Ngak bruk saong kapul urang dang akaok di 52 gah ngak mbang pablei salih dang akaok di My daok mai rivang, ngak bruk, duah thau ka kein lagaih pambuak bruk di Viet Nam, Thu tuong Lê Minh Hưng ndom lac, Viet Nam maong My lac sa dalam dom gah pambuak bruk hu makna dang akaok. Thu tuong pandar dom gah ngak mbang pablei salih My jhul tagok ka dua negar asamr drah mek hu Hiep dinh thuong mai doi ung, samu gauk, gah My samar drah maong iek saong mbaoh tangin Viet Nam lac sa negar ngak mbang kinh te darak pasar ginup tanut saong samar drah ba Viet Nam tabiak truh harak angan dom negar patakik ka bruk pablei tabiak langiu negar.

Harei ini, Sang bac Dai hoc Quoc gia TPHCM khan brei thau Tanut pakacah Taong yaom prein bac mbang ka 1, anek saih  pakacah hu tanut glong 1.098, glong abih 27 diem. Tui nan, tanut pakacah kuhria rah tapa mbang ka 1 lac 682 ndiem. Dalam nan, labaih 30% anek saih  lac ala 600 ndiem, 55% ala 700 ndiem saong labaih 6% ala 700 ndiem saong labaih 6% meng 900 ndiem tagok, brei mboh bruk parabha tui prein bac cambaic laic. Mbang ka 2 pakacah peih tabiak di harei 24/5. Brei thau tanut pakacah di akaok bilan 6 anak tal.

Hu 168 labik lac dom balai y te phuong, xa, kaoh pulao di Ban raya Ho Chi Minh harei ini tame bruk pasang iek prein yava, pasang iek ruak pilih halang oh mek jien ka rahra. Danak dak pasang iek ruak pataom di harei pilih halang, samar drah duah mboh dom ruak oh pambak saong dom ruak hakik chuyen khoa bhian gaok yau ruak baoh hatai, me-ik saradang, ung thu, ruak jalan thuak yava, prein yava tam than, pabah tagei, dinh duong… Njauk caik hatai lac, dalam mbang ini, pasang iek ruak ung thu co tu cung brei hu caik dahlau ka urang kamei ngak bruk bebas, urang kamei ngak kong.

Ban Can Tho paglong bruk kuhria apui khuah glai pakat III ( pakat glong abih) tagok pakat IV - pakat bala mbuan rah tabiak di dom glai. UBND ban Can Tho caong khin Mban Tacei ba jalan pacang caga apui khuah, adam khuah glai pakat xa, phuong saong dom don vi khik iek glai brei hu mbaok khik iek 12 tuk dalam sa harei abih di nyu nan lac dom tuk tabung glong mbuan khuan glai; brei caga dahlau dom jalan kakei dahlau, jak ba dom gah, dom radaih mac jamraih, oh caik ka apui khuah glai pambak praong. Brei khik piah ia di dom ribaong, danao dalam glai. Can Tho hu 25 xa, phuong  hu glai  saong 10 dom vi khik iek glai, kuhria taneh glai hu jaik 14.000 hecta.

Pandiak bhang catang di tinh Ca Mau ngak ka labaih 1.300ha daanao raong ikan hadang khat lahaik labaih 70%, pataom tame rilo di dom hadang, aring saong sò huyết. Dang anak bruk mbuan tamuh jit ruak, bhum palei pandar trung uong daong samar chip 50 tan hoa chat chlorine. Dom hoa chat ini lac jalan langyah njauk hu piah palahik jru mek, pamatai anek ruak di danao raong, daong pasang iek siam lagaih jit ruak saong patakik rilo abih dom khat lahik.

Urang ngak praong di Hàn Quốc duah mboh  rilo bruk ngak suan jien bilan saong labik ngak bruk ngan haong urang negar langiu di tinh Jeolla Nam. Dalam nan di 2 var raong hàu di huyen Goheung hu 26 urang ngak tavak sre 31,7 triệu won, jiak 22.000 USD jien bilan saong jien daong. Langiu di nan, 2 urang dui ba suan hukum  blah jien labaih 7 trieu won di urang ngak. Tong thong taneh ia ini lac Lee Jae Myung kakei ka bruk taong paoh saong iek lap urang ngak daok negar langiu mai lac “duis biak trak, oh brei paklak”, tui nan kaoh duis tui hukum.

Danak dak salih klak mek bahrau ka kaya pandar kayua Rajaei Trung Quoc daong daok hu brei mboh dom bruk pachreih biak khang. Kuhria tal abih harei 12/4, dom danak dak ini ba mai yaom kaom pablei kaya jaik 503 ty NDT (samu haong labaih 73,33 ty USD) saong duh jaik 70 trieu mbang blei pandar dalam dunya. Ngan haong prein cakrok patagok urak ini, danak dak hu caong takre brei patui veik lac bruk daong prein daong bruk ngak mbang kinh te cakrok tani tanat dalam tukvak anak tal.

Dom jabat chuc nang  Indonesia chap mek Chánh Thanh tra taneh ia ini kayua taduan mbang jien,  dalam 5 harei hadei ong tuyen the tagok ngak bruk pacang caga tham nhũng dalam karja. Ong Hery Susanto mbang jien 1,5 ti rupiah, sumu labaih 88.000 USD tuk daok ngak biar jang jakar di jabat pasang iek. Bruk nan rah tabiak dalam tuk Indonesia daok jhul pakhang dom gah ngak brei cambaic laic piah pacang caga bruk tham nhũng./.