1# Thủ tướng rajaei barau ủy quyền ka akaok mintri Lao động Thương binh saong Xã hội pok tagok akoak taneh ia pasang iek alin pandap ka dom urang hub uh rilo pren yava ka cach mang dalam tuk pahadar 70 thun harei Cách mạng bilan 8 (19.8.1945 – 19.8.2015) saong  harei negar 2/9. Yaom pandap alin hu pathau tagok akaok taneh ia nan lac 1.000.000 đồng/sa paok pamdap ka dom urang ngak bruk cách mạng  dahlau harei 1/1/1945; urang ngak bruk cach mang meng harei 1/1/1945 tal dahlau Tổng khởi nghĩa bilan 8 thun 1945. Abih tih jien pandap alin ka dom urang nan labaih 25 tỉ đồng. Yaom jien ini daok dalam kadung jien karja thun 2015.

2/ Gilang pariak ngak nông saong patagok palei pala VN (ieu lac Agribank) brei thau, piah samar klah rabha, pachreih bhap bini dom puk palei gah brak njauk ralo khat lahik ka menuac saong drap ar hadei di mbang hajan, ribuk meng bloh, công đoàn Agribank hu daong 1 tỷ meteh, kaoh tabiak meng kadung jien rik pataom di urang jakar Agribank

3# Mintri pato megru barau patabiak Dự thảo salih barau danakdak pato megru phổ thông tổng thể dalam danakdak patao megru phổ thông barau piah likau panuac di menuac sia. Dự thảo ini hu dom yêu cầu ka phẩm chất saong năng lực di anek saih njauk hu tapa dom pakat bac lac hagait; jalan padang danakdak mon bac; patagok danakdak pato megru pho thong yau habal?..tui Dự thảo ba tabiak, danakdak pato megru phổ thông piah  apdang saong patagook ka anek saih dom phẩm chất ye : diuk rai anit ranam, diuk tự chủ, diuk hu trách nhiệm.

4/ Piah ngak hu rilo pandap panda siam pablei tabiak negar langiu, cty TNHH bingu ia harei, xã Phú Hội, huyện Đức Trọng, tỉnh Lâm Đồng hu pambuak bruk saong labaih 40 urang nông saong kapul pala bingu lan Vũ nữ cakak dhar pablei tabiak negar langiu di angaok taneh praong abih tih labaih 27 ha (samu 2 triệu 700 ribau chậu bingu). Anak tal, kapul pambuak bruk brei peih praong taneh pala bingu lan vũ nữ tagok 100 ha, pablei rilo ka NB.

5# Dalam tuk pahadar  70 thun harei Cách mạng bilan 8 saong harei negar 2/9,  dom gah, kapul nyaom di ban raya HCM hu caik tabiak labaih 100 tỷ đồng piah peih ngak dom bruk iek glang ka dom urang sarak karja dalam ban. Tui uy mban bhapbini ban raya HCM, tanut pandap alin hu pabak tame veik 500.000 đồng/sa paok duk saong thun  2014 ka taong abih dom urang sarak karja, piah brei mboh bruk sangka, thau dar phor di ban raya HCM ngan saong bruk var rup drei di dom urang sak karja, sang buh pren yava ka taneh ia.   

6/ Karja palei saong bhap bini xã Trường Long Tây, huyện Châu Thành A, tỉnh Hậu Giang barau peih bruk taduan mek quyết định công hận xã mek hu tanut chuẩn palei pala barau 2015. Abih tih phun jien buh tame padang ngak di xã palei pala barau Trường Long Tây labaih 226 tỷ đồng. Dalam nan, bhap bini rik daong labaih 37 tỷ đồng.

7# Ủy ban mặt trận negar  tỉnh Cà Mau pambuak bruk saong Công ty Trách nhiệm hữu hạn sa thành viên khak drak Dầu khí Cà Mau barau jao brei 5 baok sang jum pataom ka 5 sang kathaot di xã Khánh An, huyện U Minh. Yaok baok sang yaom meng 55 – 60 triệu đồng. Tui nan, công ty khak drak Dầu khí Cà Mau daong 30 triệu đồng/sa baok sang, huyện daong  10 triệu đồng/sa baok sang. Kadung jien daok veik kayua sang, talei pajaih saong mikva puk paga rik daong harei ngak, jien piah ngiak pasiam.

Patui di ini dom khau tin dunya:

8/ Thượng viện Italy harei 5/8 hu brei tapa dự luật iek glang urang tự kỷ, peih tabiak jalan ka bruk ba tame rai diuk hukum akaok meti pambuak tal janih ruak ini di Italy. Dự luật nan tacei lac hệ thống y tế công di Italy njauk iek glang, iek ruak ka urang ruak; ba tabiak dom quy chuẩn, tacei pato jalan iek ruak saong quy định ka yaom jien di kadung jien karja brei ka bruk ruah duah iek ruak. Tui báo chí Italy, bruk bahrau di abih bo bhap bini cang meng hukum ini lac bruk XH njauk ba mbuan lagaih ka urang tự kỷ ba drei tame saong bhap bini.

9# Jabat khik ramik jru tavao saong pandap mbang menyum Mỹ (FDA) barau brei thau lac  hu brei adat ka janih jru akoak meti hu ngak meng công nghệ in 3D pandar iek ruak động kinh. Công ty jru Aprecia hu jabat daok di bang Ohio brei thau hệ thống in di hãng ngak hu dom asar jru hu hàm lượng tal 1.000 mg/ sa asar. Jru hu angan Spritam lac jru asar pandar piah iek ruak co giật ka urang ruak động kinh. 

10/ UB châu âu brei thau lac njauk hatai saong dom siam mekre di bruk ginum meyai paok jien daong ka 3 brei ka Hy Lạp, saong jia lac dom gah eda mek hu sa thỏa thuận dahlau di harei 20/8 tal./.