Khánh Hòa mek veik taneh lâm trường jao ka bhapbini bangsa takik kan kathaot 

Pathau mikva saong grauk yut !

Uy mban bhapbini huyen bhum ceik Khanh vinh, tinh Khanh Hoa barau jao labaih 60 hecat taneh pala drak ka 52 sang bhapbini bangsa takik. Taneh ini bahrau hu karja palei mek veik meng dom Lâm Trườngpiah brei ka bhapbini kathaot daok di bhum ceik tinh Khanh Hoa. Kadha vak di Thái Bình urang vak daok di bhum kreh negar. 

Rilo thun ini mai, kayua kurang taneh pala drak nan ye ông K’Nai Y Hùng, daok di palei Hòn Lay, xã Khánh Hiệp, huyện Khánh Vĩnh njauk nao ngak pah duah mbang. Ngak harei halei blei brah harei nan. Dom harei hajan ye biak glaih glan kayua oh hu thei pah. Sang barau hu jao brei 9 sào taneh di labik maong lac siam saong jaik sang, ông Hùng brei pala bei plom ba jien mek tame di anak meta. Ông K’Nai Y Hùng chreih chrai ndom lac : Nao ngak pah, ngak joa oh ginup mbang. Urak ini karja jao brei 9 sào nan, pala phun keo atau bei plom piah sang mbuan lagaih pala drak, mek jien tame glaong jang hasit. Dahlak sanya lac oh pablei taneh.  

       Ông K’Nai Y Hùng lac sa dalam 52 sang di xã Khánh Hiệp barau hu jao brei taneh pala drak. Taneh ini dahlau thiah kayua Lâm trường Bắc Khánh Vĩnh urak ini lac Công ty TNHH sa thành viên lâm nghiệp Trầm Hương khik ramik, pala glai  sản xuất. Ông Võ Văn Thế, Phó akaok uy mban bhapbini xã Khánh Hiệp brei thau, dalam xã hu jaik 900 sang, rilo meng lac bhapbini bangsa takik ye : Raglay, Ê đê, Tày, Nùng… rilo mikva kurang taneh pala drak. Dalam tuk nan di xã Khánh Hiệp hu tal yaok rabau héc ta taneh mbok, tapak kayua Công ty TNHH sa thành viên lâm nghiệp Trầm Hương khik, pandar oh kein laba. Ông Võ Văn Thế brei thau : Oh hu taneh pala drak ye bruk patagok kinh te, bruk trun kathaot di puk palei gaok kan kandah. Taneh meda pala drak hu, min caik pala glai, min dahlau thiah tui danakdak 327, bhapbini saong lâm trường gam saong gauk ngak bruk nan, hadei ini jeng taneh di lâm trường, mikva  oh hu taneh piah pala drak saong dom taneh nan biak siam lagaih piah patagok sản xuất.)

Tui ông Nguyễn Văn Đồng, akaok uy mban bhapbini huyện Khánh Vĩnh, tỉnh Khánh Hòa, jao taneh pala drak ka bhapbini bangsa takik kan kathaot lac jalan ngak praong hu tỉnh Khánh Hòa ba tabiak meng thun 2003. Min, dalam tuk peih ngak gaok rilo kan kandah, tavak tavaiy, kayua rilo taneh lac glai pacang caga, rilo taneh glai sản xuất jeng daok atah, jalan nao kan kandah. Dom taneh karei daok di labik mbuan lagaih ye karja palei oh hu jien bayar ka dom nông lâm trường quốc doanh tuk mek veik taneh. Meng bilan 7/2015, uy mban bhapbini huyện Khánh Vĩnh padang jalan mek veik 1200 héc ta taneh glai di dom công ty lâm nghiệp daok khik ramik piah jao brei ka bhapbini pala drak. Huyện Khánh Vĩnh ba tabiak bruk lac meng ini tal thun 2020 meda ngak blaoh bruk mek taneh jao ka bhapbini bangsa takik patagok bruk pala drak, pakauk bruk pablei salih, sang nhượng, brei pah taneh. Ông Nguyễn Văn Đồng, akaok uy mban bhapbini huyện Khánh Vĩnh, tỉnh Khánh Hòa brei thau, hadei tuk hu brei taneh, huyện meda daong ka bhapbini pala dom janih phun hu yaom kinh tế glaong : Kol dahlak meda ngak bruk saong 2 lâm trường, iek veik taneh halei meda mek veik saong pok panuac tagok ka tỉnh mek veik, jao bayan huyện brei ka dom sang bhapbini daok veik. Bruk ngak mboh biak mbuan lagaih, kol dahlak meda tacei jalan ka mikva janih phun pala praong piah patagok, karja daong meng jien, meng tacei pato công nghệ, pajaih, mikva hu taneh pambuak bruk tame piah pala drak.)

Tapa pasang iek di mban bangsa , Hội đồng bhapbini tỉnh Khánh Hòa brei mboh, uy mban bhapbini tỉnh hu quyết định mek veik labaih 3.350 héc ta taneh glai, taphia nan, pandar dom puk palei padang jalan jao taneh min dom puk palei peih ngak suai, bruk jao taneh hu takik. Urak ini bahrau hu huyện Khánh Sơn ngak njauk bruk ba tabiak, daok huyện Khánh Vĩnh jeng barau hu jaik 70 sang hu jao taneh. Anak meta mboh lac, taneh hu mek piah jao veik ka dom huyen khik ramik, jao ka dom sang lac taneh hu po blaoh, njauk urang meblah mek dahlau thiah. Lingiu di nan, taneh mek veik daok di mbon ceik glaong, kraong craoh, oh ginup điều kiện piah pala drak. Ông Nguyễn Quốc Thịnh, Phó akaok mban bangsa, hoi dồng bhapbini tỉnh Khánh Hòa brei thau : tal urak ini, dalam abih tih 3.350 héc ta hu mek veik, min taneh đề nghị brei ka dom sang bhapbini bangsa takik kan kathaot kurang taneh sản xuất jaik 30% min. Duah thau quỹ taneh di puk palei maong iek bruk mek veik taneh nan ba tame pala drak hu halei oh meng padang jalan mek veik. Meyah taneh di sang bhapbini hu rilo taneh, karja meda mek jien rami ramik veik taneh nan, jao ka dom sang bhapbini kathaot kurang taneh. 

Tỉnh Khánh Hòa daok pandar dom puk palei duah thau hadom sang bhapbini bangsa takik kan kathaot kurang taneh pala drak, iek tui quỹ taneh daok veik piah jao taneh hacih, ginup điều kiện pala drak ka bhapbini ./.

                                                                                                         Thúy Linh