Kham merat patrun kathaot di sa xa hu rilo bhapbini bangsa

 Xã Long Hiệp, huyện Trà Cú, hu urang Khmer labaih 83% menuac dalam xã. Yau nan ye, bruk patruh eik patrun kathaot, paglaong raidiuk ka bhapbini hu maong lac bruk ngak praong dang akaok di xã. Dom thun tapa, pakat ủy, karja pak ini hu pataom rilo pren yava jien padai tame saong ba tabiak rilo jalan ngak dalam bruk daong ka bhapbini piah jhul samar bruk patrun kathaot, pasiam raidiuk bhapbini dalam xã.

 Long Hiệp lac xã ngak nong, lac bhum căn cứ cách mạng, bhapbini Khmer meblah 83% saong lac xã hu sang kan kathaot rilo di tinh Tra Vinh. Nan ye bruk patruh eik patrun kathaot hu maong lac bruk praong di xã meng rilo thun dahlau thiah. Min, siam lagaih jeng oh ka glaong, oh ka khang kajap kayua akaok sahaneng di bhapbini ka bruk patruh eik patrun kathaot daok biar. Bhapbini, abih di nyu nan lac dom sang kan kathaot bhian daok pagam pambak, oh ka sahneng tal bruk cakrok kinh te, pasiam raidiuk. Yau nan ye, dom thun jaik ini, xã biak caik hatai tal bruk pathau khan piah ngak brei salih bahrau jalan sahneng di bhapbini ka bruk patruh eik patrun kathaot, tapa nan, pamedeih tagok hatai khin cakrok kinh tế sang. Meng hu yau nan bo bruk khin tabiak truh kan kathaot ngan saong bruk daong di karja dak harei dak praong tagok. Saai Thạch Lên daok di palei Trà Sất A, lac sa dalam dom sang tabiak truh kan kathaot jaik ini brei thau, jeng hu karja palei ba nao bac tal pasram pala njam patam, nan ye saai khang hatai jang piah kham merat tabiak truh kan kathaot. Saai pandar abih taneh vil val sang labaih meteh công piah pala tamun ia, paya, bí đao… Meng nan bo dalam yaok 1 bilan metah saai hu jien mek tame meng 5 tal 7 trieu dong. Langiu di nan, tuk lahaiy sang saai daok nao ngak pah piah paglaong jien mek tame : “ Pala njam oh kan, labaih meteh công njam yaok mbang pablei hu 10 tal 12 triệu, laba labaih meteh. Meyah paik njauk tukvak oh hu hajan ye dui atah meng 1 bilan meteh tal 1 bilan 20 harei. Yaom glaong biar yau habar jeng hu menuac mai blei  tal sang”

Gam saong nan, lac jhul pakhang bruk ba dom alamu ky thuat saong cong nghe barau tame piah salih jalan ngak klak, paglaong bruk thâm canh, patagok vu, paglaong nang suat. Tui jalan ngak lac brei ka urang kan kathaot gai vah piah urang eng drei yam tagok, pakat Đảng, karja xã hu sangka padang ngak dom mo hinh pala drak, raong glang, pandar dom bruk thâm canh, salih janih phun pala, kaya raong njauk saong taneh riya, lingik tasik di puk palei saong pachreih bhapbini bac megru alamu di gauk dalam cakrok pala drak. Meng nan bo rilo bhapbini ngak mbang hu kein laba di angaok mblang taneh dahlau deih hu maong lac oh tabiak truh kathaot hu.  Saai Kim Thanh yaom lac sa sang oh hu taneh pala drak, min thau kham merat ngak mbang, sai jeng hu karja palei daong brei hu mbaok tame dom mbang ginum biai, dom tal pasram ky thuat saong hu pasang iek brei mesraiy jien uu dai 4 trieu dong,  nan ye, saai kham merat pah taneh piah pala njam patam. Meng nan, raidiuk dak harei dak tani tanat, oh daok kurang anak, kurang likuk yau dahlau thiah. Lingiu di nan, saai daok patak pataom blei hu 2 công taneh piah pala drak. Saai Thanh brei thau :“Tuk nan hu karja brei mesraiy 4 trieu dong. Mesraiy hu dahlak biak uan tabuan saong mai sang kham merat pandar ka nyu hu kein laba. Paok jien ini dahlak blei pajaih pala tam kai, tamun ia…duah jien tame. Kayua dahlak sahaneng lac tuk hu daong, drei njauk ngak yau habal nan piah raong hu sang. 

Piah ka bruk patrun kan kathaot hu siam lagaih di abih, Long Hiệp daok brei peih ngak samal dom sarak daong di Trung uong yaok tuk hu parabha brei. Tui nan, 3 thun ini mai xã hu buh brei 34 ty dong piah pasiam hạ tầng, patagok sản xuất. Ta-eng Danakdak daong sang daok tui Sarak 67 di Thủ tuong rajaei, xã hu labaih 470 sang kan kathaot hu mbang tui ngan saong yaom jien labih 4 ty dong. Meng nan, dua thun ini mai, yaok thun xã patrun baoh sang kan kathaot hu labaih 7%, dalam nan dom sang patruh kathaot hu taong yaom lac patruh kathaot khang kajap.

Meng bruk abih hatai tame bruk di dom pakat uy, karja puk palei, gam saong bruk kham merat yam tagok di dom sang hu daong ngak brei patrun sang kan kathaot di Long Hiệp meng 41% thun 2009 urak ini daok 29 %; oh daok bruk bhapbini mesraiy jien mai pandar oh njauk bruk, kein laba di bruk pandar phun jien biar nan ye gaok kan kandah tuk bayan jien mesraiy ka gilang yau dahlau thiah. Ông Lê Phúc Vệ, akaok uy mban bhapbini xã Long Hiệp, huyện Trà Cú brei thau “Tui NQ yaok thun trun 4%  min,  Đảng bộ saong bhapbini kham merat trun meng 7 tal 8%. Tui nan, meng akaok thun, Đảng bộ brei urang đảng daong ka dom sang, brei thau cambaih sang nan hu hadom urang, ngak bruk hagait, caong phun jien hadom piah ngak habar yaok palei hu meng 8 tal 13 sang tabiak truh  kan kathaot di puac thun”.

Meng quyết tâm chính trị glaong, gam saong bruk kham merat di dom nganh, dom pakat di puk palei, bruk kham merat yam tagok di dom sang Khmer  kan kathaot saong meng dom jalan nao njauk di Long Hiệp daok ngak brei salih bahrau mbaok meta palei pala di huyen bhum atah bayah Trà Cú. Jia lac, xã bhum atah bayah, bhum rilo bhapbini bangsa Khơme ini oh livik tra, meda ngak hu siam lagaih bruk patruh eik patrun kathaot khang kajap./.

Thúy Linh