Bruk mek hu di mbang ngak bruk di harei kabroi ngan haong Mentri Bangsa saong Agama, Mentri Ngak nong saong Alam langik saong dom lambaok ka dom Mentri, dom gah, Phaok Thu tuong Rajaei Hồ Quốc Dũng ndom khang ka bruk ngak Danak dak jalan kuhria pakat negar padang palei pala bahrau, patrun kathaot karo kajap saong patagok kinh te - xa hoi bhum urang bangsa takik saong bhum ceik tukvak 2026-2035 hu makna siam mekre, abih di nyu nan lac ngan haong mikva bangsa takik, bhum atah bayah, bhum kan kandah. Phaok Thu tuong, pandar dom mentri ngak abih bruk di drei piah rahra aval drah mbang tui kein lagaih, oh caong cang maong tame sarak, samar drah pasiam Mban Pato tacei, jabat thuong truc, gah daong bruk di Mentri, dom gah, bhum palei.

Ong Trương Cảnh Tuyên, Akok UBND Ban Cần Thơ khan lac, karja Ban ini kuhria bruk patagok  ban medil hadah krah lac sa dalam dom bruk salih pandar taka so, dalam nan hu ralo gah yau y te, pato megru, alam moi truong, an sinh xa hoi, drap ar ilamo. Yau nan ye, du lieu lac bruk praong pasak saong dom so, dom gah, karja bhum palei brei kuhria caga padang ngak co so du lieu, pambuak bruk klak rabha saong pagam dom  du lieu di ban saong taneh ia. Ban Can Tho lac sa dalam 4 tinh, ban dalam negar dalam nan hu Hà Nội, Đà Nẵng, Cần Thơ, Hải Phòng hu ba tabiak Danak dak patagok do thi hadah krah tui tacei pato di Trung uong.

Piah mek hu jalan kuhria cakrok GDP 10,71% dalam thun ini, tinh An Giang daok pataom tame roh duah ba tabiak dom co che, sarak siam abih piah dui pacreih gah ngak mbang pablei salih dalam gah ngak kong saong jitvu. Quy 1 thun ini, tinh An Giang mek hu cakrok 7,8%, dang akaok labik Bhum taneran kraong Cuu Long min jeng oh ka mek hu jalan kuhria lac 8,3%. Piah salah blaoh jalan kuhria luac sa thun, tinh brei peih ngak samar dalam dom quy patui veik, abih di nyu nan lac quy II brei mek hu tanut cakrok tagok labaih 11%.

Mban Khik iek danak dak 85, Mentri padang ngak  birau hu harak iew UBND tinh Dong Nai saong Jabat Cảnh sát jalan mbak Kong an tinh daong brei parabha  jalan, radaih  tuk brei ba jalan peih drah samar Bien Hoa - Vung Tau dahlau harei 30/4 anak tal. Jalan peih drah samar  Biên Hòa - Vũng Tàu atah labaih 54 km, parabha jeng klau tukvak. Tui kuhria dahlau harei 30/4, peih radaih di jalan 2 saong jalan 3 atah labaih 37 km.

Raya Sambo bar Ilamo mbang ka 2 ngan haong kadha “Bach Viet Thang Hoa” daok rah tabiak tal harei 27/4 di Bein athur Thao Cam Vien Sai Gon, Ban raya Ho Chi Minh ngan haong tukvak oh mek jien tuk ba drei tame dom danak dak raya meng 17h tal 21h. Ngan haong bruk peih praong labaih 100 kadai ilamo - nghe thuat - kaya mbang, peih ngak di bingun Pachip Po Hung, raya oh lac danak dak pahadar halau agha blaoh daok lac bingun piah yaih khan ilamo Viet Nam nao tal ayut cuai sahabat dunya.

Mac tinh luong tu dui ba rai ka 3 kayua Trung Quoc ngak tabiak camereip daong kuhria tri tue nhan tao (AI) saong brei tabiak dom cong cu AI luong tu. Ngan haong 47  trieu mbang urang pandar di 163 negar saong bhum taneh, dom kong cu AI luong tử birau di Origin Wukong ngak tabiak piah takik gaok kan kandah tuk kuhria luong tu saong pambak  praong  bruk kuhria samar drah ngan haong rilo gah ngak tabiak jeng yau dom ung dung dalam kong nghiep.

Gah ngak kong kadha me-in ndien tu dalam dunya meda mek tame veik 22 ty dolla My jien laba yaok thun meng bruk pandar tri tue nhan tao tame luac jalan patagok game. Kuhria urang pandar dalam dunya brei buh tabiak pandar  275 ty dolla brei ka game dalam thun ini, dlaam nan hu labaih 55 ty dolla brei hu buh jien tame veik ka bruk patagok saong pandar kadha me-in. Langiu bruk patak pataom jien buh tabiak, AI daok meda hu daong parilo jien mek tame meng bruk khik takai urang me-in suai jang…

Sa Robot bóng bàn ngak eng angan Ace daok ngak gah kong nghe caik hatai tuk rilo mbang taong caneh  rilo urang taong vợt naih joi di dom mbang pakacah di ban ine Tokyo, Nhat Ban. Tui dom urang roh duah birau ba tabiak di harak Nature, Robot bóng bàn Ace caneh 3 mbang dalam 5 mbang pakacah haong dom urang naih joi saong alah dua mbang dom urang bhian pakacah, pakat glong abih di mon bong ban./.