Patui danak dak mbang nyaom ka Sa, Quoc hoi mbang 16, page ini, Quoc hoi brei khan tapa Sarak mbaoh tangin pok ngak Thẩm phán tòa án bhap bini pakat glong; khan tapa Sarak  ka urang jakar Rajaei; khan brei thau dom Sarak ka bruk pok ngak Pho Thu tuong Rajaei, Akok mentri saong urang karei di Rajaei. Biar harei, Quoc hoi  brei ginum ka dom danak dak hu makna praong yau: Hukum Thu do(pasiam veik); Hukum ramik pasiam, pabak dom asar kadha di Hukum Pakacah, meyaom saong  Hukum Adat cambat, agama (ramik pasiam).

Dalam biar harei kabroi 7/4, Thu tuong Rajaei Lê Minh Hưng peih ngak adat tuyen the ala hala daok Negar, anak Quoc hoi saong bhap bini, cu tri dalam negar. Brei panuac hadei tuk tuyen the, Thu tuong Lê Minh Hưng kakei lac brei pataom tame ralo abih di 5 jalan ngak hu makna praong, abih di nyu lac padang ngak sa Rajaei salih birau, dak padang saong duh ka bhap bini. Thu tuong Lê Minh Hưng jeng khan brei thau cambaic laic, bruk patagok GDP kuhria rah tapa hu labaih 10% dalam thun meng thun 2026 -2031 lac bruk cakrok patagok di taneh ia, piah ngak hu siam bruk di taneh ia.  

Po UBND tinh An Giang taduan angan xã Cù Lao Giêng lac xã kaoh pulao akaok meti di tinh An Giang. Xã Cù Lao Giêng hu taneh praong jaik 70 km2, daok di kreh kraong Tiền, 4 gah lac ia, ini lac bhum taneh kaya meda di tỉnh. Bruk taduan lac xã kaoh pulao caong khin ba mai mbuan lagaih piah bhum palei hu mbang tui sarak daong karei tui labik, tapa nan jhul pakhang bruk cakrok patagok kinh te - xa hoi, paglong raidiuk bhap bini.  

Tỉnh Vĩnh Long peih ngak praong prang bruk pataom mbaok Raya Chol Chnam Thmay  thun ini di bhap bini Khmer  gam hu labaih 600 urang Khmer  daok ngak bruk, padeih hưu blaoh, dom amaik Viet Nam anh hung, baoh sang dalam sarak karja. 5 thun tapa, Vĩnh Long hu padang ngak birau 279 danak dak kuhria tui jien labaih 434 ty dong. Ta-eng thun dahlau, tỉnh buh jien tame ngak labaih 170 ti dong piah padang ngak jalan mbak patagok kinh te - xa hoi, abih di nyu nan lac di bhum urang bangsa takik. Bruk khik ramik, patagok ilamo meng kan pambuak haong bruk ngak yulit hu caik hatai sangka, rik tame patrun kathaot khang kajap.

Bhum taneran kraong Cuu Long daok yam tame bilan pandiak thu. Tukvak ini ia mbak 4%0 nyom tame dalam meng labaih 45-55 km di mblang  hamu, di dom labik karei yau Vàm Cỏ saong Cái Lớn meda tame tal 70km. Tui kuhria meng ini tal abih bilan 5, kayua hajan takik, ia meng gah angaok kraong trun, nan ye dom mbang njom ia mbak tagok glong, rah tabiak sraw kadau.

Kapol nang luong Eni di Italia duah mboh sa bingun khi cuh birau di langiu tathk Ai Cập  hu 2 ribau ti feet menyek. Bruk duah mboh nan hu makna biak praong dalam tuk Ai Cap daok pakhang bruk ngak tabiak nang luong dalam negar, njauk ndem tal bruk mesruh metak di Trung Dong ngak klaik klaoh bruk pabak nang luong di dunya. Ai Cap kuac labaih 100 baoh bingu duah menyek dalam thun ini saong labaih 480 bingun di dom labik ngak tabiak menyek dalam 5 thun, piah mek hu kaya drap ar jeng yau khik hu menyek nang luong.

Dalam adit akok bilan 4 ini, bhap bini di rilo taneh ia Dong Nam A having akaok dang anak bruk pandiak bhang catang yau apui ralo labik tapa 40 do C. Di Thái Lan langik pandiak di ralo labik tagok tal 42 do C. Dalam tuk nan Malaysia brei peih bruk ngak taginum brei hajan di ralo labik dalam negar.

Langik pandiak di Anh meda tagok glong “oh ka bhian mboh” dalam dom harei akaok bilan 4. Dalam harei 7/4 langik pandiak tagok tal 24 do C, glong jang ralo dut haong bhian harei bhian labaih 15 do C tuk ini dom thun dahlau. Gam haong langik pandiak, jabat chuc nang kakei tapung bingu ralo. Rilo tapung bingu tagok meda ngak rilo ruak  idung saong kan suak yawa di urang mbuan ruak./.