#/ Mesup harei ini 14/1, di sang Quốc hội, Ủy ban Thường vụ Quốc hội peih mbang nyaom ka 44 ngan song rilo asar kadha prong. Dalam mbang nyaom ni, Ủy ban Thường vụ Quốc hội hu brei panuac ka bruk taduan panuac pasiam veik dự án Luật Ký kết, ba drei tame song peih ngak hukum dunya ( pasiam veik) Jeng dalam mbang nyaom ni Ủy ban Thường vụ Quốc hội hu pasang iek, brei tapa qua dự thảo Sarak ka bruk brei thau harei palih ruah urang ka QH mbang 14 song urang ka hội đồng bhap bini dom pakat tuk vak 2016-2021, dự thảo Sarak tacei tabiak cambaih laih, tacei jalan peih ngak dom paka di Hukum pilih ruah urang ka Quốc hội song urang ka Hội đồng bhap bini.

#/ Nyaom biai 14 Ban chấp hành Trung ương Đảng hu brei tapa rilo asal kadha praong, pachreih hu bruk sangka di rilo bhapbini dom bangsa tỉnh Yên Bái. Amuk Hoàng Thị Duyên, bangsa Tày, xã Lâm Thượng, huyện Lục Yên, tỉnh Yên Bái lac :

Nyaom biai mbang yaka 14 hu brei tapa rilo asal kadjha praong. Kol dahlak tui maong mboah biak chreih chrai bui sambai. Daok bruk nhân sự, dahlak jia lac Dang, karja drei pilih ruah hu dom urang naih gheih. Nan meda lac dom pilih ruah njauk. Kol dahlak jia lac tukvak tal taneh ia dak harei dak patagok,  bhapbini thei jeng hu trei sir, haniem phuan, abih di nyu nan lac bhapbini bhum glaong kol dahhlak.

#/ Hadei di tuk tui pang harak ndom puac tamat nyaom roya TƯ ka 14 di Tổng Bí thư Nguyễn Phú Trọng, bhap bini ban Đà Nẵng mboh chreih chrai ka bruk jak jeng di nyaom biai. Tapa nan jia lac meng bruk kuhria caga siam dom kadha, Nyaom roya Đảng pakat negar mbang 12 hu jak jeng siam mekre. Ong Lê Đức Thọ, urang jakar padeih hưu dok di 72, jalan  Hoàng Sĩ Khải, phường An Hải Bắc, quận Sơn Trà, ban  Đà Nẵng brei thau:

Tapa tui iek di angaok mbao, rayo meda ndom lac Nyaom biai TƯ mbang 14 hu ginum biai ka bruk nhân sự biak cambaih. Tapa ginum biai song mek phiếu tín nhiệm, hulin jia lac Nyaom roya đảng mbang 12 hu jak jeng siam mekre, hu palih ruah tabiak kapul urang jakar ginup pren yava, ilamu piah ba taneh ia patagok.

#/ Rilo urang taha dahlau deih ngak cách mạng, urang jakar hưu trí saong urang Đảng, bhapbini tỉnh Gia Lai biak sangka tui iek nyaom biai mbang yaka 14, Ban Chấp hành TƯ Đảng mbang 11. Abih di nyu nan lac, tapa panuac tamat nyaom biai di ông Tổng Bí thư Nguyễn Phú Trọng, ông Nguyen Thao daok di tổ6, phường Ia Kring, ban sit Pleiku lac“Mboh lac dom asal kadha bo Tổng bí thư brei thau biak tantu, cambaih laih saong hu dom jalan nao biak alamu. Tapa nan mbohlac , bruk kuhria caga di ông Tổng Bí thư, gam saong bruk peih ngak nyaom biai TƯ saong nyaom biai kuhria caga nhân sự ka nyaom roya dahlak mbnoh biak catang. Jia lac, bruk nyaom biai, pilih ruah tal meda khách quan, công tâm, dak padang dom urang jakar ka siam, njauk saong jalan patagok di thời đại jeng ye njauk saong hatai bhapbini”

#/ UB bhap bini tỉnh Bình định bahrau patabiak chỉ thị ka bruk peih ngak danak dak ba võ cổ truyền Bình Định tame sang bac pato, thun bac 2015-2016 song tuk vak 2016-2020. Tui nan, Ủy ban bhap bini tỉnh Bình Định hu panuac ieu Sở pato megru tacei pato dom Phòng Giáo dục, dom sang bac phổ thông dok dalam tỉnh meng thun bac 2015-2016 peih bruk pato võ cổ truyền Bình Định dalam tuk ngoại khóa. Meng thun bac 2017-2018 hu pabak môn võ cổ truyền Bình Định tame danak dak pakacah di khỏe Phù Đổng pakat tỉnh song huyện.

          # /Thun ini, Ủy ban bhapbini tỉnh Quảng Ngãi barau  brei kaoh tabiak meng kadung jien karja tỉnh 10 tỷ đồng daong jien mesaiy ka 2 doanh nghiệp lac Công ty Trách nhiệm hữu hạn pablei salih Sài Gòn Quảng Ngãi saong Doanh nghiệp dak padang Thành Đạt blei pandap thiết yếu caik piah duh ka Tết Bính Thân 2016. Dom janih pandap khik kajap yaom hu 9 nhóm pandap pandar yaok harei yau ye : brah, saradang, rilo menuk ada, baok, ahar keo, njam patam, dom pandap mbang menyum ngak pasak.

          #/ Tui UB bhap bini tỉnh Trà Vinh, 10 thun tapa, dalam tỉnh hu 117.754  boh sang bangsa takik kan kathaot hu mesraiy phun jien abih tih labaih 819 tỷ đồng. Dalam nan bruk daong pataom tame dom nyaom ngak nong, pablei salih, taneh dok, sang dok, taneh pala drak, pato bruk ngak,  nao ngak bruk di negar lingiu song dom bruk ngak karei karei. Tapa nan, dom baoh sang pandar jien mesraiy hu kein laba lac 50.285 boh sang, boh sang yam tapa kan kathaot lac 15.142 boh sang.

Khaw tin dunya

#/ Mintri Ngoại giao Trung Quốc harei kabroi (13/1) hu tagok sap ndom veik bruk phản đối di drei ka bruk sở hữu vũ khí hạt nhân di bán đảo Triều Tiên, abih di nyu nan lac mbang thử bom nhiệt hạch barau ini di Cộng hòa Dân chủ bhapbini Triều Tiên. Panuac khan brei thau ba tabiak hadei tuk Tổng thống Hàn Quốc Pắc-cưn-hê hu kadha puac di rayo papar binguk harei kabroi hu ndom khang tal labik dang glaong di Trung Quốc dalam bruk cakak danakdak patagok phao ndao di Triều Tiên.

#/ Urang jakar ngak praong di Hi Lạp brei thau, sa boh pakan pajeng labaih 1.230 urang di cư harei kabroi hu mai tal palao Pi-ra-ớt ( Piraeus) di negar ni, yaom lac langik dok liar barak di angaok tasik song rilo negar châu âu dak harei dak ngak catang ngan saong urang nhập cư

#/ Sa mbang jaleih tuyết angaok talei ceik Anpơ (Alps) di Pháp harei kabroi  (13/1) hu bah njauk sa kapul urang trượt tuyết,hu sa kapul 10 anek saih. Mbang bala hu ngak takik abih 3 urang metai saong dom urang karei bị thương trak./.