1/ Harei 13/11, QH hu ginum biai di tổ ka dự án hukum dân sự (pasiam veik). Njauk hatai haong bruk pasiam veik hukm, dom urang QH ndom lac, hadei di labaih 8 thun peih ngak, hukum dân sự hu pambak khang tal bruk patagok KTXH di taneh ia jang yau bruk pasiam dom adat hukum.

2/ Ruak tangin takai cambuai daok patagok di ban sit Đà Nẵng. Gah chức năng ban sit daok patagok dom jalan pacang cakak, patakik bruk njom mbak di jit ruak. Meng kreih bilan 9 tal urak ini, yaok harei ban sit ini hu labaih 60 urang njauk ruak tangin takai cambuai, patagok abih tih urang ruak meng akaok thun tal ini labaih 1.300 urang. Hu dom urang ruak trak kayua suai nao iek ruak.

3/ Bilan đông xuân 2014 – 2015, dom labik ngak padai pajaih lai F1, pajaih padai xác nhận di tỉnh ĐL kham merat pala drak hu labaih 523 ha, dalam hu labaih 114 ha padai lai F1 song peih ngak catang dom jalan tam drak piah mek hu meng 35 đến 48 tạ yaok ha, pabak padai lai thương phẩm ka urang nong. Tui tong yaom di mintri ngak nong song patagok palei pala, pasak ngak pajaih padai lai ni hu taneh riya, langik tasik biak lagaih ka bruk patagok di phun padai lai F1.

4/ Tapa 3 thun peih ngak tal urak ini ban sit Cần Thơ padang hu 63 “mblang hamu praong” abih tih 15.000 ha ngan saong 12.000 baoh sang bhap bini hu mbaok tame, meblah 30% taneh ngak padai di ban sit Cần thơ. Kein laba urang nông mek hu meng mblang hamu ralo jang meng 1 tal 4 triệu đồng sa ha duk saong taneh ngak padai langiu mô hình. Kayua yau nan ye, meng tuk hu mbaok tame “mblang hamu praong” meng thun 2011 tal urak ini, oh ka hu mblang hamu halei khat lahik duk saong jalan pala ngak sit sót.

          5/ Urak ni di huyện Phụng Hiệp tỉnh Hậu Giang, bhum tabau nguyên liệu prong abih di bhum taneran krong CL, urang nong daok tak hu jiak abih taneh tabau di dom bhum ia ndik dalam. Min bruk dut hatai bahrau daok blo tabiak tuk dom harei tapa yaom tabau daok trun khang. Tal tukvak ni, huyện Phụng Hiệp tak hu labaih 5.700ha tabau, dalam nan hu labaih 800ha tabau  duah di ia dalam di dom bhum beir, dok labaih 2600ha dok hu urang nong daok tak mek.

6/ Raong menuk binai mebaoh angaok blah tauk sinh học nan lac jalan ngak di baoh sang saai Nguyễn Thanh Lâm daok di xã Tân Mỹ, ban sit Cao Lãnh, tỉnh Đồng Tháp. Ngan saong taneh praong 500 m2, var ro pandar blah tauk sinh cọ, raong 500 drei menuk binai mebaoh, yaok thun saai laba hu labaih 185 triệu đồng. Bruk njauk meyai nan lac, jalan ngak ini daok hu gah ngak nông tỉnh buh jien tame ngak iek ka 7 baoh sang raong labaih 5.000 drei menuk, brei laba glaong jang duk saong jalan raong thường meng 15 tal 20%.

7/ Harei 13/11, Sở y tế ban raya Hồ Chí Minh hu peih mit tinh pachreih tui harei dunya meeik saradang 14/11. Tui panuac di Hiệp hội meeik saradang dunya (IDF) brei thau, di dunya hu 382 triệu urang meeik saradang song meda tagok tal 592 triệu urang dalam thun 2035. VN jeng lac sa dalam dom negar hu urang ruak meeik saradang glong di abih, abih di nyu nan lac di dom ban prong.

Patui di ini dom khau tin dunya:

8/ Di ban ine Bô-gô-ta, Côlômbia, barau rah tabiak bruk pahadar 35 thun padang talei pambuak bruk di VN saong Côlômbia kayua mintri Ngoại giao Côlômbia  saong Đại sứ quán Việt Nam di Vênêxuêla  gam di Côlômbia pambuak bruk peih tabiak.  

9/ Prang mneda jao kapan mesruh lớp Mít-xtran (Mistral) ka Nga, min di tuk halei jeng oh ka hu khan brei thau cambaih laih. Dom hãng tin di Nga hu ba panuac di akaok mintri Quốc phòng Prang - Y-vơ Lơ Driăng (Jean-Yves Le Drian) pok panuac di anak QH bahrau ni brei thau, hợp đồng di Prang song Nga dok hu peih ngak song dom kapan mesruh ni samar hu jao brei ka Nga.

10/ Liên minh châu Âu meda peih brei yaom jien 260 triệu ơ rô ka Ucraina. Ini lac meneng dalam danak dak daong kinh tế vĩ mô yaom 1,61 tỷ ơ rô di Liên minh châu Âu ngan saong Ucraina. Lambaok pakat glaong iek gah kinh tế di Liên minh châu Âu Pi-e Mốt-xcô-vi-xi brei thau, yaom jien ini piah daong ka Ucraina langyah bruk jien padai di anak meta, jeng yau peih ngak dom salih barau kinh tế./.