom bruk pachreih tui harei dunya pahadar dom urang metai kayua bala tuk nao mai angaok jalan mbak di Việt Nam  thun 2014. Danak dak hu peih tabiak meng harei ini tal harei 19/11 piah paglaong akaok sahneng di bhap bini dalam bruk pan njauk hukum trật tự an toàn giao thông, pacang plaih bala angaok jalan mbak, tabiak panuac ieu daong, klah rabha meng bhap bini ka dom pandik harao, khat lihik, kan kandah di dom urang njauk bala, sang di urang njauk bala angaok jalan mbak. Asal kadha hu dom bruk ngak yau : nao rivang, tangi sua, pachreih ba dom baoh sang urang njauk bala angaok jalan mbak, dom urang njauk bala angaok jalan mbak hu raidiuk kan kandah, lễ tưởng niệm, lễ cầu siêu urang metai kayua bala angaok jalan mbak, danak dak papar sap tapak an toàn giao thông…Dalam nan, lễ cầu siêu urang metai kayau bala angaok jalan mbak hu peih ngak di ban raya Hồ Chí Minh harei 9/11 saong harei 16/11, harei dunya pahadar dom urang metai kayua bala angaok jalan mbak, mbang papar sap tapak an toàn giao thông kayua Rayo sap ndom Việt Nam peih ngak di angaok kênh VOV1 saong VOV giao thông .

3./Pathau mikva saong taong abih gauk!

Harei ini ( 9/11) di tuk mong 8 mesup, di baha Vĩnh Nghiêm, ban raya Hồ Chí Minh hu rah tabiak Đại lễ cầu siêu dom urang metai kayua bala tuk nao mai angaok jalan mbak thun 2014. Mai pataom mbaok, hu lambaok di Uỷ ban an toàn giao thông Quôc gia, Trung ương giáo hội phật giáo Việt Nam saong dom Mintri, dom ngành hu pambuak tal saong yaok ribau tăng ni, phật tử saong tuai damuai atah jaik. Ini lac  sa bruk ngak siam, brei mboh bruk pandik harao ngan saong dom urang metai kayua bala angaok jalan mbak. Taphia di nan klah rabha dom pandik harao saong gauk gar di dom urang nan. Tapa nan, Ủy ban an toàn giao thông Quốc gia tabiak panuac ieu dom jabat, kapul nyaom saong bhap bini pagalong akaok saneng ngak njauk tui quy định di hukum ka bruk khik kajap trật tự, an toàn angaok jalan mbak. Ong Khuất Việt Hùng, phaok Chủ tịch chuyên trách UB an toàn giao thông Quốc gia brei thau:

“ban raya HCM jeng yau bhum Đông nam Bộ lac labik patagok kinh tế chreih chrai di abih dalam taneh ia min jeng lac labik trật tự an toàn jalan mbak phức tạp di abih dalam taneh ia. Hu biak ralo urang metai kayua njauk bala. Taphia bruk đại lễ cầu siêu, kol dalak jeng hu pambuak bruk haong mban an toàn jalan mbak ban raya HCM nao rivang urang njauk bala daok ndih di sang iek ruak Chợ Rẫy).

4/ meng harei 20/11 tal harei 3/12 di miuyim mỹ thuật VN hu rah tabiak parang iek mỹ thuật ứng dụng dalam taneh ia mbang ka III (2009 – 2014). Ini lac sa bruk ngak ilamu praong hu mintri ilamu TT saong DL tacei pato peih tabiak 5 thun sa mbang. Hu 459 tác phẩm, bộ tác phẩm di 222 tác giả mai meng 13 tỉnh, ban payua mai hu mbaok. Di labik ini hu biak rilo chất liệu yau krem, sơn mài, lan am, kayau, ba-ar, klik, kim loại, tanyaik, pataih, khan bai,  saong hu biak rilo thể loại yau thiết kế tem, lịch, biểu trưng, bao bì pandap, mẫu trang sức, khan ao, nội thất, trang trí…

5/ “Ở hai đầu nỗi nhớ” lac angan di melam daoh nhạc cách mạng taom gaok dom sap daoh daok hu khán giả ban ine takre hu rah tabiak harei 20/11 di sang daoh praong HN. Dalam melam nhạc nan, khán giả ban ine yau hu daok veik haong dom kỷ niệm gam saong dom kadha daoh yau Thư tình cuối mùa thu, Cung đàn mùa xuân, Tình ca Tây Bắc, Một khúc tâm tình urang Hà Tĩnh…. saong 3 gu daoh song ca meh nghệ sỹ bhap bini Trung Đức- Phương Thảo, Nghệ sỹ ưu tú Đăng Dương- Tân Nhàn, Nghệ sỹ ưu tú Việt Hoàn- Nghệ sỹ ưu tú Thanh Thanh Hiền.

6/ Kham merat tal thun 2020, tỉnh Bình Thuận padang hu dom thiết chế ilamu yau pasak ilamu tỉnh, labik liên hợp Thể dục thể thao tỉnh, ramik pasiam rạp chiếu phim 19/4. Kham merat 70% xã phường, ban sit dalam tỉnh hu thiết chế sang ilamu, gilang tapuk hu đầu tư taong abih saong patagok siam lagaih. Nan lac sa dalam dom bruk ngak di kế hoạch peih ngak danak dak di mban chấp hành đảng bộ tỉnh (mbang XII) ka bruk ngak tui sarak nyaom meyai mbang ka 9 Ban chấp hành Trung ương Đảng (mbang XI) ka bruk padang ngak sapng patagok ilamu, anek menuac VN pabak bruk patagok khang kajap di taneh ia dalam tỉnh.   

7/ Ông Võ Văn Tạng (daok di ban sit Núi Sập, Huyện Thoại Sơn, An Giang) hu iek lac kỳ nhân vẽ tranh angaok hala tanot. Barau ini, ong jeng ngak hu hình tranh tanot sambo. Ini lac bruk đột phá praong kayua tô atau lai màu angaok hala tanot yau tranh sơn dầu biak kan, oh ka nghệ nhân halei ngak hu. 

8/ Dom urang ruah duah di Đại học Cô-nen di Mỹ barau patagok hu sa janih robot thau sahneng, saong hatai caong sa harei halei nan, hu daong biak rilo ka anek menuac dalam dom bruk ngak dalam sang, atau ngak dom bruk kan kandah tui hatai caong di urang pô. Robot ini hu angan ieu lac Cô-đi-ắc hu thiết kế saong trí tuệ nhân tạo, hu trực giác sami samar saong meda pandar hu dom pandap bo nyu oh ka bhian pandar dahlau nan. Piah daong ka robot ngak hu yau nan, dom urang ruah duah hu pandar sa kỷ thuật mô phỏng tukvak bac megru di anek menuac.  

9/ Phim Nightcrawler saong phim kamot Ouija hu biak rilo urang tame maong iek dalam tuk Halloween saong pablei harak hu biak rilo, dang akaok di Bắc Mỹ adit bloh. Nightcrawler ba mai hu 11 triệu USD, daong ka phim yam tagok dang akaok dalam bruk mek hu rilo jien pablei harak di Bắc Mỹ dalam adit.