Di biar harei ini, Ủy ban thường vụ Quốc hội ieik glang, patabiak Sarak Nghị quyết brei ka bruk padang 10 phường dalam tỉnh Đồng Nai; padang ban raya Đồng Nai daok tapak pakat Trung ương nagar… Dalau di nan, tame waktu masa page, Quoc hoi ieik dom harak pathau khan brei ka dom janih ieik glang harak gal hukum adat daok di dom bruk ieik glang di Hội đồng Bangsa, dom Ủy ban di Quốc hội thun 2025, Ủy ban Thường vụ Quốc hội brei thau lac, tapa taong yaom, tapa ieik glang jeng daok mboh bruk patabiak harak gal daok suai, daok tawak sraiy brei ka bruk patabiak harak gal brei thau tani tanat cambac lac; Bruk brei thau dalau sarak karja, taong yaom bruk ngak jeng di sarak karja daok kurang, ba nao tal bruk njauk brei pasalih, pabak harak gal dalam waktu masa panak. (VOV) 

Jabat Bao hiem xa hoi Ban raya Ho Chi Minh bahrau ba tabiak harak dak angan Po 100 gah urang ngak mbang pablei salih di Ban raya Ho Chi Minh daok tavak thraiy BHXH meng jaik 4 ti ndong tal jaik 68 ti dong. Bruk dom Po gah di dom urang ngak mbang pablei salih suai brei jien BHXH ngak ka yaok ribau urang ngak bruk gaok kan kandah, oh langyah hu dom kein lagaih yau ye langyah brei ka urang metian menek, bao hiem urang lahik bruk ngak. Yau habar urang ngak mbang pablei salih suai bayar jien BHXH kayua lac gaok kan kandah ka jien padai, ngak tabiak ndap nda kaya ngui mintapi kan daman dalam pablei salih, langiu di nan jeng hu urang ngak mbang pablei salih oh marat hatai bayar jien BHXH.

Urak ini langik tasik daok di tabung glaong bilan thu, ia di dom baoh kraong, ribaong dalam tinh Dong Thap trun tagok biak glaong; dalam nan mboh di dom bhum raong kaya ikan dalam ia oh daok karo. Dang di anak bruk ini, UB Bhap bini tinh Dong Thap hu brei pandar So Ngak nong saong Alam langik caik hatai iek catang bruk rah tabiak di dalam langik tasik kraong ribaong, kakei caga ka bruk ia ndik ia trun di dom jalan ia kraong ribaong, dalam nan njauk caik hatai tal bhum raong glang kaya ikan dalam ia. Gam haong nan bhian pasang duah, tui iek bruk raong ikan pra mek ralo; ngak njauk tui adat hukum brei ka bruk raong glang di nyu.

UB Bhap bini tinh Vinh Long pambuak Kongti Vina T&T Group bahrau peih Harei khan brei thau bruk pablei tabiak lô kruac bung kanduh hijao akaok meti di tinh ini tal darak pasar nagar Australia, dom po bein ngak siam dom kadha hacih sa-at brei ka ndap nda kaya mbang. Hadei di pagam tinh Vinh Long hu labaih 18.000 ha taneh pala kruac bung kanduh hijao rilo janih. Tal ini, tinh Vinh Long hu padang hu 212 ma so lek taka bhum pala duh ka bruk pablei tabiak langiu nagar.

Tui Pasak Brei thau dalau gah khí thủy văn pakat Negar, meng harei 19-20/4 anak tal, di tapen tasik Dong Nam bo mada rah tabiak mbang ia ndik tanut ia glaong abih di balai Vung Tau glaong lac 3,8 - 3,9m. Ia ndik glaong brei ngak suai bruk tathuak ia sua di dom kraong jeng ye ngak brei njom ia mbak dalam mblang hamu. Piah srap gap pacang caga, patakik khat lahik kayua ia ndik glaong, dom bhum palei srap gap peih ngak jalan tathuak ia kandaong, pacang khik bruk ngak mbang pala drak; pakajap, pacang khik danao kavei raong kaya ikan dalam ia; yuak paik njam patam, phun pala tal tuk yuak paik; pacang caga ia dauk di labik ban medin…

Iran khin mahu 5 baoh negar dalam nan hu Bahrain, Ả Rập Xê-út, Qatar, Dom Nagar Tiểu vương quoc Ả Rập Thống nhất saong Jordani bayar pabuh kaya ngui vật chất saong tinh thần ka yua gam rup dalam bruk mesuh matak nagar Iran di Amirika My. Harak Sarak di Iran payua ka Tong thu ky Lien Hop Quoc ndom manyai cambaih laih, dom negar ini oh sa janih brei pandar taneh riya di drei masuh Iran, blaoh daok tapak dom “pandar phao karaong chung hukum tame labik daok bhap bini” di Iran.

Malaysia anak meta brei dom kapul polih di dom balai menyek rah jalan tapen negar yau sa banah di bruk pacang caga manuac urang bleih salih. Urak ini hu taong abih 151 balai sang menyek brei njauk iek glang catang, dalam nan hu 87 balai daok di labik jalan tapen negar dan saong 64 balai karei mbuan gaok kan kandah kayua lek taka oh yau bhian ngan haong bruk pambuak tal radaih negar langiu saong radaih pakuang praong ngak karei bahrau. Ini lac sa di dalam dom bruk pambuak taong abih dalam negar piah pacang caga bruk blei pablei oh tui hukum dan saong caga lahik kaya kan ndap nda.

Akaok Gilang Pariak Dunya hu pok sap kakei brei caga ka sa bruk praong daok si rah tabiak tal kurang bruk ngak dalam tuk hu 1,2 ty urang brei yam tame thun umo ngak bruk dalam meng 10 tal 15 thun anak tal. Akaok Gilang pariak Dunya brei thau ka bruk khik tani tanat bruk pataom tame dom jalan ngak atah tukvak lac sa bruk praong oh lac mbuan sanang, tuk bruk kinh te ngak mbang blei salih di dalam dunya gam saong kan daman mai  meng hadei di jit COVID-19 tal mbang mesuh metak di Bhum taneh Trung Dong.