Quoc hoi brei maong iek, tapa nyaom biai Sarak padang Ban Dong Nai daok dalam Trung uong di Mbang nyaom biai ka Sa di puac bilan 4 ini. Dahlau nan, Uy mban Hukum saong Tu phap maong iek harak ba tagok di Rajaei ka Danak dak padang 10 phuong dalam tinh Dong Nai saong Danak dak padang padang Ban Dong Nai daok dalam Trung uong. Dong Nai khik labik daok hu makna dalam bhum Dong Nam Bo saong dalam negar, lac labik hu lagaih hu makna ka bruk ngak kinh te, quoc phong, an ninh. Thun 2025, GRDP hu labaih 677.932 ty dong, jien mek tame labaih 102.000 ti dong, GRDP kuhria rah tapa tui yaok urang hu jaik 151 trieu dong, rik daong labaih 5% GDP dalam negar.

Akaok Mentri Bangsa saong Agama Nuyễn Đình Khang gam haong kapul ngak bruk bahrau mai rivang, tadhau ayuh Tet bhap bini Chôl Chnăm Thmây thun 2026 mikva Khmer tinh Vinh Long saong alin labaih 200 paok kaya ka urang hu angan je saong dom baoh sang Khmer dalam bhum, Hoa thuong Thạch Sok Xane, Phaok Akaok Kapul Dui ba Kapul Agama Phat Viet Nam, ndom lac brei ngak njauk dom jalan ngak di Ndang, sarak, hukum di Karja; gam haong nan paglaong hatai gul pataom, rik prein padang palei pala dak harei dak patagok, siam mekre, ginup meda.

Sang bac Sap bahsa – Ilamo – Seni nghe thuat Khmer Theravada & Nhân văn, Dai hoc Tra Vinh peih mbang pakacah Ndom puac sap Khmer thun 2026, ngan haong kadha “Uranaih haong ilamo kong nghe lek taka”. Mbang pakacah thun ini dui pachreih 18 kapul pakacah di dom tinh, ban yau An Giang, Vinh Long, Can Tho, Ca Mau gam haong Sang bac Pato megru Ilamo Pali Meteh pakat Meraong negar saong Sang bac Meteh pakat Pali – Khmer Vinh Long. Ini lac kein lagaih piah anek saih hu bac di sang bac dai hoc, pambuak bac megru sua tangi haong gauk, paglaong bruk khang hatai dalam bruk ndom meyai meng sap Khmer; rik daong lagaih tame bruk khik ramik saong patagok sap bahsa, ilamo di bhap ini bangsa Khmer Meraong negar dalam jalan salih lek taka so.

Yaom padai brah Viet Nam patui veik tagok yaom dalam adit tapa, bruk pablei tabiak langiu negar chreih chrai kayua tuai damuai patak pataom saong huac kadha kanda ka jien pajeng ba tagok glaong. Tui Kapul Padai brah Viet Nam, di Bhum taneran kraong Cuu Long yaom padai that di mblang hamu lac janih padai pahe glaong abih lac 5.950 dong/kg, tagok 96 dong/kg. Mentri Ngak nong saong Alam langik ndom lac, yaom padai di Bhum taneran kraong Cuu Long dalam akaok quy 2 hu kuhria lac trun ha sit kayua yam tame tabung glaong yuak kuak bilan Dong Xuan, halau pabak rilo.

Bhum taneran kraong Cuu Long daok yam tame tabung glaong bilan thu, abih di nyu nan lac dalam bilan 4 ini, tuk ia ndik pagam haong ia meng halau angaok kraomg Me Kong patrun ngak ka tanut mbak tagok. Taphia nan, pandiak khang di dom bhum palei ngak ka halau ia saok daok takik. Piah khik kajap ia pandar ka rahra, ban raya Can Tho hu buh jien tame 37 labik pabak ia oh mek jien, pataom tame di dom labik tapen negar. Dom labik pabak hu ramik caga pakuang padang ia labaih 10.000 lit, majam njuk ia ta-eng hu pandar gam gam, khik kajap ia tuk halei jeng ginup piah ka rahra mai mek ia tuk halei jeng hu.

Bang Haryana – pasak ngak tabiak radaih oto di An Do brei tagok 35% tanut jien bilan takik abih ka urang ngak bruk pho thong. Bruk mbaoh tangin hu ba tabiak hadei tuk rilo urang ngak kong dalam dom sang mac di labik ngak kong Manesar padeih ngak, trun jalan pacagar ka bruk jien pandar ka bruk daok dang tagok glaong. Urak ini tanut jien bilan takik abih brei ka urang ngak kong oh hu thau ka bruk ngak hu tagok meng labaih 120 USD tagok 165 USD yaok bilan. Rajaei bang hu ieu da-a dom urang ngak kong gilac mai ngak bruk hadei rilo harei srau kadau.

Radaih nang luong bahrau kuhria brei jeng janih dang akaok ka darak pasar radaih oto Trung Quoc di thun 2030, mek hu labaih 70%. Dalam Quy hoach 5 thun mbang ka 15 (2026-2030), gah ngak kong radaih nang luong bahrau di Trung Quoc brei taong abih yam tame tukvak patagok bahrau tui jalan ngak di darak pasar, hadah krah, hacih hijao saong pakat dunya. Urak ini, bruk pablei tame darak pasar dalam negar Trung Quoc thun 2025 lac jaik 48%.

Harei raya phling ragam saong seni nghe thuat Coachella daok rah tabiak di  Indio, California, Mỹ. Thun ini brei mboh sa bruk hu makna tuk harei raya hu 25 thun peih ngak, patui veik brei mboh labik dang lac sa dalam dom danak dak ilamo pakat dunya. Piah duh ka tuai damuai urang pang maong dalam dunya, YouTube patui veik lac gah pambuak bruk papar tapak praong abih haong quy mo oh ka tuk halei hu. Oh lac sa danak dak phling ragam, Coachella meng kal mai hu ieu lac "Thế vận hội di dom urang hu angan je". Ini lac kein lagaih ka dom urang hadah krah paneh asal kadha saong gah ngak mbang pablei salih yaih khan angan je.