#/ Uan Tết Đinh Dậu, Liên đoàn Lao động tỉnh Quảng Ninh hu pambuak bruk song dom gah chức năng peih rilo bruk ngak hu makna dok dalam danak dak “ Tết jum pataom” piah iek glang tết ka urang ngak hu rai duik kan kandah dok di tỉnh. Ong Trần Danh Chức, akaok Liên đoàn Lao động  tỉnh Quảng Ninh brei thau:

 Thun ni, meng biak avar, Công đoàn tỉnh Quảng Ninh hu tabiak bruk iek glang tết ka urang ngak, dalam jang, piah duah thau rai duik urang ngak. Langiu di nan, danak dak “ Tết jum pataom” di Công đoàn tỉnh Quảng Ninhhu  peih rilo bruk yau doh tak, taom mbaok brei pandap tết ka urang ngak, abih di nyu nan lac brei harak radeih ka urang ngak atah sang mai palei mbang tết.

#/ Caga rok tết nguyên đán anek sak menuk, tỉnh Đắc Lắc hu buh tabiak meng kadung jien karja tỉnh labaih 40 tỷ đồng nao rivang, alin hadiah pandap ka dom palei urang bangsa takik, urang sarak karja, urang hu buh pren yava ka CM, baoh sang gaok kan kandah… TƯ daong Đắc Lắc 500 tấn brah brei ka dom baoh sang kan kathaot mbang tết. Langiu di nan karja puk palei hu brei labaih 9 tấn brah saong pambuak bruk hong dom kapul nyaom alin hadiah yaok rituh paok pandap tết ka dom urang kan kandah, tui yaom jien abih tih labaih 50 triệu đồng.

#/ Meng bilan 2/2017, Sở pato megru Khánh Hòa peih ngak iek đề án ba gru pato negar langiu tame pato sap Anh di dom sang bac Tiểu học, piah pachreih ba dalam bruk pasram kỹ năng pang, ndom, puac, cih sap Anh ka anek saih, dong paglong chất lượng pato saong bac sap Anh tui Đề án Ngoại ngữ pakat negar thun 2020.Bruk bac ini tok brei ka dom anek saih khin bac ngoại ngữ song gru pato negar langiu tui jalan halan hatain, yaom jien bac 140.000 đồng/sa bilan, sa anek saih .   

#/ Sở jalan mbak pajeng ba Bình Thuận brei thau, meng harei 18/1, hu tacei pato patagok mbang peih kapal jalan ia meng Phan Thiết nao pulao Phú Quý piah duh ka bruk nao mai di mikva, oh caik ka tuai damuai gar veik di mblang. Tui ong Lê Bảy, akaok phòng khik iek pajeng ba phương tiện saong urang peih, piah khik kajap phương tiện nao mai dalam tuk tết, sở hu  pandar dom gah pajeng ba, mblang radaih kuhria ginup phương tiện pajeng tuai damuai, meda ba radaih pajeng công nhân chất lượng siam, radaih hợp đồng hu mbaok tame pajeng tuai damuai.

#/ Di ban Cần Thơ bahrau peih pakak 2 cửa hàng pandap mbang kein lagaih  Satrafoods di Tổng công ty pablei salih Sài Gòn (Satra).Ni lac 2 cửa hàng camereip langiu ban raya HCM di Satra hu peih ngak dalam thun 2017. Urak ni, Cần Thơ hu 18 siêu thị, pasak pablei salih song labaih 100 darak pasa meng kan,

cửa hàng tiện ích.Tong abih yaom jien mek hu meng pablei rai pandap panda thun 2016 di Cần Thơ lac 95.625 tỷ đồng, dang ka sa di bhum taneran krong CL  song ka 3 dalam negar, hadei ban raya HCM song HN.

#/ Thun 2017, tỉnh Trà Vinh kham merat mek hu abih tih sản lượng kaya ikan jaik 170.000 tấn; dalam nan, sản lượng raong pala labaih 100.000 tấn, sản lượng taong cap labaih 68.400 tấn. Tui nan, gah ngak nông tỉnh pachreih urang raong patagok kaya ikan tui jalan parilo janih raong, patagok dom jalan raong khang kajap, jhul pakhang raong kaya ikan tui jalan thâm canh, an toàn jit ruak, siam mekre ka môi trường, pambuak khai thác kaya ikan saong khik caga kaya ikan.

#/ Ban raya HCM hu paduan ba labaih 20 cơ sở ngak nerak môi trường trak. Min, di ban dok yaok rituh sang mac, xí nghiệp, cơ sở sản xuất oh khik hu tanut chuẩn ka alam môi trường, oh ka paduan ba nao hu. Tui Sở Tài nguyên song Môi trường ban raya Hồ Chí Minh, Urak ni, ban raya hu 698 cơ sở sản xuất njauk paduan ba nao kayua ngak nerak môi trường atau oh lagaih ka bruk ….hoạch đô thị. Dalam nan hu labaih 180 cơ sở di huyện Củ Chi, 80 cơ sở di Quận 9 song 70 cơ sở  di  huyện Bình Chánh.

Patui di ini dom khau tin dunya:

#/ Akaok Cục ngak bruk, mintri Lao động Thái Lan Sing-ha-đệt brei thau, akaok mintri lao động taneh ia ini brei dui atah tukvak giấy phép lao động ka urang lao động nhập cư, taphia di nan jao ka dom tỉnh pambuak tal peih ngak. Tui nan, giấy phép lao động di dom urang lao động nhập cư dalam gah ngak công taong cap ikan, tui kuhria abih tuk vak di harei 31/1 saong harei 22/2/2017, hu dui atah tal 1/11/2017, lagaih saong bruk xác minh quốc tịch di urang ngak.

#/ Rajaei Bungari harei ni hu khan lac meda pabak pok jien dong labaih 5 triệu 3 ribau đô la ka urang rong menuk ada njauk khat lihik trak, kayua jit ruak menuk ada dok rah tabiak di negar ni. Rajaei Bungari cong khin ngan song bruk dong pok jien ni meda dong ka dom DN rong glang pasiam veik pren ngak dalam bilan 4 anak tal. Bungari hu thau tal lac labik sản xuất ada kangan limek prong dang ka 2 Châu Âu hadei di negar Pháp.

#/ Jabat Thú y Cộng hòa Séc harei kabroi (17/1) brei thau, jaik meteh dom pabui glai glai di gah Tây Nam taneh ia ini njauk njom phóng xạ saong kakei bhap bini oh pablei dom janih pandap meng ralo pabui glai kayua oh an toàn. Tui jabat Thú y Séc, dom drei pabui glai daok di gah Tây Nam Séc, hu chỉ số phóng xạ glaong tapa tanut kayua nyu mbang bimao njom phóng xạ daok kandong veik meng bruk patuh sang mac điện hạt nhân./.