1 # Pak Hà Nội, Ủy ban Bangsa saong Kapul urang kamei Việt Nam pambuak haong Danak dak patagok di Liên Hợp quốc pak Việt Nam peih Tọa đàm ngan saong kadha “Jalan patagok parilo urang jakar kumei, urang kamei bangsa takik hu mbaok tame hệ thống chính trị cơ sở” bhum gah barak. Ini jeng lac jalan ngak, lac sarak di Karja Việt Nam, hu brei mboh dalam dom chiến lược, sarak, quy hoạch, kế hoạch patagok kinh tế- xã hội negar...

2/ Mintri Y tế bahrau hu harak payua tal dom mintri, dom gah, UB bhap bin idom tỉnh, ban ka bruk patagok peih ngak Hukum pacang caga kanjah jhak di pakao hala song pamong tal harei dunya oh hu pakao hala 31/5/2015. Mintri Y tế hu panuac caong dom mintri, dom gah pambuak bruk peih dom mbang pathau khan hukum pacang caga kanjah jhak di pakao hala, ba asar kadha pacang caga pakao hala tame bruk ngak yaok thun, ba bruk oh brei jnuk pakao di labik ngak bruk tame quy chế nội bộ di mintri, gah , kapul nyaom song dom đơn vị di drei. 

3 # Pak huyện Bắc Yên, tỉnh Sơn La rah tabiak hajan prong ngak glut jaleih patau ngak ka sa urang metai saong aia sua ba theik 8 drei limo. Urang njauk bala metai nan lac amuk Tráng thị Dua, umo 55 thun, daok pak bản Suối Sát, xã Hua Nhàn, huyện Bắc Yên nao ngak apuh mai njauk patau jaleih kateik metai. Hadei di tuk thau bruk nan, dom pakat karja huyện Bắc Yên hu padang kapul urang jakar trun nao rivang , pachreih ba, daong ka baoh sang nan ngak ndam metai ka urang njauk bala nan saong tacei pato mikva pasiam veik dom khat lahik kayua bala meng langik tasik.

  4/ Pagam pambak tame sarak mesraiy jien brei ka sang kan kthaot, dom urang jakar di gilang pariak sarak karja huyện Đắc Mil, tỉnh Đắc Nông hu ngak hồ sơ khống mesraiy jien piah mek yaok tỷ đồng di karja. Gah Cảnh sát điều tra Công an tỉnh Đắc Nông bahrua hu quyết định khởi tố vụ án, khởi tố bị can song chap kreik 3 urang jakar gilang pariak sarak karja huyện Đắc Mil kayua “Lợi dụng chức vụ quyền hạn dalam tuk ngak bruk”.

5 # 85 urang kamei naih gheih peih ngak siam dom bruk patagok kinh tế, xã hội, urang kamei ngak tui panuac Wa bahrau hu Kapul urang kamei bal Đà Nẵng pok meyaom tukvak pahadar 125 thun harei menek Chủ tịch Hồ Chí Minh (19/5/1890-19/5/2015). Ralo thun tapa, kapul urang kamei bal Đà Nẵng daok khik ramik saong pambak prong dom jalan ngak siam yau “Ngak tui panuac Wa”,“ Tổ patak pataom 21”,“Pabui haluk patak pataom”, "Khang brah anit ranam”, "Rik phun jien daong gauk” daong ka yaok ribau adai sa-ai kumei yam tagok grap tanat rai diuk.

6/ Pasak dong anek saih sinh viên ban raya Hồ Chí Minh bahrau peih bruk jao pok jien bac mbang ka 2 di kadung jien bac “daong pren nao bac” ka dom SV hu rai duik kan kathaot yam tapa kan kandah. Ni lac pok jien bac kayua pasak dong anek saih, SV ban raya HCM pambuak song  Công ty Phụ gia xi măng Trung Kiên peih tabiak piah dong ka SV sang kan kathaot hu pren kham merat yam tagok. Mbang ni kadung jien  hu jao 60 pok jien bac abih tih yaom 162 triệu đồng.

7 # Sở Pato mgru tỉnh Tây Ninh bahrau peih bruk pok meyaom anek saih naih jioy mek hu giải thưởng Lê Quý Đôn thun bac 2014-2015 ka 356 anek saih hu ralo kham merat dalam bruk bac megru saong mek hu ralo thành tích xuất sắc. Mbang pakacah anek saih pakat tỉnh thun bac 2014-2015 kayua Sở Pato megru peih ngak, hu 13 adei mek hu giải nhất, 30 adei mek hu  giải nhì, 59 adei giải ba saong 254 adei mek hu giải khuyến khích; dalam nan hu 6 adei xuất sắc mek hu  giải anek saih naih jioy pakat pakat negar.

Patui di ni nan lac dom khau tin dunya:

8/ Rajaei Philippines hu ba tabiak dom quy định ngak bruk ngan saong bruk pajeng ba  taxi kiểu mới, yau dịch vụ Uber, song jeng sa negar camereip di dunya hu quy định cambaih laih ka janih pajeng ba tuai damuai tui ứng dụng điện thoại di động ni. Mintri jalan mbak pajeng ba Philippines brei thau tui quy định bahrau, dom janih radeih sedan, thể thao đa dụng (SUV) song radeih van di tư nhân pandar ala 7 thun hu adat pajeng ba taxi yau Uber song GrabCar. 

9 # Mentri Quốc phòng Hàn Quốc brei thau: Triều Tiên hu peih mbang pathram quân sự cuh phao biak jaik bhum tasik daok meriak gauk di dua negar. Tui urang tabiak panuac di Mentri Quốc phòng Hàn Quốc Kim Min Xốc (Kim Min-seok), Triều Tiên hu rami ramik dua labik pasram quân sự: dalam nan hu labik jalan ranh giới gah Barak jaik pulao Diêng-biêng (Yeonpyeong) saong pulao  Biên-niêng (Baengnyeong) saong hu pathram cuh phao biak.

10/ Kapul radaih pajeng pandap ngak pahla mbang ka 26 di Nga hu tagok jalan tal Ukraine piah dong ka dom bhum gah pai dok srau kadau di negar ni. Kapul hu mai tal 2 tỉnh Donetsk (Đô-nhét-xcơ) song Lugansk (Lu-gan-xcơ) dalam harei 14/5. Tui panuac khan meng Mintri dom bruk khẩn cấp Nga, kapul radeih hu labaih 100 radeih pajeng 1, 1 ribau tấn pandap dong, dalam nan hu pandap mbang tame hộp, ngũ cốc, pandap pandar, pandap padang ngak sang, harak tapuk./.