Hadei di 3 thun iek glang, urak ni bein panat prong jiak 1 ha di saai Cao Việt, urang bangsa Raglai, dok di palei Giang Mương, xã Khánh Phú, huyện Khánh Vĩnh, tỉnh Khánh Hòa glong hu meng 3 tal 5 m, daok tabiak baoh mbang camereip. Dahlau deih, mblang taneh ni hu pala tabau, jien buh tame ngak yaok thun glong min kein laba biar. Hu UB bhap bini tỉnh Khánh Vĩnh palih ruah piah padang bruk pachreih nong dalam danak dak padang ngak palei pala bahrau, Saai Cao Việt klak tabau salih tapa pala panat. Urak ni, urang mai blei tal bein yaom 8 ribau đồng sa kg. Saai Cao Việt cong lac phun panat meda ba jien tame tani tanat jang phun tabau. Pren iek glang phun panat mbuan jang dom phun karei, halak jeng pruh jru, jien buh tame takik jang phun tabau

Min dom bruk ngak hu mong lac “ labik hadah” yau di saai Cao Việt oh ka hu ngak rilo dalam yaok pluh ribau boh sang di bhum ceik Khánh Hòa. Bruk pambak prong jeng kan kandah rilo kayua bhap bini gam kurang phun jien, kurang ilamu, gam oh sahanang hatai ka darak pasa. Ong Nguyễn Đức Tuấn, Akaok UB bhap bini xã Khánh Đông brei thau, lac xã ginup meda jang dom xã karei dalam huyện Khánh Vĩnh min xã ni bahrau mek hu 9/19 tanut palei pala bahrau. Tui ong Tuấn, xã daok hu rilo tanut biak kan mek hu yau: tanut ka jien mek tame,, sang dok di bhap bini, môi trường, darak pasa, quy hoạch… Meng thun 2011 tal urak ni, rilo meng buh jien tame ngak cơ sở hạ tầng, kayua labik patabiak di xã Khánh Đông beir. Kan kandah di abih nan lac tanut thu nhập song tanut ka cơ sở vật chất ilamu. Anak tal, tacei jalan ka mik va peih prong phun mbang boh, phun chủ lực di huyện, phun paaok, phun dirieng, phun panat, meng mek hu tanut jien mek tame

Dalam tuk nan, di huyện Khánh Sơn, dom xã jeng bahrau mek hu meng 9 tal 10 tiêu chí padang ngak palei pala bahrau. 5 thun tapa, yaok xã bahrau hu buh brei meng 800 tal 1 tỷ đồng piah padang ngak cơ sở hạ tầng. Kayua akaok sahaneng di mik va urang bangsa takik dok beir, oh ka bhian randap haong bruk patak patom phun jien piah buh tame ngak mbang veik nan ye năng suất phun pala, anek athur rong beir, jien mek tame oh tani tanat. Ong Lê Ngọc Bình, Akaok UB bhap bini huyện Khánh Sơn, tỉnh Khanh Hòa lac: 

Akaok sahaneng di mik va dok takik. Dom bruk sx hu kein lagaih di abih, min boh sang piah ngak mô hình biak takik nan ye bruk peih prong dok suai damuai. Mik va drei takik đầu tư  nan ye năng suất beir, paik mek bloh pablei  mbang bih, tuk ngak mbang veik ye kurang phun jien.

Tal urak ni, tỉnh Khánh Hòa hu labaih 23% xã mek hu tanut padang ngak palei pala bahrau, ngak salah  bruk patabiak di tuk vak 2011-2015. Min bruk ngak oh ka samu gauk, oh ka hu xã halei di  bhum ceik, bhum biak kan kandah hu pok brei angan lac ngak salah bloh 19 tanut. Langiu bruk lac patabiak meng labik biar, phun jien takik, ye tỉnh Khánh Hòa oh ka hu jalan ngak siam piah ieu pataom pren khang XH, abih di nyu nan lac  dui pachreih dom DN buh jien tame ka bhum palei pala, bhum ceik car. Ong Lê Đức Vinh, Chủ tịch UB bhap bini tỉnh Khánh Hòa brei thau

2 huyện Khánh Sơn, Khánh Vĩnh oh ka hu xã halei mek hu tanut palei pala bahrau. Khol drei njauk ngak ka nyu cambaih laih jeng sarak piah pachreih hu DN, dom boh sang ngak mbang naih joi. Njauk buh  dahlau kadung jien karja piah ngak dom sarak nan. Parabha kadung jien karja padang ngak  cơ sở hạ tầng ka bhum ceik urak ni dok gaok kan kandah, peih bhum pala drak praong, bhum raong glang praong piah ba ilamu kỹ thuật bahrau tame

Tỉnh Khánh Hòa kham merat tal thun 2020 hu 56% xã mek hu tanut palei pala bahrau, palahik bruk oh hu xã halei di bhum ceik oh mek hu angan xa palei pala bahrau. Piah ngak hu bruk ni, tỉnh Khánh Hòa hu ramik caga phun jien labaih 2.100 tỷ đồng piah buh tame rilo jang ka bhum ceik, piah salih jalan ngak mbang KT, paglong rai duik ka mik va./.