Patui mbang nyaom ka sa, Quoc hoi mbang XVI, harei ini 22/4, Quoc hoi  ginum biai  ka hukum Sarak di Quoc hoi ka dom jalan ngak, sarak patagok ilamo Viet Nam. Ini lac  bruk ngak brei salah sarak, jalan tacei ba di Dang ka bruk patagok tui Sarak 80 di Mentri Chinh tri. Jeng dalam harei ini Quoc hoi ginum biai ka dom Sarak Pandang ngak Dong Nai di pakat Negar; peih ngak iek hukum karja; jalan ngak, sarak piah langyah dom hukum ka taneh riya di kapol nyaom, urang rah tabiak dahlau tuk tabiak Hukum Taneh riya thun 2024 ba tame ngak.

Cục Khik iek saong Padang ngak danak dak ribaong kraong, Mentri Ngak nong saong Alam moi truong birau hu Sarak iew dom So Ngak nong saong Alam moi truong  dom tinh, ban di Bhum kreh negar saong Dong Nam mbo brei ngak catang dom jalan pacang caga pandiak bhang, kurang ia, njom ia mbak kayua ngak nong, Tui nan, bruk samar pasang iek labik pala drak mbuan gaok khat lahik, brei pabak ia pandar, raong glang saong phun pala, brei ramik pasiam tukvak pala drak atau salih janih phun pala di bhum kurang ia pruh.

Meng hu bruk sangka, buh jien tame ngak brei sumu gauk saong suai lavik, mbiah tal ini tinh Vinh Long piah caga ia ginup ka bruk pala drak, gam dalam bilan thu langik pandiak yau urak ini. Tỉnh Vĩnh Long buh jien tame padang 570 danak binek ia ribaong kraong, dalam nan hu 129 danak dak birau hu phun jien jaik 13 ribau ti dong;  tui nan jak ba hu labaih 251 ti dong jak ba gah langiu piah ngak dom jalan ba ia pandar ka palei pala. Rilo binek ia hu makna brei ngak pasiam, ramik veik ka lagaih, duh ka bruk  ngak  mbang pala drak saong ia pandar ka bhap bini.

Thun ini, bruk palih ruah saong iew rahra tagok jalan ngak bol lin, ngak kong an bhap bini hu tinh An Giang peih ngak sumu, tani tanat, njauk tui hukum, njauk manuac urang saong ginup urang hu jao brei palih ruah. Karja dom bhum palei dalam tinh jak ba daong baoh sang bol lin bhap bini saong likei dam tame ngak bol lin labaih 6 ti dong. Tukvak anak tal, tinh An Giang brei pathau khan, ngak tui catang dom hukum; paglong bruk palih ruah bol lin, njauk manuac njauk urang.

Pasak Pasang iek ruak kik (CDC) tinh Ca Mau brei thau, sruh jit ruak  kayua glo akaok mô cầu di xã Khánh An pasang iak hadei 10 harei duah mboh ruak, oh ka hu ruak birau kayua sruh jit ruak nan. Dahlau di nan, tapa dut iek ruak di Vien Pasteur TPHCM brei hu 3 urang njom ruak não mô cầu. Dalam 3 urang ruak nan daok jaik gauk saong urang  ngak dalam Balai khik iek Cái Tàu, hu taom gaok urang metai dahlau di nan.

Harei ini, 22/4 hu LHQ taduan lac Harei Baoh taneh saong harei ini hu jeng bruk ngak yaok thun hu dunya peih ngak di thun 2009. Ini lac piah anek manuac mong mboh dom makna di alam moi truong di Baoh taneh, iew da-a urang rik daong tame khik baoh taneh ini. Harei Baoh taneh thun ini ngan haong kadha “Our Power, Our Planet”, lang tapa lac “Prein khang di khol ita, Baoh taneh di khol ita”. Pachreih tui Harei Baoh taneh thun ini, hu labaih 9.000 bruk  hu tut angan di dunya.

Dom mbang ribuk cuah saong dhur mun  di ralo labik  di gah Barak negar Trung Quoc, ngak ka 12 tinh saong labik khik iek tu tri di taneh ia ini. Dom labik  di Tân Cương saong Nội Mông rah tabiak ribuk cuah biak khang, pacang jalan mong mboh ala 1km, hu labik 500 met. Urak ini, dhur mun  nan ngak ka bhum Tứ Xuyên, bhum gah meraong negar ini  dalam dua harei tapa. Tui asar kadha kuhria mboh, ribuk cuah di Trung Quoc trun dut saong dom thun jaik ini.

Dalam sa mbang rah tabiak ngak manuac sia dunya caik hatai, Cuba birau khan brei thau hu kapol urang Mỹ  di ba ine La Habana. Mbang taom  gaok  hu dom urang daong bruk ka ngoai truong My saong lambaok vakil Cuba di pakat Thu truong Ngoai giao, rah tabiak njauk iek praong saong lagaih, brei mboh dua gah daok biai gauk, yaom lac daok hu rilo kan kandah brei langyah. Bruk Mỹ saong Cuba daok khik hu bruk pambuak ginum biai oh ka tamat./.